¹ Ọgbọna èè pila ṣa Ecapernaumu isubun kekebiwu naa, béé sạ wo ka ewe ubo. ² Ero ọyọyọ jese ẹ fẹ nẹ bẹ emipile su ẹfa. Ku ujun mowo, Ijesu gẹ ga nẹ ba. ³ Egben ni foro ẹben fọ ogben no foro ọben nẹnẹvfu uba ạkọ oṣen na; ero ena apanya. ⁴ Ogbona bime din fẹ turu ubaka apen newo efenebe na béé nore pon utosi béé jin osẹrẹ nẹnẹ. Ijesu ma na béé mosu fiwen wujen akon obele nene biyanpareyan na. ⁵ Akọne Ijesu siye gba bọọ nawọ na agan no oro oforo nene fo uba aka oṣen na, "Ogbe bẹ fọ wi luwe ẹpan gbuwu." ⁶ Ogba ọnebe Iscribu ẹben ma nẹ fẹ nẹ bẹ be roro ewo ibu loko, ⁷ "Ga na oforo ọne eke sie ke ga kwa? Enako! Ẹra edina filuwe epan ne gbu mora ama do Osibina ayarera?" ⁸ Iganigan Ijesu din iyen funwen funwen aganeba ka, "Enane ni sia ko eroro inu loko na? ⁹ Ọna abẹrẹ iwu oga ne ẹdẹda nẹ fọ uda akọ oṣen no nẹbẹna. 'Bẹ fọ wilue ẹpan gburu' ṣọ ga ka, 'fura fọ wọ bele, uki jejen'? ¹⁰ Ka udi din ka orokoro ogben su ububuru ẹroo ọnẹ ka fenpangbun" á á gan no ega no ofu uba ako oṣen na yẹ ka. ¹¹ "E è ganne won, foru jowon, to wo bele, ọke yọ wu boo. ¹² Éé fura iganigan atie yọ obenle, e weyọ e wubo aye weṣa erofiya ayen, e jin na bẹ fẹ yan owo fua bẹ ugbugbodi nọ Osibina, bi mi ge ka, "Te mi gba ẹpan olako gba." ¹³ E dine ki wesa ogbolo oton, akpẹ fẹyan ṣa twẹ, edine teba. ¹⁴ Ako nee éé slyen suu na, áá gban Ilevi Alphaeusi ogben a mạạ ken ona amana abe, áá gan neyan ka, "keyere mọ" áfura áá yere yan. ¹⁵ Ijesu áá jejen Ilevi ubo aka onạ amana abe ake iluero abe aka yegben urum meka abe, ubaka erokoro yoo naa yere yan na. ¹⁶ Ogbona Iscribu, ẹnanẹ wọ Epharisi, gbaka Ijesu éé jinjen akon iluwero aka ona amana abe, béé gan no yegben urum meka ka, "Anawore áá jinjen akon ona amana abe akon iluwere abe.? ¹⁷ Ogbona Ijesu wow one na, ágan ne ba ka, "Erokoro nẹnẹ bi wu gan na, bee mee ni efen nane aka bale bi wu gan na; eme furaka, enane yaan na, abe eni efen na aka fon bi wu gan. Áá mee Imasa yee enane wọ osere na ama iluwe ro abe" ¹⁸ Akana Ejoonu yegben urum meka abe aka Epharisi ro abe bale Osibina ayen. Ero ẹben sạ twẹ ka, "Enawore nẹnẹ Ejoonu yegben orum meka ako Epharisi begben urum meka abe agbawe ama wọ ágben orum meka abe, bi ma gbawa?" ¹⁹ Ijesu gan ne ba ka, "Ẹnane maba esia aredena bé dina nawe eki gbeka ovia oforo wo be tin na? Eki gbeka ovia oforo kivwo be tin, be dina nawe. ²⁰ Ama fura betin na, isubu olẹgan ba ka na wẹ. ²¹ Eme su ẹfẹ na ga gawo ẹsẹsere owowo yere esạ osusu osi nạ. Esiyen gan dạ osare oben afene efura osare oben, owowo ejoomo yewu iko susu ejoomo ane yewu, aka esạ ayen eke ben fuwạ. ²² Emea su efen nane ake guma aden owowo fele ạden osusu mo kono. Esiyen egan da aden ayen okono aka pen ka adan ako okone esiye ofu. One ubaka, aden owowo be de wow okono owowo ibe." ²³ Osi subu Ijesu suun egin nene bibire ebe, yegben urum ro abe sạ asee ejin epan. ²⁴ Epharisi abe sạ gan neyan kạ, "Bale yan, ena wore áá nene wegben abe esiyen ekena amobo osisubu na?" ²⁵ Éé mi gan nee baka "Newo yan gban ogbon na awon asẹ Idefidi nạ, ekena esiyen nạ-áyen ako erokoro newo yen fan na- ²⁶ akone asiyen fon Mosibina ubo yoo ogbon nee Abiathar awow Ishigiri epan ééje ekara nene wo Osibina epenpen nạ nenae ma buka ééje na akone otin siyen wore wijen na, amadaka Ishigiri abe ayare, áá diyan fon eben no enane yere yan sạ na ka bi jen?" ²⁷ Ijesu sa genka, Osibina maan osisubu no orokoro, amawa orokoro no osisubu. ²⁸ One ubare, orokoro ogben mi sin na emaa, kon osisubu.