¹ Abẹ fẹyan bi fura, bẹ fọọ Ijesuṣa Epayileti ẹfa. ² Bi ya tẹẹyowo ka, "Tẹ gba ẹdẹdaonẹ ne juguna tọ ọ iken oripopo na, eyuru ama ta amana nọ Ikesari a ayėo ka ayẹ awọọ Ikristi, Obin." ³ Epayiketi ṣiyan aka awạ wọ ọ Ijuwu ro obin? Ijesu gun nawo aka, "Ọ ọ́gẹ gan." ⁴ Epayileti aganọ o Asigiri ẹẹpan aka oro ọyọyọ nene we fẹnẹ na, "Ima gba osi sie kọ yẹrẹ ẹdẹda ọne." ⁵ Ama bi eme ya, bẹ ka, "Awọrẹ erokoro eejuguna Ijudiya fẹyan atomẹ Ẹgalili titt ṣa re eẹ́kọnẹ." ⁶ Ọgbọna Epayileti wọ ọnẹ na, eṣi ka, Ẹgalili ro ya họn? ⁷ Ọgbọna nẹ awọ ka, Ẹhẹrosu yọ ọ uburu a fọọ Ijesu file nooo Ẹhẹrọdu, ubaka kaye wọ ọ Ijerusalẹmu ọgba ẹnabẹ. ⁸ Ọgbọ na Ẹhẹrọdu gbọ ọ Ijesu na, yi be rọn ubaka efo akọ e sie we nika ayẹ gbẹẹ na. Awọyẹga, ediye nika ayẹ gbọ ọ ojinorowo fuwa nẹnẹ esie na. ⁹ Ẹhẹrọdu ṣin nọ Ijesu ẹga ọyọyọ ama Ijesu eme gun nẹyowo. ¹⁰ Asigiri ẹẹpan aka isikribu ro ako iwu ọkẹkan biye won ya. ¹¹ Ẹhẹrọdu aka yọ ọ ọgbamekọn ro parọ Ijesu etun bi diya fọ yesiyosi. ¹² Bẹ fọ ẹsa nẹ rọn muro na file, be fue pila yọ ọ Epayileti ẹfa. Ẹhẹrọdu akọ Epayileti mi ṣin no ọrẹ emu nubẹ, ama ebe ero bẹ tayẹ wa. ¹³ Ẹpayeleti é éyọọ Aṣigiri ẹ ẹpan na abẹ aka ẹnanẹ wọ ọ ẹrẹnro na aka ẹrọ ọyọyọ. ¹⁴ Aga nẹ ba ka, "Nẹ fọ ẹdẹda ọne sa mẹ fa akọ ẹfẹna fọ ọ oripopo edudu ayẹn nero na i ṣin rọ ẹdẹda ayẹ ẹgaiinayẹn, ima gba yọ ebe kọyẹrẹ, ẹpen fẹnyan nẹ nika esie na." ¹⁵ Ẹn ẹn, Ẹhẹrọdu pilẹ ṣa nẹtọ ubaka ama gba ẹkẹna wọrẹ nẹ baka ṣẹn ufo ikarẹ nē̇ya na. ¹⁶ Maka dayajẹ ite biya." ¹⁷ Akana, biye ṣile Epayileti iwu kq etebi ijuwuro obẹn nẹnẹ wọ ẹwan ro na imu isubu. ¹⁸ Abẹ fẹyan bi yọ ga ka, "Fọ ẹdẹda ọnẹ yọ ni tebi Ẹbarabbas nẹ tọ. ¹⁹ Barabbas wọ ọ̀ ẹfẹna bi ju wọ ọ ẹwan ubu na nọ efuragoli nẹnẹ esie na aka ka awan noro. ²⁰ Ẹpayileti diya maba hẹga isi ọọ́boro e ebika ayi tebi Ijesu wije. ²¹ Bi yọga ka, "Wanya wanya." ²² Ediya gan nẹ ba isọtẹtaro "Ẹna wọrẹ a ẹna wo ẹga odudu nẹ ẹdẹda ọnẹ sie na? oma gba ẹkẹna esie nẹ di ya wọrẹ ka bẹ wanya na. Ọnẹ uba ma foya jẹ me ke teyiya wije. ²³ Bi ki yuru, b́íye yi oga ka bẹ wanya. Bọ ọga mivwọrẹ ka Epayileti ka emi yẹrẹ bẹ ka. ²⁴ Epayileti mi ya nẹ ba ekẹna be eṣina. ²⁵ Etebi efẹna bẹ ka abe nibna nẹnẹ bi ju wọ ẹnwan ibe no efuragoli aka ka awan no ro. ²⁶ Ako bi sie fuẹ ayọna bẹ sọ o Isimoni nẹ wọ Isirini ro na, ewọ uwuru a ṣa, bẹ fọ ọgbalati aye ṣuwẹ akẹ yẹrọ ọ Ijesu. ²⁷ Ero ọyọyọ aka iyaro nẹ ẹga yẹ siwu na, aka ẹnanẹ eyi iwo na biya yẹrẹ ya. ²⁸ Ijesu bi layẹn to ba aganẹbaka anọ Ijerusalem iyaro abẹ ni mw yi mi iwo, ama yiwo nẹ niwu aka