¹ Imu ne wo Ẹkara ne be me filo obana e turu aṣa ne be ye ofuru suna. ² Asigiri ẹpan abẹ ako Iscribu ro abẹ biye nore akone be ke siye wani Ijesu na ubaka ba ṣomo erọkọrọ ọrọrẹ. ³ Esu ṣa fomo Ijudasi ọnẹ be ye Iscarioti ọyẹrẹ abe efokebore. ⁴ Jusasu jene tọ ọ Asigiri ẹpan ako enro abe ama ba mẹsẹ akon aye ke siye fọ Ijesu yena neba na. ⁵ Bibe run be naka ba ka fi ikiba nẹ yan. ⁶ Kayẹ na emi ne karọ ọgbone ekemi fuẹ yẹnnebe aakpe etin. ⁷ Isubu one wo ekara one be me filo oba na, ne be jimu ofuru ṣun na ududo Aagbo ne be ke siyọ iyan pun na. ⁸ Ijesu sa efilo Ipeter aka Ẹjoonu ka. Ne yio ni guru ẹfa no ijen ufuru sun uba ka ti di je.'' ⁹ Bẹ ga nẹ ya ka, ''ẹe ta we ni ka tii ye guru ẹfe wija?'' ¹⁰ Eguna bo wo ka, ne balo ya na fomo iken yọ, Ẹdẹda ọben ne e yi ne na eke to nu. Ni yẹrẹ yaa yu bo na ka yo na. ¹¹ Aane gane efena bubo na otitero gaa no ka, 'Eta wo ọga ubo mana nẹ me ke je ijeno furu sun aka me gben orumẹka abẹ?'' ¹² Aka fo uburibe ọkẹka nẹ bi guru na yen nọ. Ni si yio oguguru efenebe.'' ¹³ Be sa be yo be gbo epen fenyan akone bi siye gane ba na, Bi sa bi sio ekara ne me su oba na ijen. ¹⁴ Ọgbọna ogba iyi re na, ama wije aka ye gbe nu rumẹka abẹ. ¹⁵ Aga nẹ ba ka mibe oronron ya kẹ ẹ ẹ ma no jijen san na idi kii joya. ¹⁶ Ẹ ga nẹ wo ka, me ke pile jijen ti ti rọ gba na osibi ne esen eke ye ka a sere na.'' ¹⁷ Ijesu fọ iwẹbi ogbone agamẹ ba na a gẹ ka nẹ nọ nẹ, ni ruwẹ inetin. ¹⁸ Aa ma ẹganẹnọ, maka wọọ ilukutu ẹwayẹni ne wo jenere ọgbonẹ Osibina aka ṣaa na.'' ¹⁹ A ṣaa e tiye Ẹkara ọgbọna a gamẹ ba na, a bọyan a nẹba, A gẹ ka, ''Ona wa mi iwupe ne iyanẹno na nii ki siye ọnẹ imọ ọyẹn yẹn.'' ²⁰ A fọ uwebi, ọgbọnẹ bi je bi iyọbẹrẹ ijen na agẹka ọnẹ a wọ uwebi ọna awọ ọṣẹṣsẹrẹ imẹ nyon ne bi gun ma vesa nẹ wọ na. ²¹ Ni su ọtọn mo pipi, oro uba nene aka fomo yẹn e we ekọnẹ kẹmọ ọparẹ. ²² No orokoro ogben na yo ako bi siye rore na. Ama ebe nọ oro ọnẹbẹ nẹnẹ fuẹ yẹn na!'' ²³ Be tome beya mẹ sẹ abẹn netin ẹfẹna fẹna aka da ne ke siye ọnẹ na. ²⁴ Ọsakata ṣaa ewo ibe etin ka bọọ na fọrẹ a. ²⁵ A ga nẹ ba ka, ibin abẹ nẹ wa Ẹgẹntiliawo idu yẹrẹ bẹ pan ako enane ne suu uburu yẹrẹ bẹ pan abe be ye ẹnane esie oboro na. ²⁶ Aa ma bọ ka e sie akọ da nẹ wọ ifena awa osere ro fore ine etin a ayẹ awa ogben okeke ako oro ne poina fọrẹ sina ẹfẹna sẹ yọ okoto na. ²⁷ Ne fena fọrẹ na, oro ne ma ke oparẹ na oro ne siye oketo nai? ama we efana ama nọ ọparẹ i wu ne tin ako efena a si yo okotona. ²⁸ A na wẹnanẹ jọwọn gbeli mu imayẹn ọrọrọna na. ²⁹ Itiye ijoba esen nẹnẹ Akone me ededa siye meka ne mo, ³⁰ ka nidi ye ne wa iimo ọparẹ oṣensen eka na ikuba ẹfọkẹbọrẹ nẹ wọ Isreali ẹka na. ³¹ Simoni, Simoni, dinka, Eṣu eni ka aiye wan wo be pun wu aka egin na. ³² Aa ma i gbadura newo, ubaka wo ọnẹnawo emẹdi falẹ ọgbona weke bilurun fọ iwogbigbenne wo ọda bẹ.'' ³³ Ipeter ganẹ ya ka, mosi a ne kwẹsa ka iyẹrẹ wọ fọn ẹwan ubu aka ufo. ³⁴ Ijesu gun nẹyowo ka, ''Ẹeganẹwọ Ipeter abẹsẹ aka be ka saana udi ki yuri mu i sẹ ta uba ka udi mu.'' ³⁵ Ijesu ganẹ ba ka, ''Ọgbọna ifile weyọ na nẹnẹ ne metiọ apolo dọn na, Aapo ne ijeneka na ake ebata na, Esu ekena ne me ṣuu na? Bi gu neyowo ka ''kẹnakide.'' ³⁶ Edi ye ki ganẹ ba, oma nẹ one a suu apolo na, etiye don, Egan ne esie wo efena esuu apoo na, ọnẹ me suu ọgbọdọ na ajọọ yọ ẹsa eyin nọ ọyẹrẹ. ³⁷ Egan ne no, Ekena be wora wi iwe ne to mu na ediyesie kayima ṣẹrọ, ''Be ganya aka ẹnanẹ awọ ọtọn na ẹkẹna bẹ ga ka eke sie na a ya ṣero nẹ.'' ³⁸ Bẹ ganẹ ya ka, bale ya, ọgbọdọ ẹbọrẹ a aya wọnẹ.'' A ganẹ ba ka arọmẹ ẹgan.'' ³⁹ Ijesu sa a po yọ ọrẹ ne wọ Olivis na, akọ ede sie ki sie na ye egbenurumẹka yẹrẹya. ⁴⁰ Ọgbọna bi re ẹfẹna bẹ na, agane ba ka, Ne, ''gbadura ubaka ne ma fọmọ ọmabalẹ.'' ⁴¹ A ṣa efura be tin akọ ọṣẹn ẹfọna egume kwi ten aa gbadura, ⁴² agẹ ka, ''Ẹdẹda, we nii tiyọọ uwebi ọnẹ fura mọ rẹ, ama k mu unini ya ama teyi ada wẹka.'' ⁴³ Iganigan Angeli wo ososi wolo ṣa a fọ yiwu yẹnya aka iwogbingben. ⁴⁴ Ako ne esie wọ onunuma na a gbadura otila, yọ uri a saa eṣinọ ẹyọn nẹ ewule e wije na. ⁴⁵ Ọgbọnẹ a fura adura na, Aṣa to ye gbenurumeka etoba ka be bwe ubaka bi be fuwa ⁴⁶ esin ba ka, ''Ẹnanẹ ne bwe na? Ni fura nẹ gbadura, ubaka ni gba omabalẹ.'' ⁵² Ijesu ganọ Asigiri ẹpan ka akọ ẹnane wọ ẹ tẹmpeli na ako isuda ne e me je gbeli a na, ''luni vesa no oyiri aka