¹ Ijesu di yẹ ki ga nọ yọ ẹgbẹnurunmẹka abẹ, "Ẹṣu ọrọ ọfọrọ nẹnẹ ṣu aron na, ẹfẹna ṣu oro nene ẹ si ye ayẹrọn na, aka bẹẹ fọ ẹkarẹ tie ka ẹfẹna e si yẹ yanyẹron ọnẹ sẹ ya arọn à siye gbọgba gbọgba. ² Ubẹ uba arọnrọ ọnẹ sa yẹ amẹ ga ka, 'Ẹna wa ẹkẹna ma wọ iwọ ọrẹ na? Fọ wọ utun m bẹ yẹn mọ ubaka wẹ kẹ di pila si utun mẹkọ nẹ.' ³ "Ona utun si yẹ à yẹ sa ma yi iwu gẹ ka, 'Ẹna wẹ ẹkẹna mẹ kẹ si yẹ na, akọnẹ mi idu si ye ni ka à yẹ na mọ utun mọ nẹ na? E ma ṣu iwogbengben ka ẹpa ije, aka ẹ ṣu epanọkọkọ kẹ tẹ yẹ pin. ⁴ Ẹ din nẹ kẹ na ma kẹ si yẹ na ubaka ọgbọna bẹ kẹ ti yẹ mu fura imu utun osi si ye na, erokoro aka na mọ ọga fọ bu bọ.' ⁵ Ogbona bẹ ọna utun si yẹ ọnẹ yẹ ọrọ ọrọrẹ nẹnẹ jẹ yọ oga uba abẹ na, aka esin ọrọ ọsọrọ gana ujẹ mọ oga à.? ⁶ "À gẹ ka, ikọlọba ipi amọ ne wa olifi amọ.' "Ti yẹ wọ uba, ma ọwọra ibọrẹ kakọrọfọ.' ⁷ "Ogbona bẹ iwu a ga nọ ọbẹ 'À ga ne ya ka, ẹpurapa uyeye à son na ipi ikiba à ga ne ya ka, 'Ti ye wọ ọwọrẹ epen wera ugbofu." ⁸ Yọ ọga ṣa yẹ yi yo utunro ọnẹ ubaka ẹ din nẹ ẹkare sẹn kakọnẹ si yẹ gbẹ ka ẹmẹ ṣu ọsẹrẹ wọ iwu na ubaka ẹrọkọrọ nẹ wa ẹrọ ọnẹ ẹka din ẹkarẹ ọsẹsẹ fọ rẹ enanẹ ye bi iwu ọsọ ẹgben na. ⁹ Ẹ ga nẹ nọ sẹ ọrẹ na ni iwu ikua ẹpẹn nọ ọyọyọ iwu. ¹⁰ À yẹ nẹnẹ ṣu ikua ẹpẹn kẹkẹ iwu na, akẹ di yẹ ṣu ikua epen oyoyo iwu aka à yẹ ne me ṣu ọsẹn rẹ epẹn kẹkẹ iwu na akẹ di yẹ ṣu ikua ẹpẹn nọ ọyọyọ iwu. ¹¹ Adaka wẹ me ṣu ikua oripopo nẹnẹ ù wẹ lọ arọn nọ fọ irikisie kọn jẹsẹ, era aka na wọ aka arọn ikua e ka kọri jẹsẹ na ¹² Adaka wọ mẹ ṣu ikua akọnẹ wọ si yẹ lọ ero ẹbẹn nọ ùsẹ na era aka fọ ikiba nẹ wọ nẹ wẹ ka á? ¹³ Ẹmẹ ṣu ọkọtọrọ ne di yẹ si yẹ okoto ạnọ ọga ẹbọrẹ na ubaka a kẹ goli ọbẹn aka eni ọbẹn ne ga, aka à ke ni ọbẹn à di yẹ goli yọ bawọ we din na da ọkọtọrọ nọ Osibina, ù di ya da okotoro nọ arọn nọ ùṣu