¹ Ijesu jejen eunmo isinagogu, esu oforo ne fuba ẹfẹnẹbẹ. ² Erẹbẹn ni wẹ fẹ nẹ bẹ baalẹ adako Ijesu aka fuọ yi wu gan Ẹsabati isubu na bidi kuọ tuẹ. ³ Ijesu gano oforo ne fuba na ka, "Fura jọmọ erokoro etin". ⁴ Esie emi gano ero abe, "Granmuro ka oro siye obore so odudu be na fan, sa wan noro?" Bẹ duṣu. ⁵ A baale gegere bili aka iwu gkẹnkan, be yi saa ya bili buloko odudu, gano oforo ro, "Yọrẹ wuba veṣa." Ayorẹ ya ve ṣa yi ba gaan ya. ⁶ Ẹfarisi bi rẹyọ iganigan akọ Ihẹrọdu abe bẹ bieroro akọnẹ be ke se wan ya na. ⁷ Ogba enabe Ijesu, aka ye ben nu run meka, yo ogbolo, ero ọyọyọ yẹ rẹ ba wo Egalili wo Ijudea, ⁸ bi fura Ijerusalemu sun wo Idumea bi sun Ijordan oṣin nẹ sie etyr aka Isidon eka na. Ogbona be wo otun ne sie na, arokoro ape ṣa tie. ⁹ A gane ye Ẹgbenurumẹka abe ka bi nọ ikerese ebi eka nẹ ya yẹ erokoro yọ fọrẹba, bi me pila ẹe ya ye ba. ¹⁰ Afo erọyọyọ iwu gan, ero ọyọyọ nẹnẹ su igun na bi turu etwe ka bi bin deya. ¹¹ Ọgbọ nọ efunwenfunwen odudu agbẹẹ bẹ da falẹ wije bi de yọ ga ka, "Awo awo Osibina Ogben." ¹² Afọ eburu nẹ ba ka bi ma fo ya ye yẹn. ¹³ Akpo yọ orosi, eyọ ẹnanẹ enina ba ṣa twẹ. ¹⁴ Etie ẹfọ kẹ ebọrẹ (Eye ba Apostle) ubaka bidin mẹ ma edin fileba kẹ go utun mayẹ, ¹⁵ aka bi du su uburu nẹnẹ be ke ki gwo efunwenfunwen idudu na. ¹⁶ Etie abẹ efọ kọ ẹbọrẹ: Isimoni, ẹyẹ wo Ipita; ¹⁷ Ijemisi nẹ wọ Izebede ogben na bile Ẹjọọnu nẹ wọ Ijemisi eda, na yo ona aba Iboanergesi, nẹ wọ apara ogben na; ¹⁸ akọ Anduru, Filipi, Ebatolomewu, Ematiu, Itomosi, Ijemisi nẹwọ Alufẹọsi ogben na, Etadiosi, Isimoni newa Izealoti, ¹⁹ akọ Ijusasi, ne feyan na. ²⁰ Emi ṣa ayo ubo, akpẹ bi de jese, bimesisi gbore jijen. ²¹ Ọgbọne yikuba wọya na, bẹ yọ fu uwogbẹn sẹ ya, bẹ ka, "Yi roro ema pila ye ba bẹ." ²² Iscribu ra be bi newo Ijerusalemu ka, "Efunwenfunwen ne wo Ibeelzebulu" aka "Efunwenfunwen ereroro egwo efunwenfunwen idudu." ²³ Ijesu ye ba aganẹ ba otiten, "Gana Esu eke se gu Esu? ²⁴ Egbeka ikpepen ne ruwa yiwuba, ikpepen olegan edina jomo. ²⁵ Ubuwo eruwa yi wu na ubowo olegan edina jomo. ²⁶ Esu efura to yiwu, eruwa ekedi jomo eke fu. ²⁷ Eme su efena din na fon mọ ẹfẹ nẹ gbe nẹ da na ubo ede jene yere ye pen na ama da ka atie pareya ke na ṣa edi fun yo bo na. ²⁸ Ikwa ega nọ iluwe nẹ orokoro luwe na erokoro lue na ba ka fepan gbun ba ko elabo nẹ bẹ ga na, ²⁹ ama ẹfẹnefena a ge labo no Efunwenfunwen ọwonwo na aka gba epan no gbun gbun, aba elue ero nemesutana." ³⁰ Ijesu gẹ ubaka ba gẹ ka, "efunwenfunwen no dudu." ³¹ Wiya aka yọda bẹ ṣa bi wọn yẹn. Bi file nẹ ya. ³² Apẹ ma gegerẹ be ga nẹ ya ka, "Niya aka nero abe bi woyen, be sin we ga." ³³ Eguna bowo, "Era wa tiya aka moda?" ³⁴ Abale ẹnanẹ ma kọ ya na a gẹ kaa, "Balẹẹ tiya aka moda bẹ! ³⁵ Ẹfẹnafena siye Osibina ibopin na aya wa moda oforo iyaro, bile tiya."