¹ Esiye isubu Sabbati, ayọ farasi nẹ wọ ẹrẹn ro jẹ ne jinjẹn bi ya baàle ya. ² Ẹfẹn nẹ bẹn igun ro ọben wa mẹ ni jọnwọn iyẹnre. ³ Ijesu ṣin odindin kwero nẹ wọ obubururo bilo Farisi abẹ, "Aran obuburu ka bẹ furowugan ẹ Sabbati isubu sama buo?'' ⁴ Bẹ diṣu Ijesu sẹ ya, a fiwu gayan, ẹ filẹ ka akẹ yo. ⁵ Aganẹ ba, "Orona ni wi ni su ogben ta bi ẹkẹtẹkẹtẹ nẹ fale wọ ẹkanga ẹ Sabbati isubu nẹnẹ a ka vunẹweṣa?'' ⁶ Bi me di gunẹ yowo nẹ pẹn na nẹ. ⁷ Ijesu gbọọ̀ ẹnanẹ bi ye bẹ ma nẹ fa okurunọ, e ti tu te aganẹ ba ka, ⁸ Oro aye wu yọ arede ojebile, uma ma nẹ fa nẹ bi guru no okuronọ, orobẹ ni be ye nẹ su okurunọ furẹ wọ akaṣa. ⁹ Ẹfẹnẹ ni ye anọ buọbuọ aṣa, aka ganẹ wọ, 'Fọ wo wẹ fa norobẹ̀ epanokwoko ṣa bi mi fuọ yẹ fa nẹ holo fọrẹ. ¹⁰ Ama, be yewu yefa yọ manẹfa ni holo fọrẹ ẹfẹnẹ nọ yewu aṣa, e di ga ka, 'Ọrẹ pọọ̀ ṣá.' Wu okurunẹ ero buba ayẹn aka dan. ¹¹ Ẹfẹnẹ fọ yi pọ na be ke holo bilamo ẹfẹnẹ holo yi wu ba ka fuọ pọ.'' ¹² Ijesu ganọ ẹfẹna yẹ na ka, ''Wẹ sie ijen bilo ejeme ume ye weda bẹ, ukuba, wobawo ne ṣuran, be ke ye wu bi dun nawọ pila. ¹³ Ama we su ojebile, yiọ iwaro, ufuoṣen aku uba, openayẹn, ¹⁴ Waka gbọ okurubile, be ke di dunowọ pila. Be ke dunawo isubu opalẹwe nọ osẹrẹro.'' ¹⁵ Bẹ ọrẹ na ma itabili bile Ijesu wọ ẹgáa na nẹ a gẹé ka, ''Okorubile awa nọ ẹnanẹ eke ji jẹn Osibinẹsẹn!'' ¹⁶ Amán Ijesu ganẹ ya, ''Esu oro ọbẹn nẹ si yi ijẹn okẹka eye erọ yọyọ. ¹⁷ Ijẹn ẹgba re, efile yi tunro ka ganẹ ba ka ogbare ka bẹ kẹ ṣa.' ¹⁸ ''Abẹ fẹ yan ga ka bẹ vabọrẹ. Osoro ka, 'Iyin ni je me mi balẹ ya, maka balẹẹ̀ ya. Aguga wa mẹrẹ.' ¹⁹ Ọbẹn ka, 'Iyin kẹtẹkẹtẹ upi, me ni ka iya gbẹ akọnẹ eke se siyun tun. Aguga vamọrẹ.' ²⁰ ''Orobẹn ka, 'Ayi di foro, me ke di ṣa. ²¹ ''Yio ikoforo sha ganẹ yoga ẹpẹnẹ nanẹ. Yọ ga ubuekaniwa.' ²² ''Okotoro ka, 'Oga iburu nọ ga wo sisiye efa ki kuu.' ²³ ''Yọga gani yi ikotoro, 'Veyọ orupopo nẹ ṣa ma yẹn ako ni puù na afoba mababalẹ bẹn fuon ṣa mubuo e di feè. ²⁴ Ẹgẹ ka era na nẹ bi ye na ka tọrẹ mi jẹn.'' ²⁵ Apẹ ọkẹka yẹrẹ ya yọ a bila a ya nẹ ba, ²⁶ Ẹfẹ na ṣa tomu ne me goli we da wiya, egben, oda oforo iyaro bile ka yẹ bẹ ba erọ e di ya da mogbenburunmẹka. ²⁷ Ẹfẹna fuọ yioti-ọgbalẹ akẹ yẹ re mọ ediya da mogben-nurunmẹka. ²⁸ Ẹfẹ na ni ka mọ ẹdẹdẹndẹ na ma ma ero akọ nẹ opa nọ ke guwẹ mẹ enanẹ agbẹ bẹ fuẹ si yio si? ²⁹ Ama degan afọmẹ ofuọpa eme siye vẹpan, erofeyan na gbẹ 'bẹ tọmẹ ki sie si, ³⁰ Bẹ gẹ, 'Oro nẹ tumẹ amẹ eme sie kuwe.' ³¹ Obin ona, ne nan' yio moobin obẹn gban mẹ kan, na ka man anọ imọron a daka aye ke di lo aṣen ẹfo jẹn na ma obin na ṣa aka aṣen ogbolo? ³² Ama dẹ gan ọgbamẹkọ ki fuen nẹ ya, efilẹ osiyiorayen e sin iwuobẹbẹrẹ ọrẹ ³³ Ọnẹbẹ ka, ẹfẹna inewu na ma ne me teyi yio aven fẹyan e diye siye mogben urunmẹka. ³⁴ Obu ranmuro, ama yio ọrọ ran ẹfura mọ ẹta eke we ṣin obu obẹn na? ³⁵ Eme pila wo boro nọ ẹran nẹ bi jese. Ibe ke gumẹ fuwa. Efene sọ fan na ka wọ, awo.''