na." ¹⁴ Aka na Epharisiro abẹ, ẹnanẹ ni ikiba ẹ ga na, wọwo ẹpẹn fẹnyan aka bẹẹ fọ yẹ si ọsie. ¹⁵ À ga nẹ, "Nẹ sẹn nẹ iwu ẹkarẹ ẹrọkọrọ à yẹn ama Osibina din na ibẹ epen no erọkọrọ fọ uba ọkẹka sẹn na, ewẹ yẹnpẹrẹ Osibina à yẹn. ¹⁶ Ubu aka ogesero abẹ bi wọ ùṣuṣu rẹ ijoonu ogba wọw ọgba ọnẹ bẹ yọ Osibina yi ipẹpẹn ẹpan nọ pọpọ ba pọ aka ero fenyan ni ka abẹ fọ iwu ọgbẹgbẹn fọ ya. ¹⁷ Ama à bẹn rẹ iwu nọ Osibina ẹsẹn aka ẹrọ ọnẹ ka ṣa ka bi ti ye ọwọra ọyẹrẹ fura iburu ubaka ẹmẹ wẹ gbọgba. ¹⁹ "Àkana ẹṣu oro oforo ne ṣu àron efena file ewuru epurplelu aka ilinen ẹsabọ ku wọn da ṣa ke rẹn yo ibẹn iwu. ²⁰ Ọrọ ọtọrọ oben wa mọ à yẹ gbe ada kẹ ma, aka igben iyiwu, ²¹ aka ẹdẹ ki ni ọrẹ akọ nẹ ẹkẹ si ye jije nẹ falẹ wu jẹ fura arọnrọ ọnẹ itebulu na. ²² À sa ṣu ubaka ọrọ abẹlẹrọ ọnẹ sa ẹfọ aka angeli ṣa fọ yo Abrahamu ẹfa. Ikibarọ ọnẹ ka yẹ ṣa fo aka bi rẹn. ²³ aka ọnunuma ibẹ, à pani ma à yẹ pọ ọsọsi aka gba Abrahamu efa ọfifọ aka Elazarus ì yẹ fẹ. ²⁵ "Ama Abrahamu ge ka, 'Ọgben, yẹn ka iwẹ ẹro ọgba wọ na ẹpẹn nẹ bọrọ aka Elazarusi à yẹ ẹpẹn nedudu agba na ama aka na, a bẹn rẹ ya iwọ ekọnẹ aka à wọ uwọ iwu ọnunuma. ²⁶ Ubaka, ẹfẹnyan ọpin nọ ọkẹka ju ọrẹ ubaka ẹnanẹ ẹni ka abi ṣu fura ẹkọnẹ ṣa ọṣu ọnẹ bẹn à me di ṣu aka eme ṣu oro nẹnẹ edi à ṣu ma ṣa ẹkọnẹ ẹrẹ tẹ fa.' ²⁷ "Arọnrọ à yẹ ge ka, ẹ tẹ wẹ pin, ẹdẹda Abrahamu, ka ù filẹ yọ tẹn ẹdẹda ubo- ²⁸ Ubaka ẹ ṣu ọda upin-bi di bila fura ẹ bọ ọdudu nẹ bẹ si yẹ na ubaka bi me di sa onunuma efa ne ma nọ nẹ na.' ²⁹ "Ama Abrahamu ge ka, 'bèè ṣu emosi aka ọgẹsarọ abẹ tẹ yi ba bi pin ba tọn.' ³⁰ "Ọrọ ofọrọ ikibarọ à yẹ pile yẹ ka, 'Nyen, Edẹda Abrahamu, ama oro ẹni ba yọ fura ẹpọrọ iwuru bèè kẹ ruri ibẹ pila.' ³¹ "Ama Abrahamu ga ne ya ka bi me pin Emosi ako ọgẹsẹro abẹ bèè di yẹ bila oro esi fura. Ẹpọrọ iwuru sa na."