negben na be. ²⁹ Nẹ balẹ isubu aṣa nẹnẹ ba ka ga ka okukuru bile aka da nọ ọ ogbeni abẹ aka ogben nubu na na ba na, aka ẹba na ma gba ogben yẹ ẹ na. ³⁰ Ọgba ọnẹbẹ ba ka gạ nọ ọrẹ ka afale sẹ babẹ aka otutu eri babẹ. ³¹ Ne sie ọnẹ ọgbọ na oti aye afa kpọtọ na, ẹna beke mi siya ọgbọna eyeyi na. ³² Iforo eben, erokoro Idudu ẹbọrẹ aye bẹ fo yẹra ya yo ka biya wanba. ³³ Ọgbọna bi re ẹfẹna be ye ọ ifoni na, ẹfẹnẹbẹ bi kanyan ako erokoro ididu ẹborẹ ẹna bẹ woti oyẹrẹ iyọ ọ u aojijen yọ oọ́boro iyi uba uguruba. ³⁴ Ijesu ka, "Ẹdẹda fọ bọ iluwe epan gbun ba ubaka be me dina ekena be siye na."Bi putre ruwa yẹ ẹsa ³⁵ Ero abẹ ki jọmọ bi ya balẹ ya bọ erẹn ro abẹ fuẹ esiosi, biya gẹ ka, "Anọ erebẹn fan, ana yi wu fan ada ka aya wọ ọ Ikristi Osibina eka nẉ bi tiye na." ³⁶ Kà ọgbamẹkọb ro abẹ fuẹ siyosi bẹ fọ ade̱ ogigiyan a anẹya. ³⁷ Biya gẹ ka, "Adaka awa wọ ọ ijiwu ro obin na wiwu fan." ³⁸ Esu ọfọuẹb ne biye wo yi wu na, "Ibiwu ro bọ obin nane." ³⁹ Oro odun ọyẹrẹ nẹ bẹ kan kan kaye wọ oti na itie ayẹn tuẹ aka, "Ama awa wọ Ikrsiti? Na wiwu aka atọ fan." ⁴⁰ Yọ ọbawọ ewon ya aka, "Uma san mọn Osibina ṣẹn nọ ufo ẹkarẹ nẹ won na? ⁴¹ Atọ ti wo ẹkọnẹ nọ epen nodudu ne ti sie na. Ama ẹdẹda ọnẹ eme sie ẹpẹn odudu kọyẹrẹ." ⁴² Agẹ ka, "Ijesu, yen mọ ro ọgbọna wa ka ṣa wọ esen na." ⁴³ Ijesu gan neya, "Ikwa, ega newọ amọnẹ wa ka ma kẹyẹ mọ Ẹparadise. ⁴⁴ Ọgba ọnẹ bẹ rw wakati ọpọnọyẹrẹ esiri ṣa eri ije ayẹn fẹyan titi jen ne rọ ẹwakati ubọyẹrẹ. ⁴⁵ Eyi ṣina esiri. Ẹsa nẹ biyeri Ẹtẹmpulu ujun na eruwa wọ ẹbọrẹ. ⁴⁶ Ijesu yi oga aka, "Ẹdẹda, ẹfo mọ ẹfuẹnfuẹn dọn wuba." Ọgbọna aga ọnẹ kẹ na, aṣe nẹfuẹnfuẹn. ⁴⁷ Ọgbọna Ipiro gba ẹkana siye na, afọ uyeni nọ Osibina, aka, "Ikwa Osibina oro aya wọnẹ." ⁴⁸ Ọgbọna ero ọkẹrẹkẹtẹ nẹnẹ ṣa ka bẹ gba ẹkẉ nane sie na, bi kwe pila bẹ fọ ọ uba efon mẹgban. ⁴⁹ Ama erofẹyannẹ diuan na, aka iyaro nẹnẹ yẹrẉ ya ṣa ka bọ Egalili jọ mọ wọ ẹfaofifona balẹ ẹpẹ nẹnanẹ. ⁵⁰ Esu ẹdẹda nẹ be yị ọ̀ Ijọsefu nẹnẹ wọ ọpa na. Oro oboro ya edie su ikwa. ⁵¹ Ẹdẹda ọnẹ ama fi iwu gbeli fayan nẹnẹ be roro bi die siyena.Arimatiyayẹ ewe ṣa, Ijiwuro oṣn, oroaye eni Osibina ẹsẹn. ⁵² Ẹdẹda onẹ e etọ Epayileti aka afọ Ijesu eporo nẹ ya yẹ. ⁵³ Afuwe holo ṣa, afọ ẹsa oboro parẹ ya afuwẹ wȱọọsọ nẹ bẹ fọ ọtarẹ siye na nenẹ be emi ro koro ọyẹrẹ wo na. ⁵⁴ Isubu nẹnẹ ba kọ ẹsa akq Ẹsabati ayọ tọmẹ. ⁵⁵ Iyaro abẹ ẹnanẹ yẹ rọ ọ Ijesu wẹ Egalili vesa na, yẹrẹ ya be gba yọ osọ aka ako bi sie rẹ na. ⁵⁶ Bi pika ṣa bi guru ẹpẹnẹbẹ aka iturari. Esabati,bi filẹuẹ akọ ibuburu siye ga na.