¹ Ọnẹ ṣẹro Ẹsabati isubu Ijesu è é ṣun mọ egin neru ako yọ egbenurumẹka abẹ biya sẹyọ egin nẹpa biya kukuse yuba a tan. ² Àmá Efarisiro eben ka, "Ẹnanẹ nẹ siye ẹkẹna obuburu ka bime siye ẹyẹ ofile isubu na?" ³ Ijesu gunabowo ka "Ini mesi gamọ ẹkẹna Edafidi siye ogbona awòn asẹ ya na, Aye aka iforo nẹnẹ wọ iyẹfa na? ⁴ Afọ mọ Osibina ubo e ti yọ ekara nẹnẹ biya wọ Osibina apasẹ e jẹẹ a mọ edina nọ ẹnanẹ ayẹrẹ ya na ka bi jẹ̀ẹ̀, èsí wa ka asigiri abẹ ayare edina jẹ̀ẹ̀ na." ⁵ Emi ganeba ka "Orokoro ogben wọ Idu ne eyofile." ⁶ E di ne ki ṣero Esabati isubu ọbẹn ayọ Isinagogu ete ẹnane wọfẹnẹbẹ na. Ogbennoforo ọben wẹ fẹnẹbẹ nẹ yuba ojijen welegede na. ⁷ Iskriburo akọ Efarisiri wefenebe bituru niyayo biya balẹya sa aka fọ oriwu gan Esabati isubu na, erigana bidi kurubẹ. ⁸ Edin nẹ kẹna be roro na, aganẹ ẹfẹna yọ uba welegedena ka, "Fura jọmọ erofeyan eren." orayẹ fura jọmọ ẹfẹnẹbẹ ⁹ Ijesu ganebaka, "Iṣinu, njẹ e wọ obuburu ka bi siye oboro abi odudu, ka tẹ noro fa abi ti bapẹ fua?" ¹⁰ A ṣa abalẹba gegere agane oraye ka "Yore wuba weṣa" Esiyegansiye yọ uba pila woṣore. ¹¹ A ṣa iwu aàkaba bi a ganabẹ ekena be ke siye Ijesu na. ¹² Edina ṣa ka isubu ẹnabẹ ka ayọ ọrọsi je ne si yọ adura. E si yọ adura fọ mọ esobẹka no Osibina. ¹³ Ọgbona epẹn kpanna, eye yọ egbenurumẹka, etiye ẹfọkẹbọrẹ ibiwu nẹnẹ a fọ iwuru nọ nẹ wa Apostoli eka na. ¹⁴ Apostoli abẹ iwuru wọọ Isimoni (nẹnẹ abọọ Ipita na) aka yọ ọdabẹ Anduru, Ijemisi, Ẹjọọnu Ifilipi, Ẹbatilomewu, ¹⁵ Ẹmatiwu, Ẹtọmọsi, Ijemisi nẹwọ nfeyusi ekana, Simoni nẹbeyọ Isiloti na, ¹⁶ Ijudasi Ijamisi ogben, akọ Ijudasi Iskaroti, nemi sinọ osifowanọro. ¹⁷ Igan aye Ijesu kọba holo wọ orosi ṣa wo ije nẹnẹ lẹ ẹ ya yẹ na aka yegbenurumẹka bilọ ero ọyọyọ wọ Ijudia akọ Ijerusalemu aka ebi ọkẹka ọ̀ọ̀ton ọne Ẹtaya aka isidoni ẹkana. ¹⁸ Bi we ṣa ṣa piyaton aka bẹ no ọkẹsẹ ibọ̀ọ̀ igun. Ẹnanẹ efunwenfunwe nidudu wiwuna gba ọkẹsẹ. ¹⁹ Erofẹyan nẹnẹ wa akpena awọmiwu ka abidin dẹya ubaka iwogbigbe ọ fọ ero iwu ga woyiwu we asa edina fọ ọkẹsẹ nẹ abefeyan. ²⁰ Shana abalẹ ye ye gbenurumẹka abẹ ageka, "Ukukurubile awanọ anọ iwa ro, ubaka awọ Osibinẹẹṣẹn. ²¹ Ukukurubile awanọ ẹnanẹ awọn asẹ akanana, ka wekefe. Ukukurubile awanọ ẹnanẹ eèyiwo na, ọrọnma ka wa nẹka. ²² Ukukurubile awanọ ọgbọna erokoro egoliwuna, ọgbọna bẹ mowugbeli bidina akpare wetuna biyuru wiwuru akọ orokorooduduna, ubaka Orokoro ogbenna. ²³ Kẹbẹn isubu ayẹ udine suwa kẹ pososi nẹ ẹbẹbẹn, ubaka egbenmayẹn ka wẹkẹrẹ wosibina ẹẹsẹn egan ba bero iṣoro abeẹ̀ siye to Ẹsẹro abẹ na. ²⁴ Ámà fẹlẹ nọ anọnẹ ni su arọn na, ubaka nẹna iwọbẹbẹrẹ ke na. ²⁵ Fẹlẹ nọ anọ nẹnẹ ni fe kẹna, awon aka senọ iyurunba. fẹlẹ nọ anọ nẹnẹ na mọẹ nakana na, neke yukukuru neke dine yiwo esiyena. ²⁷ "E ga ànọ́ anọ ẹnanẹ ne piyatọ na, ega nẹnọ ka ni ni neboro nidine ki siye oboro ki to