¹ Ogba ọnẹbẹ, err ẹbẹn nẹ wẹ fẹnẹbẹ na ga nẹ ya Egalili ro ọben nẹnẹ Ẹpiayẹleti fọ yọ ọ ẹyọn bile ọ ibọ iyanpun na. ² Ijesu ganẹ ba ka, "Ine roro ka Egalili ro one yọ ọ iluwe fọre Egalili ro ibu ba họn ubaka, ka abi je oya? ³ Ama wẹgan, Ẹga nẹnọ.Ne me roro ibe pila, anọ fẹyan ineke fu ọrẹ nẹnẹ kayẹ yọ fu na? ⁴ Sọ ọ ero ẹfọkọnọkọnọ isiloamu nẹnẹ Ẹṣḷwẹ uùba fa lẹ fọn ba awan ba na, ini roro ka abe w'awọ ọ iluwe ro fọré Ijerusalemu họn? ⁵ Ama we gan, Ẹgẹ. Ama ne me roro ibe pila, anọ fẹyan ika neke fu." ⁶ Ijesu ete utite ọbẹ nẹba, "Oro ọben bi rọ ọ ọja oti wo iyo ọba, aṣa e eni ilukutu amọ ama gba kọyẹrẹ." ⁷ Ẹdẹda ayẹ aga nọ ẹfẹna mẹ ye siyutun ọba ayẹ na, "Ka ẹyẹb ẹta ọja oti na, ayi ma gba kenakide parẹ. Aka ewuru ya. Aka ẹnanẹ aka so ọ ije sie ofu na? ⁸ Ẹfẹna esie utun ọba ọnẹ na aganẹ ye ka, 'Ẹ ẹdaro, nẹvfọ ẹyẹn ọyẹrẹ nọ ọ ọja oti ayẹ. Aka ayẹ ẹkini ẹpẹn nẹ da fije kẹfa na ayi gumẹ wọ iyigben. ⁹ Eèmu ilukutu ẹbẹyeṇ, arọn, é meemu te ṣẹ yan fuwa!" ¹⁰ Ijesu eete iainagogu ọbẹn Ẹsabati isubu. ¹¹ Ọgba ọnẹbẹ, Iya ọbẹn wo ẹfẹnẹbẹ nẹnẹ su ẹfuẹn ẹfuẹn owelegede iwu nọ ẹyẹn ẹfọkọnọkọ nọ. Iya aye ede eme di yọrẹ fura. ¹² Ọgbọna Ijesu gbẹ na, E eyẹ aga nẹya ka, "Iya, ẹ fọra wo wije fura iwọ igun owelegede iwu." ¹³ Afọ yu uba yẹrẹ ya, iganigan iya ayẹ yiwu gan, iya ayẹ afo uyeyi nọ Osibina. ¹⁴ Isinagogu ro ẹpan yọ ibe ama rọn wa, uba ka Ijesu afọ oro iwu gan Ẹsabati isubu. Isinagogu ro bẹ ẹpan ayẹ aganọ ero nẹnẹ wọ ẹfẹnẹbẹ na ka, "Isubu ọpọnọyẹrẹ aya wọ ọ utun iaubu, kẹ ṣa bẹ fọwọ iwu gan ama wọ ọ Esabati isubu. ¹⁵ Idu gun nẹ yowo, "Irekureku ro! Iinà tọra nọ onọ̀kpe aka nọ èkẹtekẹtẹ ẹfẹna ni yiri ba wo na ka bi jen na wọ ebi Esabati isubu họn? ¹⁶ Abraham ogben iyaro nene ẹsuvparẹ nọ eyẹn ọfọkọnọkọnọ, ama bowọ ka bẹ tọrẹ wije Ẹsabati siubu họn? ¹⁷ Akọ ẹsie ga onẹ na, ẹrọ fenyan nẹnẹ asẹnya owo na, ẹpan kọ ba, ero fẹyan miya bẹn nọ utun mọ ọkẹka nẹnẹ ẹsei na. ¹⁸ Ijesu ka, "Gana