¹ Ọgbọna, ẹrọ asẹ ọyọyọ jese na biya pọ abẹnẹ ṣun, aga anọ yẹ gbẹn urun mẹka aka, "Be sọlọn nọ Ẹfarisi bọ ọba nẹnẹ wọ irẹ kureku na." ² Ẹmẹ su ẹkẹna uwe su nebaka gba na ẹmẹ su ẹkẹna bẹbẹna nẹnẹ ẹrọ eke din na. ³ Ẹkẹnẹ kẹna, wa ga esiri na baka wọ ogbandala, feyan mẹ wa ga wọ rọntọ uburibe na, bẹ kẹ yi yọga ubọ ọsi. ⁴ Mẹ ẹrẹ abẹ ẹga anẹnọ, nima sọn ẹrọ nẹgbeka iwupe aya yẹrẹ bi diya wan na, ẹfuro ọnẹbẹ ẹmẹ su ẹkẹna bi di pile siyẹ na. ⁵ Ama maka ganẹwọ ẹfẹna abọwọ ka nẹ sọ yọ ọrọrẹ na. Sọn ẹfẹna nẹ gbẹka awan wọn, edi dina ne won efilẹ ẹra ibẹ na ọrọrọ Ẹ ga nẹ nọ sọn yọ ọrọrẹ. ⁶ Ama wọ Ẹparrowsi upi bẹ jọ nọ ẹkọbọ ẹbọrẹ họn? Kegan kegan kabọ oyẹrẹ eme luwe Osibina ayẹn. ⁷ Wọ ẹpẹn fenyan nẹ wọwẹpan na bẹ ga ya Uma sọb ma orore usí ye ururu fore esparrowsi abẹ. ⁸ Ega nẹnọ ka ẹfẹnaka no owow ẹrọkọrọ ẹrẹn na, ọrọkọrọ ọgben kayẹ aka nọ ọwọw nẹ ọrọ ayẹ Osibina angeli ere na. ⁹ Ẹfẹ nẹ yurumu ẹrọkọrọ ẹrẹn na beke yuru kaye Osibina yọ angeli ẹrẹn. ¹⁰ Efene aga ẹga na ma bọwọ tọ orokoro ogben na, baka fọ ikuwe ẹpan gbun ya, ama ẹfẹna aka ga tọ efunwenfunwen owowon ẹga odudu na, ba aka fọ iluwe ẹpan gbun ya. ¹¹ Ọgbọna bẹ kọnọ sa, isinagọgu na, ofa a yẹ ta efa, aka uburu rọ abẹ, bẹ mẹ nẹ ka bi din aka be ke siye gẹ ẹ ga na, ¹² Efunwenfunwen ọwọnwọn aka ga nẹwo ẹkẹna wa ka ga na. ¹³ Ọrọ ọyẹrẹ aoẹ etin ga nẹ ya ka, "Ọtẹrọ ga nẹ mọ osuda ka eruwa re deda à rọn, ọpa nẹ wa mẹka ne mo. ¹⁴ Ijesu ga ne ya ka, "Ededaro, ẹra ẹti ye mu ọsẹn nẹ karẹ ako opilawega yere wọ ẹpan na?" À ¹⁵ ga ne ba nẹ fa á ye ti jẹ uma sọ ọlarẹ uba kq ọrọ wọ ero ẹmẹ wọ arọn è su na. ¹⁶ Ijesu ton utite ka, "Ikiba ro obẹn yo ẹrun siye boṙ-boro, ¹⁷ Ẹrọrẹ nẹ yi iwu aka, "Ẹna mẹkẹ siye a? uba kq, amẹ mẹ ṣu fẹna àgẹ àka kọ erub ijen à bé, wo na? ¹⁸ A ge ka, ẹkẹna me ke si ye na nẹ ma kẹ gidina efena ami ṣu nq mẹ máá a keka wọ ẹfẹnẹ bẹ à mẹ ími ko mo ibire ẹpẹn ako ẹpẹn ni buba ki wọ ẹfẹnẹ bẹ na. ¹⁹ Maka ga nẹ mọ ẹfuen fuẹb ka, "Ẹfuẹn, usu arọn ọyọyọ fọ yo uburibẹ nọ ẹyẹ ofifile kije, kẹwa, ki jimu." ²⁰ Osibina ga ne ka awo ẹdẹda à bẹnyẹ ọnẹvujogowẹ ọnẹ ma ka na wọ mẹ efunwenfunwen, ẹpẹn