¹ Ọnẹ a wa Ijẹsu Ikristi Osibina oògben ẹpẹpan oboro ọọ̀tọtọmẹ ne. ² Akọ nẹnẹ ọgẹsẹ iisayo sie wọrẹna, Balẹ ya mèefile mu utunro aṣa ọnẹnẹ ẹkẹ guru ọripopo na. ³ Ohuh ọnẹbẹ nẹ eyọga ọdan mobelerena guru Osibina ọripopo wije gba ka ewo ọṣerẹ. ⁴ Ejoonu ṣa, e rimomo ọdan mobile edina apọ ẹpẹ pan edine rimomo ano ibe ororo pila nọ epan ogbugbun. ⁵ Iken fẹyanfẹyan nẹwọ Ijudea aka ẹrọfẹyanfẹyan nẹnẹ wọ Ijerusalẹmu. Eri ba imomo Ijodani oògbolo bẹ nu ba nẹ bò iluwe. ⁶ Ẹjoonu wọnẹ ẹfile agogo ẹpẹn aka ekoo oyi a pariṣin, a a tamọ ijolo odan ẹwonton. ⁷ Agẹ uburu, "Oro aka ṣa nẹnẹ aka gben nẹda fọrėo mọ na ẹfẹ nẹnẹ egbe ka yẹ ba ta oyi me dina tọ mẹ kẹ torana. ⁸ Iri ni momo aka ebi, ama ayẹ eke ri ni momo aka Efunwenfunwen owonwon" ⁹ Asạ suun isubun oben nẹnẹ Ijesu sạ fura Enazareti Egalilee, Ẹjoonu riyi momo Ijodani ogbolo nẹya. ¹⁰ Akonẹ Ijesu seyen ve ṣa fura ogbolo ayeo na agboka oṣosi jin wije akan Efunwenfunwen wolo sạ Osibina ẹsẹn akọ ẹṣokpa. ¹¹ Owow diyen vensạ Osibina eṣen, kaa awọ awa mogben ikuwenka nẹnẹ ami niyen gan nạ. ¹² Ogbon nẹbẹn ayẹ Efunwenfunwen ṣạa tẹ yẹ ba fon mọ odan mo bile yọọ. ¹³ Èé won ọdan mo bile isubun iborẹn esuu ṣạ amẹẹ bale. Èé won enẹmẹkẹka etin, aka angẹli abẹ sạ biyen ṣọ okoto anẹyan. ¹⁴ Ọgbọ nẹ bẹ sẹ Ejoonu ju wu ubu na, Ijesu yọ Ẹgalili aa pọ ẹpẹ pan oboro Osibina ẹga na. ¹⁵ Áá ge ka ogban ayen renke aka Osibina ikoekpen turu a ṣa niroro iben pila ne diyan naa Osibina epenpan owonwon won. ¹⁶ Àké èè siyen jenjen ogbolo nẹ wọ Egalili ẹka ọtọn na agbo Isimoni aka Anderu Isimoni ọda ka bẹ nẹ bo agẹ ewọ ogbolo, ọsa yẹrẹ bẹvwa. ¹⁷ Ijesu ga nẹ ka, "Nekesa, nẹ yẹrẹmọ ma ka ṣẹ no ṣin nọ ọsẹverokoro na yẹ rẹ mọ na". ¹⁸ Iganigan bèe ta yi ba agẹ bi ya yẹ rẹ ya. ¹⁹ Akọ nee Ijesu siye jejen turu wẹ ren keke na agba Ijemisi Izebede ogben ako Ẹjoonu ọda, bi wọvọkọ ẹbẹka biue guru ba agẹ. ²⁰ Èé yenbạ bidinne tayi bẹn dẹda Izebedee ẹẹ ọkọ ebẹka aka bi ikotoro bẹ yẹ rẹ ba. ²¹ Bẹ ṣa bẹ fon mo ecapernaumu, aka ẹyẹ ofilẹyẹ isubu, ṣun èé tie ba. ²² Aṣa jịn ba owo fuwa nọ otietie nee tie ba na, ako nẹ éé siyen tie ba akone efen na su ububuru na ama akone Iscribiro abe siyen