ẹnanẹgoliwuna. ²⁸ Fọ okukurubile nọ ẹnanẹ èè suwawadan na udine sie adura ke nọ ẹnanẹ fọọ oya e je wu na. ²⁹ Ne efena ekuruwu ebaṣiṣi ọsarẹ ọrẹ na, oro etiye wọ ewuru uma fo wo ibeka bebeneya. ³⁰ Ẹfẹnẹfẹna eṣin wu na. Osu ẹfẹna tiye ẹkẹna wa wẹka na, ume pile ṣiya ka epilẹ nẹwọ. ³¹ Akọ usiye ni ka bi siye to wu na, siyẹga siye to ba. ³² We sọọ unini to ẹfẹna su unini to wu na, ẹ su okurubile nẹ wamo ne wọ na? kẹga kọ iluwero abẹ be siyẹ. ³³ We siye oboro kẹno ẹnanẹ esiye oboro etowu na, ẹkẹrẹ ọna ewamọnẹwa.? Kọ iluwero de ki siyegan. ³⁴ Egbeka wa bọ ẹnanẹ udinka bidine duna wọ pila na, ena wa wẹkẹrẹ amọ na? Kọ iluwero da fọ ẹpẹn kẹ bọwa bẹ, bi de dine duna pila akọ bi siye bọwe na. ³⁵ Ama ni webero ega udina siye oboro ki toba. Bọwọ ba ume dine roroka ekere iyuruba, wọ ẹkẹrẹ aka gbodi weka dina wọọ̀ Osibina nẹnẹ wapana ogben, ka yẹ bẹba esiye ese e tọ ọ ẹnanẹ a gamẹba na aka erokoridudu. ³⁶ Sọeyi ọsọsọ ako neda siye su eyina. ³⁷ Uma sẹnẹkarẹ, bi ma dine ṣẹnẹkarẹ nẹ wọ. Uma ṣẹ nẹbe, bi me dina ṣẹ webe fo ẹpan gbu mero, bi di fọ ẹpan gbu kawọ. ³⁸ Waa, be ke dina wa wọ ofife ka bowo-rẹ ya holo, gbu ya bile eguma ki wije-e di ne guma wo wọ ọtọpa. Aka akọ usiye mẹ na, ẹgan be ke siye mẹẹ̀ nẹ wọ na." ³⁹ Edina gọọ̀ utite nẹba. "Eèsu osiye ka openayẹ a fọ openayẹ nọbẹ ṣẹnọrẹ họn? Ada ka e siyẹ, abẹ ẹbọbọ a ka falẹ wọ upolon, ama wẹ ga sọ? ⁴⁰ Ogbennurunmẹka edina fọre ẹfẹnafẹna be te oboro na di na ke balẹ aka yọ otitero na. ⁴¹ Ẹnanẹ udakẹ balẹ iku okeke nẹ wọ iwọda ayẹn àmá umedinka iku ọkẹka wo wa aye na? ⁴² Gana wekesiye ganẹ wọdaka, ọda, jọmọ itiye iku okeke nẹnẹ wo wayẹ na ọgbạna awọ umesisi gba iku ọkẹka nẹ wo wa ayen na? Awọ irekureku ro onẹ! Tayi tiye ikuokeka nẹnẹ wo wayen na, ọgba onẹbẹ we kemi noboro tiye iku okeka nẹnẹ wo woda ayẹ na. ⁴³ Eme su oti oboro nẹnẹ di ne muni ilukutu omuẹmuẹn, eme dine su oti omuẹmuen e dine mu nọ ilukutu oboro na họn. ⁴⁴ Ọnẹ uba oti obobo ayẹ bi din nọ ilukutu nẹnẹ edeki mu na. Be dine jesu ilukutu nẹnẹ wọ Ifigi ẹka na furọ ẹwọn mọ oti sa ka be kọ igirapu fura ọọ ibiria emee. ⁴⁵ Oroko oboro oromuro nẹnẹ e su wọ iyọ uloko na e de mu nọ ẹga oboro, ako orokoro odudu iyọ uloko odudu eke di ne ki mu nọ ega odudu. Ọyọyọ nẹnẹ wọ itọn uloko na ayọ ẹga die ki we ṣa owo. ⁴⁶ "Ẹnanẹ nẹ yẹ mu 'Idu, Idu,' àmá ni me siye ẹkẹna i ka nisiye na? ⁴⁷ Ẹfẹnẹfẹna aṣa mẹfa awọ mẹga edina e e siyutu na ma ka ga nẹnọ efena awana. ⁴⁸ Abalẹka oro nẹnẹ a mo ubo a pọ uponlo nẹnẹ lo na nẹnẹ e suyọ ubo ayẹ ọpẹpa wo ọtarẹ nẹnẹ sile na. Ogbọna ogbolo sa na, ebi ọkeka nẹnẹ a ra e sumọ ubo ayẹ na àmá ebi aye e me di gbu ya, ubaka bẹ mẹ yoboro ⁴⁹ Àmá ẹfẹna wọ mẹga eme siyutu na, e ki wa ka, ubo nẹnẹ bẹ ma wọ ije osi nẹnẹ yọ ọpẹpa eme wọ ọtare osi na. Ogbọna ebi ọkẹka a sa na, nẹnẹ ebi ayẹ ṣu mọọ̀ ubo ayẹ na wuru ya wije, ubo ayẹ mi ṣino ẹtapere.