¹ Amana re bile iluwe ro abẹ biya shọ Ijesu ẹfa ka bi fenyan ta. ² Ẹfarisi aka Isikribu bi hunhunu na bẹ bẹ gẹ ka, "Oronẹ agan iluwero, abẹ esi ma ba ejijen." ³ Ijesu ga utitie nẹ ba ka, ⁴ Era ini iwu esu udodo epi ọyẹrẹ nẹ fura eke ni ya esin ebuto wọ ọdan eni ọyẹrẹ oni ya rọ ọgba ona ka gbẹ̀ẹ na? ^{5 6} Ọgbọ nẹ wura wibo, aganeyo ba wọ, 'Ma mọ bẹn ẹgba mu ududu nẹ ya. ⁷ Ẹga nẹ nọ ka ẹbẹbẹn eke wọ si nọ iluwe ọyẹrẹ nẹ yọ fọrẹ aṣen ebuto nẹ mẹ rorobila ⁸ Iyaro one wa mọ nẹ ẹfadaka ẹfọ ẹno ọyẹrẹ fowa eki pi fitila, apọru ubo, eniya re ogbọ agbẹ na? ⁹ Ọgbọna agbẹ na, ẹyẹ yọ ẹro abọ ko wobawo 'Nẹ ma wọ bẹn ẹgba mọ ẹfadaka na ni ya na.' ¹⁰ Ẹga nẹ nọ ẹga nẹ wọ ebenben wa mo angeli Osibina ika ne iluwe ro ni rorobila ¹¹ Ọnọbẹ Ijesu ka "Ẹṣu ẹdẹda ni su egben egbe ne bore na, ¹² Ọnẹ wọ ogben ga nẹ wẹ, Ededa ka dededa fọ mo arọn ne mọ ¹³ Esie isubu okeke, ọnẹ wọ ogben aka àye arọn bile ayọ ike ne fọ mo re na ẹfẹnẹ bẹ, elo ya arọn kue. ¹⁴ Akana ọgbọ na fẹyanekwe na ọbọrọ odudu we ṣa iken na ye, emi ne niì. ¹⁵ Emi fọ yi wi siye ikoto nọ iken ẹnabẹ bi filẹ ka a fọ ijen kẹ nẹ ọnọma abẹ. ¹⁶ Bilọ ibe oranran aye wa ka ama ọnọma abẹn eje, koro kọ ọyẹrẹ ama vẹ ki na kide. ¹⁷ Ogben na yẹ mi ṣe roro ni yi wu, aga ka, Ero gana ẹ wẹ da okotoro nẹ gba eje, iwẹ ẹkọ nẹ e fo ayọ aka awọn! ¹⁸ Meke fura ini tẹda ayọ ganẹya ka, "Edẹda ẹsẹ Osibina ẹṣen aka bile nu ¹⁹ I mẹ pile gwe ẹfẹnẹ bẹ yẹ aka à wogben, fọ mọ akọ wi ikotoro." ²⁰ Ogbẹn na nọ efura ni wẹ daà ayọ. Ewọrẹ ofunmọrọ wẹ da gbẹ è eyi san ya emine sẹ ya filiwu a fuo owo duẹ yi awọ. ²¹ Yọ ogbẹn ga nẹya, 'Tẹda ẹṣẹ Osibina ẹsan aka anọ eme pilẹ gwe ẹfẹnẹ be ye wogben.' ²² "Wẹ da ga nẹ aàye ikotoro abẹ, 'Lakata fọ ewuruu nẹnẹ muro bi ye filẹ, ofiluba bi ye wo yuba bilọ ẹbata filẹẹ̀ ọṣẹn. ²³ Bi da fuọ ọna ogben okẹka bẹ wanya. Ti joomo ti jen bile! ²⁴ Mo gben fọ, emi wẹrọ. Ee ya ti mi gbẹẹ̀ Bẹ tọmẹ ejemẹ. ²⁵ Esie yio suda wura erun. Ọgbọ nọ eturu rubuo, awọ eguru bile aàyọ. ²⁶ Emi ye bọ okotoro, eṣin ya ẹkanẹ yọ na. ²⁷ Okotoro mi gẹ ka, 'Wọ da wura nẹ da wanọ ona okeke ne ya nubaka bẹ fi ibe ọranran akọ ọramarun.' ²⁸ Yio ogbẹn osuda ka ni wu ama fuọn m ubuo, wedo ve ṣa atẹ yekwin. ²⁹ Osuda ga ka nẹ wẹ da, "Baàle ẹyẹn ọyọyọ nẹ isiye okoto nẹ wọ uma va mọ uṣun ka ati ka morẹ abẹ tiye je ejemẹ. ³⁰ Ama wogben wura, eruwa ya aron no ọtanmarọkọ abẹ be wan no ona ogbẹn okeka.' ³¹ Wẹ da gan nẹ ya, 'Ogbon ọma kẹyẹ mọ fenyan ni su na wẹ ka ya. ³² Abọwọ ka tẹ kẹ bẹn ẹbẹnbẹn wọda ọnẹ fọ aka na awọrẹ eya akana tẹ egbe."