fenyan nẹnẹ oko jese na, ẹra ẹkẹ bi ya? ²¹ Ẹgan nẹ ẹrọkọrọ ẹnanẹ da kọ ba arọn ki jese ne bi wu na, nẹ mẹvsu arọn Osibina ẹfa na si yẹ wẹ nẹ. ²² Ijesu ga nẹ yegbe urun mẹka abẹ, "Ni ma rọro nẹ ero ẹ ga, ẹkẹna ne ke jen na, ne wọ iwu pe, aka ẹkẹna ne ke file na." ²³ Ẹrọ à fore ijen, iwupe di ya fọrẹ eṣa. ²⁴ Yẹn enẹnẹ abẹ, be me bire, bi ma parẹ. Be me su ẹfena nene be kọ ijen newo na, ama Osibina wa beje. Ore fenyan uwe fọrẹ ọnẹnẹ abẹ. ²⁵ Nọn ona í ní iwu, Ẹ di ye tie sá kuru ogba keke ebile iyẹ ẹra a? ²⁶ We me di sie ẹpẹn no keke ọnẹ bẹ, ọna emi wọ ero ẹbẹnẹ ka nẹ we roro na? ²⁷ Roro idodo abẹ-ako bi si ye guwẹ na ma fiwu joya, be me siye kẹna kide. Ega a nẹwọ ka Solomon iyọ ugbugbodi, eme file ẹsu ákabẹ na. ²⁸ Osibina afo ẹsa ri ẹmen ni wọ ọ ije na, nẹnẹ ẹgne ka bi wa mọ amọnẹ ekire usie bi guma ba wẹ ra ibe, gana ekesie fẹsa file wa? Ano irokoro ne su ọnawo keke na. ²⁹ Ume ki ni ẹkẹna weke je áka ekena waka wa na, unedia kẹ lakata. ³⁰ Ẹrọ fẹyan eni ẹpẹn nẹ nane, nẹ Ẹdẹda din ka ni ni ẹpẹn fẹyan. ³¹ Tayi ni Osibina ẹṣẹn, ẹpẹn ni bu ba ẹnanẹ ekemi da wẹ ẹka. ³² Ni ma sọb mọrọrẹ, ano udodo ikeke, nẹ dẹda ibe rọn ka ayẹ fo yẹṣẹn nẹnọ. ³³ Jọ warọn fẹyan, uwe sie ese sie ne wiwu apolo na ka òlọn na, su aron wo Osibina efa, nẹnẹ ede kwe na, ẹfẹna oyiri koyerẹ edie re na, aka ẹfẹna ẹkọrẹ kọ yẹrẹ edie bẹyefuwa na. ³⁴ Ẹfẹna wọ arọn ma na ẹfẹnẹbẹ wọ ọkọn aka ma nẹ. ³⁵ "Guru wọ oja sẹ, die pi wọ ọsọ. ³⁶ Ni ki we akọ ẹnane be ene bo Ẹrẹn na, ogbona be ke pila wura efena ooro akọọ oforo we su abena ejeme, ọgbọnq aka kore ujun na, ba ka lakata jin nọ ujun nẹyan. ³⁷ Okukuru bile ya no ikotoro abe nẹ bọ ẹrẹnro eke to ka beme bwe na ogbona eke pila ṣa na. Aka kọ ẹsa ka ayi gun nabowọ iba kq fọ igben ma eki gun na bowo. ³⁸ Adaka erenro aye isi ọ ọboro ujoge eka aṣa edia ka ṣa isí ọtẹtaro ujoge ẹka elọ ba ka bẹ kọ ẹsa wije, okukuru bile awa nọ ikotoro abẹ. ³⁹ Din ọnẹ ka Ẹfẹna bi yọ ubowo na, etin ogbọna oyiri akasa, edie yaka oyiri afọn yaye ubowo. ⁴⁰ Ko esa wije, une dina ọgbq na orokoro ogben aka ṣa na. ⁴¹ Ipita ṣin ka, Idu, uwe tọ utite one anẹtọ họn, sa nọ ọ ero fẹyan? ⁴² Idu ka, "Ẹre su ọnawọ aka ogben nayen ne di fayen ata, anẹ yọ ọ idu na, Nẹnẹ yọ idu aka ga ka be fo ayen bqlo ikotoro íbuba na, bẹ fọ ọ bijen ne ba ọgba nẹnẹ bọwọ na. ⁴³ Okukuru bile nọ okotoro nẹ yọ idu eke to ka esie ẹgan na ogbona epila ṣa na. ⁴⁴ Ikwa ẹganẹnọ, aka fuẹ jobin yẹrọọ iyarọn fẹyan. ⁴⁵ Ama adaka okotoro ọnebẹ rorẹ iyọ ọkan ka, "Mọ ọ Idu emíṣa, atọmẹ eeje awa, ediya wa dẹ fe, ⁴⁶ Okotoro yo idu aka sa ísubu aka ogba nẹnẹ ama fọ ayen wije na, eke firẹ wije, enọ ọ ẹfa nọ ẹnanẹ ama na wọ na. ⁴⁷ Okotoro ọnẹbẹ nẹnẹ din ẹkẹna yọ ọ idu enina, na ma kọ eṣa wije, neme die sie ẹkẹna yọ idu enina, iba ka beya ẹpa ọyọyọ. ⁴⁸ Ama onẹnẹ eme din na, epa keke ba ka be ya. Ena nẹ be fọ ọyọyọ nọ na, abe be fọ ayẹn na balẹ ka baka fọ ọyọyọ veṣa, ke ẹnane bi die kwe fọ ayẹn yẹrẹ na oyọyọ be ke ṣin ba. ⁴⁹ "Ẹṣa ka ẹnemera wọ ẹro eba mi ibe aron adaka ibi pi ẹra ayẹ ke na. ⁵⁰ Ama isu imomo on ne meke siye na, ama bere mi wu eme fura isiẹ ke. ⁵¹ Ini roro ka eṣa fọ iwọbẹbẹrẹ nọ ẹrọ nẹ? ama wẹgan, ẹga anẹnọ oruruwa ẹṣa siye. ⁵² Yo ọgbọnẹ yọ, eke su iro upi ubowo ọyẹrẹ nẹ beke ruwa na, ero eta eke fura tọ ero ẹbọre, ero ẹbọrẹ ekede fura tọ ero eta. ⁵³ Ibe ke ruwa, Ededa aka yọ ọ ogben noforo eke ruwa, iya aka yo gben niyarọ eke ruwa, egben niyaro eke fura to biya, Iya eke fura tọ yo gben oworo, ogben no oro eke fura to yo oforo wiya ⁵⁴ Ijesu aga anẹ ero ko abẹ ka, "Na gba idurudu ka efura ẹfẹna eyi wa a fọn na, na ka gbaka ebi egun ma, egan neke siye da ne. ⁵⁵ Ogbanene eperi eki wura na, enaaka, "aeyi eke fi dada ede di a dẹgan. ⁵⁶ Anọ ofayensiyero, nidin akovbi sie epelu ako ẹro siye we na, aka ososi siye we na, ẹnanẹ ne me pile di ga aka ọgbọnẹ siye wa na. ⁵⁷ Ẹna nẹ nibma ṣẹn nẹ karẹ nẹ wọ ikwa na nẹniwu na? ⁵⁸ Ọgbona anika wọ ebero na yo ọsẹnẹkarẹ efa na ako ni sie wo oripopo ayọ na, jọmọ ni guru ẹga ye anẹbọbọ etin, ume yaka evuna wo yọ ọ oṣenẹkare okeka ẹfa, kayi mediya fọwọ nẹ yọ ọ utunro na newo filọ enwan ibe na. ⁵⁹ Ẹga nẹwo ka we eke veṣa fura efeneb, eṣina ogbọna udu na wọ ikiba fẹyan kwe ke na.