¹ Akana a ṣa ka erokoro tẹkiriko Ijesu bi di ne patọ a nọ Osibina ega na, ka e jọmọ wọ ogbolo ọọ̀tọ newọ egennesareti ekana. ² A gbọ oo ọkọ ebi ẹbọrẹ oògbolo otòn. Osayẹrẹ abẹ bi wọn iyọ ibe weṣa biye puwa ba agẹ. ³ Ijesu fọ mọ ọkọ ebi ẹka nẹnẹ wọ Isimoni ẹka na, a ga nẹ ya ka eturu fọ mọ ẹbibẹ keke. A ma nọ iyibe ee te ero abẹ. ⁴ Ogbona keke. A ma nọ iyibe ee te ero abẹ. e tee ba ke na, a ga nọ Isimioni ka, "Wọ ọkọ ebi ẹka fọ mọó ẹfẹna lon na a nẹ yọ ayẹ wọ ebi. ⁵ Isimoni gunowo ka, "Mọọga, ujofeya tiye siye ùtun ti ma gbasẹ, àmá akọ usiye gẹ na, maka holo magẹ abẹ webi" ⁶ Ọgbọna bi siye ọnẹ na, bẹ sayere ọyọyọ, bage aáfẹna. ⁷ Ọnẹ uba, bi yọọ ero nẹnẹ bi bilẹ a sayẹrẹ e bile na, ka be ṣa go babẹ uba. Be ṣa be. Kọ ayẹrẹ fọọ ọkọ ẹbọbọ nẹnẹ egbe kaka ọkọ ayẹ a fọn mebi. ⁸ Àmá Isimoni Ipita, ọgbọna a gbena, egunmekuten wọ Ijesu ikwin, ageka, "Tebimu ka iluwe ro ẹwa, mi Idu." ⁹ Ọnẹ jibowofuwa, aka ẹnanẹ bibile we ẹfẹnẹbẹ na, oyere ọyọyọ ọpanẹ bẹ gba sẹ na. ¹⁰ Ẹnanẹ wọ ẹfẹnẹbẹ na wọ Ijamisi aka Ejọọnu, Izebebe egben, nẹnẹ wọọ Isimioni ọbawọ na. Ijesu ganọ Isimioni ka, "uma sọmọrọrẹ, ubaka wakanayọ erokoro we ke mi ke sẹ." ¹¹ Ogbona bẹ fọọ ọkọ ebi ẹka rọ ebi ọtọn na, bi tẹbi ẹpẹfiya bi mi na yẹrẹ ya. ¹² Asa ọgbọna a fọn mọ iken nọ kẹka ọbe na, ẹdẹda ọbẹ nẹ fẹ nọ ekumatada wọ ẹfẹnẹbẹ ọgbọna a gba Ijesu na, a falẹ gu mayen ri aá tẹẹ ekwi, ka, "Idu, we ki ni, udina fọ mi iwu a gan." ¹³ Iganiga, Ijesu yọruba dẹ ya, agẹ ka, "me ni ṣin nọ ọnwọnwọn" Igannigan aye ẹkunmatada fura yọ iwu. ¹⁴ Aganeyaka ama ganẹ korọrẹ ama a ganẹ ya ka, ke yọ wọrẹ yọ uwa fọ iwu yẹ nọ Aṣigiri ọ fọọ inyapun nẹ wọ opua wọn, ako imose siye buru ya na ubedi nẹ ba." ¹⁵ Ámà yega sạ san wara ne nọ efororo erokoro ọyọyọ ṣa ka bẹ wọ yọ otite bi dina nọ iwu ọgẹga fura yu na. ¹⁶ Iṣoyoyo ada yon dan jena gbadura Ámà a da ki wuna yùrú yọ ọdan je na gbadira. ¹⁷ A ṣa e ṣun ka, ọgbọna ee tẹba na, Efarisiro akọ otitero nẹnẹ dinọ obubururu nẹnẹ wọ ike obobo ṣa Ẹgalili ako Ijudia ako Ijerusalemu. Idu iwogbigbe dọn ya ka afọ ero iwu gan. ¹⁸ Akana, iforo ẹbẹn ṣa akọ ọbẹlẹ nẹnẹ ẹfena fọ ọṣẹ nakọ uba na, bi eé ni akọne be ke siye