¹ Urorumẹka firi firi, isubu oṣoro ọsẹ bẹ ẹṣa ọ́sọ̀,bẹ kọ iturari nẹnẹ bi kwe siye na. ² Be gbẹ ka bi gbiya ọtarẹ ayẹ fura iyọ ọsọ. ³ Bẹ fọn yọ ama ba ma gba Ijesu Idu yọn eporo. ⁴ Ésiè ka ẹpẹn ayẹ juguna wo bayẹn ba ma dayẹn su iforo ẹbọrẹ jọmọ gbeli ba, bi file ẹsa nẹnẹ ikuru yẹrẹn yẹrẹn na. ⁵ Akọnẹ ọrọrẹ sie pina rọ ọ iyaro abẹ nabi geb mayẹn ri ije,bẹ ga nọ ọ iyaro abẹ, "Ẹna nẹ ne ni ẹfẹnawo ẹro na e eporo etin? ⁶ Ẹme wo ẹkọnẹ, bẹpayan fura! Ne yẹn akọne Esie gu nẉ nọ na ogbọna nẹnẹ eki wọ Egalili, ⁷ A agẹka ba ka sẹ orokoro ogben nẹ iluwe ro abe baka kanya sọ oti, yọ isubu ọtẹtaro akakpan fura." ⁸ Iyaro ẹnanẹ yẹn yẹ ẹga. ⁹ Bi fura osọ, bẹ ga ẹga fẹnya ẹnanẹ no abẹ ẹfọkọyẹrẹ aka ero ibuba. ¹⁰ Ogba ọnẹ, Imari Magdalene, Joana, Imari, Ijamisi wiya aka iyaro ibuba nẹwo biwu na ga ẹga fẹyan enanẹ nọ aposteli abẹ. ¹¹ Ama ẹga ọnẹ ewo akọarọn ọbẹnben na nọ ọ aposteli abe, ba ma nọ ọiyaro abẹ wọ. ¹² Kẹgan kẹgan Ipita fura emune yọ ọ ọsọ,atọmẹ abale ọsọ ayẹ agba ẹsa abẹ Ipita mi fura ayọ yọ ubowo ẹpẹnfẹyan jinyowo fuwa. ¹³ Ọgba ọnebe abẹ ebore ba yọ ọ iken nẹ be yọ ọ Emmaus na, awo imeli ita nọ Ijerusalemu. ¹⁴ Bi ke ma abẹn na gẹ ẹpẹn fẹyan nẹ ke sie na. ¹⁵ ie, ogbane nẹ ba mẹ ẹse, ororo ka agayẹ ka na, Ijesu ayẹ ẹbẹba veṣa ayẹrẹ bayọ. ¹⁶ Be me ya ka bayẹn edi peliya. ¹⁷ Ijesu gane ba ka, "Ena wọ ẹkenana gana, ako ni sie jenjen na yọ na?" ¹⁸ Boro ọyẹrẹ nẹ be yọ ọ Cleopas na, eguna yowo, "Awa yẹrẹ awọ oro oyẹrẹ Ijerusalemu ne medin ẹkẹna siye na isubu keke yurun? ¹⁹ Ijesu ga ne ba, "Ẹna wa?" abi gu nẹ yowo, "Epeb nayẹ eto Ijesu nẹwọEnazareti ro na, nẹnẹ wọ Ọgẹsẹ ro na, Egbodi ẹga, awa Osibina ẹrẹn aka ero feyan ẹrẹn. ²⁰ Aka akọ nẹnẹ Aṣigiri ẹ ẹpan akọ ọ ẹrẹnrọ abe siye fwe ne ba ka be wa yan, bi diya kanyan woti na. ²¹ Te nawọ ka aye aka palẹ Isreal ṣa. Ẹ ẹn, ẹna afọra, egule isubu eta akana nenẹ ẹpẹnnẹ nanẹ ke siye na. ²² Ama a, to iyaro ẹbẹn itiwu ji towo fuwa ubaka bi wo ọsọ ka bọ urorumujujo eka. ²³ Ako nẹnẹ be me sie gba yọ ọ e eporo na, bi pila ṣa,biya gẹ ka abẹ gba ẹmẹnẹ Angeli abẹ nenẹ ge ka eki wo ẹro. ²⁴ Iforo ẹbẹn nẹnẹ wo ti wu na, kabẹ yo o ọsọ kabẹ gbẹ akọ iyaro abẹ sie ga na. Ama bama gbẹ." ²⁵ Ijesu ga nẹ ba ka, "Anọ iforo abẹyẹ ẹnanẹ ni su ovuvunainọ ọ efuẹn efuẹn s̱a na nibdedi na ẹkẹna Ọgese̱ ro abe ga na! ²⁶ Ama bọwọ ka Ikristi eje