ogbodo ako oti? ⁵³ Ọgba na ide wi nẹfa isubu isubu ni iini etempeli, ame na ma fuba yẹrẹ mi wu ⁴⁹ Ogbanarẹ ẹnanẹ tekiri kọwẹna Ijesu gbẹ ẹ ẹkẹna a se bẹ gẹ ka oga, Te ke do tọ ọgbọdọ?'' ⁵⁰ Bọ oro oyẹrẹ loọ ẹpẹn ṣẹnọ ọyẹrẹ newa Asigiri okeka yo okotoro na yọ ọ ọtọn ojigen. ⁵¹ Ijesu ge, ''One rȯn mẹga!'' A fuba dẹyọton aye, afo yi wu gan. ⁵² Ijesu ganọ Asigiri ẹpan ka akọ ẹnane wọ ẹ tẹmpeli na ako isuda ne e me je gbeli a na, ''luni vesa no oyiri aka ogbodo ako oti? ⁵³ Ọgba na ide wi nẹfa isubu isubu ni iini etempeli, ame na ma fuba yẹrẹ mi wu. Ama nọ gba anẹ aka esiri iwogbigben.'' ⁵⁴ Ọgbọna bẹ sẹya no be fwẹ yọ Asigiri epan ubo. Ipeter mọ sọ ayẹ rẹ be. ⁵⁵ Ọgbọna bi gunẹra ubu aye etin na, Bẹ ma bile Ipeter mani be tin. ⁵⁶ Oyegben obe gbe akọ nẹ esiye ma a wẹra na abalẹ ya yẹn agẹ ka, ''Edẹda ọnẹ kaye yẹrẹya.'' ⁵⁷ Ama Ipita ṣen yowo, a ge ka, ''Awọ iya i me dinya.'' ⁵⁸ No gba keke orobẹn gbẹ aganẹ ya ka ''Ka wọ ọwọ ọyẹrẹ ibiwu ikwa oforone kayi wenane jọwọn gbe ina na.''Ipita ka, ''Oforo ama wa ame.'' ⁵⁹ Ogba aka wakati ọyẹrẹ na oforo ọben eyuru aka, ''ikwa oronẹ kayi we enane ayẹrẹ na. Egalilian ro ya.'' ⁶⁰ Ama Ipita gẹ ka, oforo i me din e ẹkẹna wa gana.'' Eme fomore, ako esiye ki ge ga na abese beka. ⁶¹ kayi bila, Idu bila a yen bale Ipita ki Ipita yẹnka Osibina ega. Ogbone agan ka, ''Saa na abese ake beka amo none waka sẹn mọọ isẹ ta.'' ⁶² Ipita sun ve yọ ọyẹn eyi wo akibo bibe. ⁶³ Urunba ededa nene a ṣẹlẹ Ijesu na be fuẹ siye osi bidia beya. ⁶⁴ Be foo esa bi ye riya yen bi ṣin ya ka, Gẹẹ sẹ, era wa efena fon we pena? ⁶⁵ Be ga ẹpẹnọ yọyọ ẹbẹn jegbeli Ijesu, be ge ẹlabọ tọwẹ. ⁶⁶ Ako isubu aiye si ye re na isuda abe kwa bẹ jẹsẹ, Asigiri ẹpan aka Iscribi ro abe. Be fuẹ yọọ ọsẹnẹ karẹ abẹ ẹrẹn. ⁶⁷ Bẹ gẹ ka ''Adaka awa wo Ikristi ganẹ tọ ama a game ba ka ''ma gane no, Na ka na wo.'' ⁶⁸ me ṣin nu ne ke gunọwọ. ⁶⁹ Wakanọ nẹ yọ orokoro ogben aka mano uba ojigen ne wu gbi gben ne wo Osibina ke na.'' ⁷⁰ Abe fẹyan gẹ ẹka, Aiye dika ''Osibina ogben ayowa?'' Ijesu gane ba ka ''Nẹ gẹ ka a aye ame wa.'' ⁷¹ Be guno ka, ''Ena wore ne tee kimi efena ekesiye ubedi na? Ubaka atọ ẹbaba tee wo fura iyowo.''