² E su ọgbamẹkọnrọ nẹ su ọvan nẹ wọ ọtọn nẹ ya na, igun ni ka wan ya. ³ Ọgbọna ọgbamẹkọnro ayẹ wọ Ijesu ẹga na e file Ijuro ẹkẹkaro nẹ ya, ka a ṣa fọ yọ okotoro iwu gan. ⁴ Ọgbọna bi re Ijesu ẹfa na bẹ te ye ekwin ka "A wa ẹfẹna abọ ka u gwe uba na. ⁵ Ubaka, eni ti iken ẹ ga, a yẹ a má isinagọgu nẹ tọ." ⁶ Ijesu mi ki yọ yọre a yọ. Àmá ọgbọna eme pile fọn nọ ubo na, ọgbamekanro fi le yẹ ẹrẹ ka be ga nẹ ya ka, "Idu, u mẹ juwa, ubaka i me gwe ka ọ ṣa mu ubo. ⁷ Ọnẹ uùba, i me si roro ka i si a ṣa e to wu, ki ga ẹga ọọrẹ mọ okotoro aka kẹẹsẹ. ⁸ Ka me wa ẹfẹna wo ugbẹn igbẹn na, ma ga nẹ ọnẹ, 'Yọ, ' a yọ, ma ga nẹ ọbẹn ṣa a ṣa, aka nẹ mo ọvan 'sie ọnẹ' è siẹ ẹ." ⁹ Ọgbọna Ijesu wọ ọnẹ na, e jin yo wo fuwa e bila balẹ apẹ na yẹrẹ ya na, a gẹ ka, "Ẹ ga nẹ nọ, ka Isireli i ma gba ọnawọ ọla ọnẹ." ¹⁰ Ọgbọna ẹnanẹ bi file na pilaṣa ubo ayẹ na, bẹ ṣa to ka okotoro ayẹ kẹẹsẹ. ¹¹ Ọgbọna nè bẹ ṣa e ṣun, Ijesu yọ iken nẹ be ye Inaini na, aka yọ egbenurunmẹka aka erokoro asanmasan yẹrẹ ya yọ. ¹² Akọnẹ e sie turu to iken aye o opolowo na, bale bẹ fọ oforo obẹn nẹ bẹ fọ ve a yo re na, a ye arẹ wi ya ba (nẹ wa ikukurudu na), erokoro asanmasan wọ yẹ ẹfa. ¹³ Ọgbọnẹ Idu gbẹ na, yọ eyi ṣa a sọn ya e mi ga nẹ ya ka, u me ye iwo." ¹⁴ Ayẹ mi yọ a dẹyẹ ọkparẹ nẹ bẹ fọ ekporo ayẹ wo na, ẹnanẹ fọ ẹ na jọmọ ṣi. A gẹ ka, "Ikirisa, ẹ ga nẹ wọ, fura." ¹⁵ Oforo ayẹ nẹ fọ na fura ma à á gẹ efura edina gega, Ijesu fene wiya ¹⁶ Orore pina riba feyan bẹ fo uwewi anosibina, "Esero okeka fura itogba aka Osibina bale yero abe," ¹⁷ Eepannone wa Ijesu eka onena asari fọ Ijudea feyan ako osin enane coyana. ¹⁸ Ejoonu egberunmẹkabe ge go ne feyan. ¹⁹ Igan Ejoonu yọọ ye gbennurunmẹka ebure efileba no Idu ka, "Awa we fena aka ṣa na sa te ke ben?" ²⁰ Ọgbọne bi turu tọ Ijesu na egbe iforo abeka, "Ejoonu Ebatisika efile tu no ka ta ge ka, "Awa we fenashana, sa te ke karo be? " ²¹ Ẹwakati ọnẹbe a fọ ero ọyọyọ iwu gan fura igun aka fura ẹfunwẹfunwẹn idudu, e jin openayẹn ayẹn. ²² Ijesu guna owo a ga nẹ ba ka, "ogbọna na yọ nọ rẹ ke na, nẹ ga utun nẹ Ejọọnu ẹkẹna ne gba aka ọnẹ nẹ wọ na opẹnayẹn à á gba ayẹn ofo ọsẹn è é jenjen, ẹkọmatedaro mi wọn osiọtọn a a wo ọtọn, ero ẹnanẹ fo na bẹ sọ ma ba palẹṣa wo ẹrọ, bẹ kpọ ẹpẹnpan oboro nẹ ẹnanẹ eme su na. ²³ Ukukurubile a wa nẹ ẹfẹna ama ga ka ayẹ eme pila na mọ wọ, ubaka ikpisi nẹ mẹ tie na. ²⁴ Ogbọna Ejọọnu yọ utunro abẹ yọ ke na, Ijesu mi ga nẹ akpẹ abẹ Ejọọnu ẹga "Ẹna ọ yọ ọdan ubeleri jen na gba? Emumu nẹ ekperi a fọ na họn? ²⁵ Àmá ẹna a wo u ve yọ jen na gba? Oforo nẹ file alẹgbẹ nẹ bẹrẹ na họn? Balẹ ẹnanẹ e file alẹgbẹ ọsẹn eji na wo obin agbara. ²⁶ Ẹna awọ u kpoto ve yọ jen na gba? Ọgẹsẹro họn? Ẹẹn, ẹ ga nẹ na ọnẹ fọrẹ ọgẹsẹ ro na. ²⁷ Ẹfẹna bẹ wọrẹ nọ nẹ, 'Balẹ, amẹ e file mu utunro yọ nẹ rẹn nẹ eko guru ọrẹ nẹ nọ na.' ²⁸ Ẹ ga nẹ nọ, ẹnanẹ iyaro ba na, eme su ẹfẹna fọrẹ Ejọọnu na. Ámà ẹfẹna kere fọrẹ Osibina ẹsẹn na, e gbodi fọrẹ ya." ²⁹ (Ọgbọna ero fenyan wo ọnẹ na, kọ ọna amana abẹ, gẹ ka Osibina wa ọsẹrẹro, ubaka ka abe rimọmọ akọ Ejọọnu yọ orimọmọ. ³⁰ Àmá Efarisiro abẹ aka odin uburu abẹ bi yuru ekena Osibina ni nẹ ba na, ubaka Ejọọnu emi rimọmọ nẹ ba.) ³¹ "Ẹna me ke mi fọ ero ẹnanẹ ma? Gana bi sie we a? ³² I be we akọ egben ikeke nẹ be si a are eji na, nẹ ma bi ye ye abẹn ka, 'Ti yu ufere nẹ wọ, u ma yọ a yọ. Ti tie eekpora egun nẹ wọ u me yi wọ.' ³³ Ubaka Ejọọnu Orimọmọ ṣa eme je ijen a ma wa ewayeni, ni mi ga ka, 'E su ẹfunwenfunwen odudu.' ³⁴ Oroko oogben ṣa éè je àá wa, anẹ gẹ ka, 'Balẹ oji jen ọkorọ aka ọwa adẹ ọnelero aka iluwero ọrẹ!' ³⁵ Àmá bẹ ṣẹn ese ne adayẹn i yọ egben nọ rẹ." ³⁶ Ẹfarisiro ọbẹn ye Ijesu ka a ṣa mẹ ya yẹ jen ijen. Ogbọna Ijesu fọn Efarisiro ayẹ ubo na, ama ọkparẹ ka ayẹ e je ijen. ³⁷ Balẹ, iyaro ọbẹn wo iken ayẹ nẹ wa iluwero na. Ọgbọna a wa ka i wọ Ẹfarisiro ubo e je ijen na, a fọ amo ogberiwu nẹ wo alabasita akpalaba na yo. ³⁸ Akọ e sie jomo wo yọ urun turu to yo ẹṣẹn è é yi wọ à á tẹ ẹ yẹ ẹsẹn aka yi wọ a yi mi fọ yẹ ẹpẹn epan mu yan, ayẹ mi fọ owo do yẹ ẹsẹn a fọ amọ wu yẹ. ³⁹ Ọgbọna Efarisiro nẹ ye Ijesu yọ yu ubo gba ọnẹ na, e mi roro i yọ iwu, ka, "A da ka ẹdaro ọnẹ wa ọgẹsẹro ebana e din oro ọla ne iyaro ọnẹ wa na na di ya ka a dẹẹ ya na, ka iluwero ya." ⁴⁰ Ijesu mi guna owo a ge ka, "Isimoni, Isu ẹkẹna me ni ka ẹ ga nẹ wọ na" A ga ka, Gẹẹ Otero!" ⁴¹ Ijesu ga ka, "E su ọbọwọ oro ikiba nẹ bọwọ ero ẹbọrẹ ikiba na. Ọọrẹ je idenari ipi upi, yọ ọbawo je ibọrẹkakọrọfọ ⁴² Ọgbọna bi me di dune na, a fọ ẹpan gbun ba bẹ bọbọ. Ọnẹbẹ uùba ọ ọna ibo iwu eke ni yẹ ga fọ rẹ a? ⁴³ Isimoni guna yọ owo a ge ka, "I roro ka ẹfẹna a fọ ẹpan gbun oyoyo na." Ijesu ga nẹ ya ka, "Ọ sẹn ọkarẹ ayẹ ọsẹrẹ." ⁴⁴ Ijesu bila to iyaro ayẹ abya nẹ Isimoni ka, "Ọ gba iyaro ọnẹ. E fọn wu ubo u naa wa mo ebika iye puwa ẹsẹn, àmá aye tẹẹ̀ me ẹsẹn aka yi iwo e mu ba aka yẹ ẹpẹn ẹpan ẹka. ⁴⁵ U ma fọ owo do mu, àmá akọ i sie we fọn ẹkọ na ama sẹ jomo ka ayẹ fọ o wo do mẹ ẹsẹn. ⁴⁶ U ma fọ amọ gberi mẹ ẹpan, àmá ayi gberi mẹ ẹsẹn aka amọ. ⁴⁷ Ọnẹbẹ uùba e ga nẹ wọ ka, yi iluwe, nẹ yọ na, bẹ fọ ẹpan gbun ya-ka esu unini ọyọyọ. Àmá ẹfẹna bẹ fọ ẹpan gbun ya nẹ keke na, e su unini keke." ⁴⁸ Ayẹ mi ga nẹ ya ka, "Bẹ fọ wọ iluwe ẹpan gbun wu." ⁴⁹ Ẹnanẹ mẹ e je ijen na mi a ga i bi wu ka, "Ẹra ekpoto wa ọnẹ a ne fọ iluwe ẹpan e gbun na?" ⁵⁰ Ijesu mi ga nẹ iyaro ayẹ, "Wọ ọnawọ na wọ fan. Gẹ yọ iwu ọbẹbẹrẹ."