foẹ fọmọ ubo nẹnẹ a ma na bi fọẹ wọ iyẹrẹ. ¹⁹ Bi me di gbọrẹ fọẹ fọmọ ubo akọ erokoro siye yọ na, ega nẹ pọ ubo osi, bi sẹ holo wọn ubo etin ọdọrẹ nene wo ibo ẹpa na, wọ Ijesu ẹrẹn. ²⁰ Ọgbọna agba bọ ọnawọ na, Ijesu ka, "oforo bẹfọ wiluwe ẹpan gbuwuke." ²¹ Isikirabu akọ Efarisiro tọmẹ biye ṣiyẹ ga, "ka, Era wọ ọrọnẹ nẹnẹ a gọọ ẹnakọ ona a? Erab edina fo ẹpagumoro ama dọ Osibina?" ²² Ámà Ijesu, ọgo, na eveyayẹn ẹkẹna be roro na, eè gunowo à á gẹ nẹba ka, Onaabereparioga, befowiluwe "Ẹnanẹ nẹ ne ṣinọ oṣiṣi ọnẹ inọ uloko ah? ²³ Ku nididinka ọ̀ ọ́ na a bẹrẹ ọ ga, Bẹ fọ ẹpan gun wu' aka ka, 'fura uki jeje'? ²⁴ orokoroogbe ṣoiwogbririgben ²⁵ Iganigan ẹ fura ibẹ ẹrẹn a fọ yọ ọbẹlẹ nẹnẹ e bwe na. Emi yọ yubo a fọ́ọ́ ugbugbidi a no Osibina. ²⁶ Ejinọ ero fẹyan owo fuwa be fọ uyeyi a nọ Osibina. Ọrọrẹ fọn biwu, bi a gẹ ka Te gọọ́, ẹkẹna ayẹ ne mi gba gbá na amonẹ." ega one sunkena, Ijesu we furefenebe agbo amanaro negbo Elieli na amana. ²⁷ Ọgbọna ẹnanẹ ṣun na, Ijesu fura ẹfẹnẹbẹ a gbọ uturu. Aganeya ka, "Yeremo" ²⁸ Ilevi fura à á yẹrẹ ya, e tebi fẹyanfẹyan nẹnẹ e su na wije. ²⁹ Ayẹ, Ilevi we siye ejeme, ọkẹka nọ Ijesu iyọ ubo. Ẹnanẹ a ma amana yọ wẹ fẹnẹbẹ akọ ero oyoyo nẹnẹ mane opara e jije na. ³⁰ Àmá Efarisiro aka Isikiraburo bie huhunu anọ yegbe nurumeka ka, "Ẹnane neje niyawa akọ onamana akọ iluwero na?" ³¹ Ijesu gunabowo ka, "Enane bo iwu siyena a yọ ọbaligwro ẹfa; amada ẹnanẹ eyanaa. ³² Ima ṣa nọ osherero, ama daka iluwero nọ ororibe pila. ³³ Bẹ ganẹya ka, "Ejọọnu yọ egbenurunmeka bidakẹ nawẹ aka adura ogba feyan, aka Efarisiro. Egbenurunmeka dekisiye." ³⁴ Ijesu ganẹba ka, "Esẹfẹna dina sọ ẹnanẹ ayẹrọ ẹfẹna afọ ovia na ka bẹ kẹ nawẹ, nẹnẹ ẹfẹna afọ ovia na ki wo betin họn? ³⁵ Ama isubu a ṣa nẹnẹ ba ka fọ oforo ayẹ fura ibọ etin na, ogbọnabẹ aye ba ka nọ awẹ na." ³⁷ Emesu ẹfẹnẹ ada fọ ewayini owowo wo upiri osunsun na. Esiye, ewayini owowo aye aka pẹno upiri ayẹ, ewayini ayẹ eke guma fuwa kọ upiri ayẹ eke be. ³⁸ Ama ewayini owowo bè é ke wọ upiri owowo. ³⁹ Emesu a wa ewayini osunsun e da be fọ owowo nẹya yẹ, aka ga ka, "Osunsun arọmuro fọre ekemi geka, osusun ma runmorofore."