Osibina ẹsẹn siye wa, ẹna ti di ya mẹ ẹ ya? ¹⁹ Ewo aka Emustadi ííbíre nẹnẹ oro tie a nẹyan wo yo ogba ibe, eguwe eṣi nọ oti ọkẹka, ẹnẹnẹ wọ ọsọsi na, bi jen nẹ wọ ọkọ wọ ọti ayẹ ẹba" ²⁰ Ẹ di na ge ka ẹna ti di ámà Osibina ẹsẹn na? ²¹ Ẹwẹ aka ẹwọ nẹnẹ iyaro gun ma bile na ifilawa ọbọ ẹta, titi re ọgbọna atẹrẹ ri ifilawa áye fenyan na. ²² Ijesu àyọ ike ne keka aka ikeke, ẹtin, àyọ Ijerusalem ọrẹ àyọ. ²³ Oro ọbẹn ga ne ya, "Idu ẹrọ keke baka na fon họn? Ė̄ga esie ga nẹba. ²⁴ Asiwu ọ yọ ujun ne me ṣan nafọn, ubaka, Ẹganẹwọ ka ọyọyọ enika bẹ fọn ama be kedi fọn ²⁵ Ọgbọna ẹfẹna bi ybo aka kpan fura ẹfilẹ ujun na, uwe ke me joomo wọyẹn ọkọrẹ ujun, ogaka, 'Idu, Idu, jọọmo tẹ fọn.' "Eke guna wọ owo aga nẹ wo ka Ayi me dib wu aka ka ẹtẹka uwolo ṣa? ²⁶ "We kemi gba ka, 'Ti je, tẹ wa iwẹrẹn. Iwẹren aka udi tetu itọ ọ oṣin.' ²⁷ "Ama eke pila wẹ, aganẹ ka ayi me din efena uwa aṣana. Fura mọrẹ, awọ nẹ udeki luwe na. ²⁸ Iwọ aka irun ọtẹtan ẹkẹ wamọ, ọgbọna wa ka gbọ Abraham, Isaac, Jacob aka ọgẹsẹro fenyao Osibina ẹsẹn, ama baka nẹ wọ vẹ sa. ²⁹ Be ke wọ ọbẹrẹ, ọgbẹ Arẹwa aka Igusi ba ka manọ ọpare Ọsibina ẹsẹn. ³⁰ Din nọne, Ẹna nẹ ẹrọ fọ áyẹn wan na, aba ka da ọṣorọ, ẹnanẹ àyẹn dib na aba ka wa omunurun. ³¹ Ọgba ọnẹbẹ, Ẹfarisẹ ẹbẹn sa, bẹ ga ne ya ka, fura ẹkọnẹ ubaka Ẹherọdu eni ka àyẹ wan wọ." ³² Ijesu ka yọ oganọ ọ Asẹsarẹ balẹ ẹ Iigu efuẹn fuẹn nodudu efura iro iwu, idiya fọ ọ ero iwu agan, amọnẹ, usie aka isubu otetaro, me ke re ẹfena ma yo na. ³³ Akone esie wana, esie ọsẹrẹ ka isiẹ kẹyọ amọne usie aka isubu nẹ yẹrẹya na ȱgbanẹ nẹ eme so sie ka bi be ọgẹsẹ fuwa ore veṣa Ijerusalem na. ³⁴ Ijerusalem, Ijerusalem, nẹnẹ wan ọgẹsẹ ro na, bẹ bọ ẹnanẹ bi filw ne ba na ọturẹ Isi gana idenika ẹ kọ nẹgbẹn jese akọ nẹnẹ abẹsẹ de sie tẹrẹ yọ abẹwọ ri yẹ gben na, umẹ rọrẹ. ³⁵ Balẹ utebi wọ ubọ. Ega nẹwọ wa ka gba mọ eṣina ọgbọnẹ wa ka gaka, "Okukuru bile nọ ẹfẹna ṣa Osivina iwuru na."'