siyen na. ²³ Emefon mo rẹ ogben noforo newe bọ isinagogun ọnẹnẹ su efunwenfunwen odudu na yọga waṣa, ²⁴ Ạ́ạ́ gẹ ka ẹna ato su osiye aka awaa Ijesu Ẹnazarẹti ẹko? Osạ kọ ọsa ùtùtu hun? Idin nẹfẹ na ọwa na. A wa wọ ọwọnwon nẹ wọ Osibina aka na. ²⁵ Ijesu mọ efunwenfunwen odudu ayẹ ga aka, "pọwo uwo yi wu wa ṣa." ²⁶ Efunwenfunwen odudu ayẹ ṣa fa ri je ẹmi wo yi wi wasa akọ esie kpamọ owo eyi oga na. ²⁷ Ejin ero fẹyan owo fuwa bi mi ṣin na bẹn ka, "Enana? otiti owowo akọ ububuru! éé buru efunwenfunwen nedudu bi diyen piyanton. ²⁸ Bẹẹ ṣạ pọyẹpẹpan efan fẹyanfeyan jenene Egalilee ijen. ²⁹ agbon nẹnẹ ẹrẹ sa isinagogun bẹẹ sa fon mọ ubọ nẹnẹ wa Isimoni akọ Anderu bile ọ Ijamesi aka Ẹjoonu. ³⁰ Akana Isimoni orowiyan wii egun obele nẹ wo bẹẹ sạ gan nee Ijesu yi gun megan. ³¹ Aá mi sạ sẹya uba apanyan fura jọọmọ iba ayẹ furẹ yiwu áé fura ami sạ a yẹrẹba. ³² I yọbẹrẹ ọnẹbẹ ọgbọna eyi fun na, bẹ kwọ ero fẹyan ne yan no ako ẹda nẹ sọ efunwenfunwen nedudu na. ³³ Iken na yẹ feyan-feyan jese wọ opolo. ³⁴ Afa akẹ sẹ ne erofeyan nẹ su igun na edine gu ọ ẹfunwẹnfunwen, we amo eme yaka efunwenfunwen idudu abẹ bẹ gẹ ga uba ka bi din yan. ³⁵ Efura ọro run mẹka firifiri, ọgbọ na apen, nẹ mi pan na, Efura ayọọ ẹfa ne ero ama ma na ẹfẹnẹbẹ a gba adura. ³⁶ Isimoni aka ero nẹnẹ wi yefan na bi ni yane. ³⁷ Bẹ gbẹ bẹ gan nẹ ka, "erofeyan eniwu". ³⁸ Agẹ ka, "Ne ṣa tẹ yọ ẹfạbẹn iken nẹ kạwọ ẹkọ na ubaka idin gẹ mẹ nẹ ike fẹnẹbẹ onu ba worẹ wẹsa ẹkọ ne. ³⁹ Ene nọ Egalili ibe fẹyan,vesie iwa sun ibo, isinagigue edine gu efunwenfunwen idudu abe. ⁴⁰ Ẹkun mata da ro ṣa, Agun me kwu ten, atẹẹ ya ekwin ka, Wani, udi na fọ ma kẹ sẹ. ⁴¹ Yeyi son ya, Ijesu yọ ru ba a dẹna, agan nẹyan ka, amen eni woo. ⁴² Iganigan awẹ ẹkun ma ta yẹ fura yi wu ne. ⁴³ Ijesu ṣa wonyan aga nẹ ya ka akẹ yọ. ⁴⁴ Áá gan nọyan ka, "Gbaka uma gan nee koro oyere ama keyo. Ọfọ wewu yen ashigiri udiyen siyen iyanpuvne wo owowwow akonẹ Imose siye buruyan na, okọ ubedi na nẹba. ⁴⁵ Ama ewe yọ a gẹ ga yẹ ẹfa fẹ yan edina san mẹ ga ye. A san raka Ijesu eme pile de fon mi iwu ru akpẹ ama ama nọ iken ni ke ke. Kẹ gan kẹ gan erokoro ki wọ ẹfa fẹyan ni ya ṣa.