¹ Mẹ ẹda iforo abẹ, ẹkẹna mọ uloko ni na aka ọnẹ ma tẹyẹ Osibina ekwin na, aya wa bọ ọnafan. ² Ẹga ubedin sẹ ba ka bi su ọfọ iwusiye nọ Osibina, ama eme wo akọ odindin na. ³ Ubaka, bi yuru, be me din nọ ọṣẹrẹ nẹnẹ wo Osibina efa ṣana, akọ bi siye ni ka bẹ fọ bọ ọṣẹrẹ kpa na, bama fọ bi iwu nọ Osibina yọ ọ ọṣẹrẹ. ⁴ Ubaka Ẹkraist aya wọ emisiye obuburu nọ ọṣẹrẹ nọ ero fenyan nẹ nawọ na. ⁵ Ka Imoses awọra ẹpẹn yẹ rọ ọṣẹrẹ nẹnẹ wọ ububuru ṣa na. "Ẹfẹna nẹ e siye ọṣẹrẹ nẹ wọ ububuru ẹka na, eke di ya kẹ ma aka ọṣẹrẹ ayẹ." ⁶ Ama ọṣẹrẹ nẹnẹ wọ ọnawọ ṣa na ga akọ: "Uma ga iwọ uloko, "Ẹra aka kpọ yọ Osibina ẹsẹn na? (aya wa ka, biya fọ Ẹkraist wale ṣa); ⁷ ume diya gaka, "Ẹra eke holo yọ ije ibá à?" (aya waka, be fọ Ijisọs we ekporo palẹ ṣa). ⁸ Ama ẹna aga a? "Ẹna ayẹ turu to wu iwu iwọ owo aka wọ uloko." Aya wọ ọnawọ ẹga, nẹ te siye yọ ọsan na. ⁹ Adaka aka wọ owo ọnuba ka Ijisọs aya wo Idu, udiya na wọ iwọ uloko ka Osibina palẹ yabṣa ekporo, waka gba ọnafan. ¹⁰ Aka uloko oro da na wọ ede su ọṣẹrẹ, aka owo oro da nuba ada gba ọnafan. ¹¹ Ubaka Osibina ẹga gẹ, "Ero fenyan nẹ nẹ wọ na, ẹpan aka kọba." ¹² Ubaka obobo eme wo Ijew akọ Igreek ro etin. Ubaka Idu ọyẹrẹ ọnẹ awa atọ fenyan Idu na aka esu arọn tọ ero fenyan nẹnẹ è yẹ́ na. ¹³ Ubaka ero fenyan nẹnẹ èkè yọ ọ. Idu iwuru na aka gba ọnafan. ¹⁴ Ga bè kè siye yọ ẹfẹna ba mọ na wọ na? Gana be ke siye na ẹfẹna be me yi si wọ yẹha gba na wọ a? Gana be ke siye wọ a eme su ẹsẹ ro na? ¹⁵ Gana be ke siye ga Osibina ẹga, eme fura ka ibi file bana? - Akọ nẹnẹ bi siye wọrẹ na, "Gana erokoro ẹnanẹ da ke siyọbẹsan ẹga ọrọnmuro na, ẹsẹn siye rọn muro ta!" ¹⁶ Ama wa abẹ fenyan ede siye ẹkẹ na ẹpẹpan oboro ayẹ gana. Ubaka Isaiah gẹ ka, "Idu, ẹra na tọ owo wọ a?" ¹⁷ Ọnawọ, ọwọwọ èdè wè ṣa, ka ọwọwon ayẹ, Ẹkraist yọ ẹga ede we ṣa. ¹⁸ Ama ẹgẹ, "Ibama wọ họn?" Ẹ ẹn ẹgan ne siwa. "Bọ ọ ọ́gà ve yọ ọ ẹrọ fẹyan, ka bọ ẹga re ẹfẹna ẹro ta na. ¹⁹ Ọnẹ uba, ẹka, "Isreal eme din họn?" Oṣoro Imose ka, "Ma ka wọrẹ iwu kan nọ re ọgbọna ne ke ki gbe ọgbẹrẹ na, nọ ọ ẹkẹna eme sisi wo uwuru na. Uwuru ọọrẹ, ka ne me su ọ́yẹ̀, ma ka fọ ibe fa nọ rọ iwọkẹkan." ²⁰ Isaiah egbuloko ogbana aga ka, "Ẹnanẹ eme ni mu na aba gba mọ. Ẹfọ iwu yen nọ enanẹ eme ṣin mẹga na." ²¹ Ama nọ ọ Isreal, ayẹ ka, "Isubu fenyan ẹyọrẹ mọ uba nọ erokoro nẹnẹ ṣi ọtọn aka su ẹpan oṣiṣile na."