oya ẹnanẹ fọb yọ ọ ugbugbodi?" ²⁷ Wọ Imose tọmẹm ṣub mọ ọ Ọgē̇sẹ ro abẹ fẹyan Ijesu ga fẹyan nẹ ba Osibina ẹga. ²⁸ Akọ bi siye turu etọ iken okeke ne ba yọ na, Ijesu sie aka ka yọ fon mọrẹ na. ²⁹ Ama bẹ fọ ọ iwogbigben seya ka, "Ma kẹyẹ tọ, ubaka iyi bẹrẹ aṣa ọgba yọ" Ijesu fon yọ ama kẹue̱ ba. ³⁰ Ogbọna, ama kẹyẹ ba na nẹba yo jijen na etie ekara, esi adura wa mọ e ruwẹ, a nẹba. ³¹ Bọ ayen jin bi peli ka aye ya, e fisi fura bọrẹ. ³² Bẹ ga ana bẹn ka, "Ama waka tọ ẹfuẹn ẹfuẹn akẹnẹ ogba nẹnẹ awa tọagega oripop, ejin nọ ọ Osibina ẹga ayẹn tọ?" ³³ Bi fura ọgba ọnẹbẹ, bi pila yọ ọ Ijerusalemu. Bẹ gba abẹ ẹfọkọyẹrẹ jese wọ ifa ọyẹrẹ. Aka ẹnanẹ ma kẹyẹ ba na. ³⁴ Bi ya ge ka Idu pan fura ikwẹ ẹka afọ yọ iwu yẹn nọ Isimoni. ³⁵ Bi kwe a aga ẹpẹnfeyan nẹ ke sie onipopo na, ako nẹnẹ bi sie peli Ijesu na ọgbọna ẹruwa ekara na. ³⁶ Akọ bi sie agẹga ẹnanẹ na, Ijesu ejọn mọn ibe etin aga nẹ ba ka, "Ako okukuru bile awa nẹnọ." ³⁷ Ẹyẹ sẹnbibe, ọrọrẹ pina ri iba e ewo aka ibẹ gba ẹfuẹn fuẹn na. ³⁸ Ijesu ganẹ ba ka, "Ẹna nẹ na ṣenẹyibe na? Ẹna nẹ oṣin oṣinve aṣa ini ibe na? ³⁹ Ne bale mẹẹba aka mẹ ẹṣẹ, Amẹ ya. Dẹyẹ mọ ọg ẹ. Ẹfuẹnfuẹn e esu iwupe aka ofu, ako ni sie gbamọ ka isu na." ⁴⁰ Ogbona aga ẹnanẹ kwe na, a fọ yẹ ẹba aka yẹ ẹsẹn yẹn ba. ⁴¹ Bi meki na a wọ,ubaka bọ ibe rọn aka ẹpẹn ayẹ jin bowo fuwa. Ijesu ga nẹba ka, "Ni su ẹkẹna ne ke je na họn?" ⁴² Bẹ fo ayẹrẹ ne bẹ fa na nẹya. ⁴³ Ana ba atanya iba ayen. ⁴⁴ A ganẹ ba ka, "Mọ ega nẹnẹ ẹga nẹnọ na ọgbọna iwo inẹfa na, ka fẹyan nẹ bẹ wọra Imose yọ obuburu akọ ọ Ọgẹsẹ aka Ẹsamu na osisie a ka da." ⁴⁵ Emi jin ba ọkan, bi dinọọ Osibina ẹga. ⁴⁶ A ga nẹba ka, "Be wọrẹ wije ka Ikristi eke joya, eke diyapale e ekporo ṣa isubu ọtẹtarọ." ⁴⁷ Ibe ororo pila aka iluwe ẹpan ogbungbun awọ ẹkẹna na kakẹ pọ yọ ẹpẹpan na iyọ o iwuru nọ ẹrọ fẹyan na, wọ ọ Ijerusalem tọmẹ. ⁴⁸ Ana wọ o ubediro epen fẹyan ẹnane. ⁴⁹ Balẹ maka fọ ekẹna Teda ka aya ka nẹmọ na file nẹnẹ. Ama nẹ ma nọ ọ uwuru je ne re ọgbọna ba ka fọ iwo gbigben file nu ka ba ososi na." ⁵⁰ Ijesu ayẹrẹ be veṣa re ogbona bi turu Bethany na. Apan yọ uba pọ ososi esie adura nẹ ba. ⁵¹ Ogbona esie adura anẹ ba na, etebiba be fwẹ yọ ọ Osibina ẹsẹn. ⁵² Bi pun ya, bi mi pila yọ ọ Ijerusalem ako ibe ọrọnrọn. ⁵³ Bi de mi kẹ ma nọ ọ Etempulu ogba fẹyan, bi da fọ uyeyi kẹ nọ Osibina.