¹ Akọne Ijesu mi sie ṣun na, a gba oforo ọbẹn nẹnẹ penianyẹn ȯgba nẹnẹ bi webẹna. ² Yẹ egbenurunmẹka abẹ ṣin ya ka, "Otiterọ ẹra eluwe a oforo ọnẹ sa yu ubarọ abẹ nẹnẹ bia ba ẹ openayẹn na?" ³ Ijesu gunowọ ka, "Ama wa ubaka oforo ọnẹluwe, sa yu ubaro abẹ ama ka bi di fo Osibina utun yen nyẹn iyẹro. ⁴ Ta la ti gbẹn ka ti fo utun nẹnẹ ẹfẹna filẹ mu na a a nẹ mọ ọgba nẹnẹ a wa erun na. Ujoguwe a a ṣa nẹnẹ kòrò ọ̀ọrẹ èke di sie utuna. ⁵ Ee kida ka iwo ẹro amẹ a wa ẹrọ ọọ̀so." ⁶ Ọgba nẹnẹ Ijesu gẹ ga ẹnanẹ kue na, a te efuwa wuje, emi mẹ efuwa ayẹ bi idin emi fọ idin ayẹ ri openanyẹn na ya yẹn. ⁷ Emi ga nẹ ya ka "yọ, u puwa Isiloomi" (bẹ e fu ya ga ọrẹ ọbẹn, fileyọ). Ọnẹbẹ uùba a yẹrẹ yọ ọrẹ yọ epuwa a a gbanyen. ⁸ Ogbonẹbe yo ọsinro abẹ aka ero nẹnẹ gba ẹ ùrun ṣa ka, Ámá ẹfẹna nẹnẹ da ma kẹ bẹ lẹpen na a wa ọnẹẹ? ⁹ Ẹbẹn ga ka, Ayẹ ya: ẹro ibuba ga ka, "Henhen, egben ya" Ama aga ka emẹya. ¹⁰ Bẹ ga nẹ ya ka, Gana wa anyẹn sie jin a na a? ¹¹ E gunowo ka, "Oforo ọbẹn nẹnẹ be eye Ijesu na a dẹn idin, emina ṣi ma anyen, e mi ga nẹ mo ka, 'yọ Isiloami upu wa wi wu.' Imi yọ, ipu wa: imi yọ ẹfọra, i mina a a gbanyen ¹² Bimi ga nẹ yaka Ayẹ mi o? Ẹgun nọ ka, imedin ¹³ Bẹ sẹ ẹfẹna nẹnẹ ya anyẹn pẹn gba na ṣa Efarisiro abẹ ẹfa. ¹⁴ Ẹ yẹ ofile iisubu e di a wa isubu ayẹ nẹnẹ Ijesu dẹn idin ayẹ nẹnẹ e mijin ya anyẹn na. ¹⁵ Onẹbẹ uùba ja Ẹfarisiro abẹ mi di ṣin ya, akọ e sie gbanyẹn na. Emi ga nẹ ba ka, A fọ idin de ma anyẹn, i mi puwa anyen imina a a gbanyẹn. ¹⁶ Ẹfarisi rẹ ẹbẹn gẹ ka, oforo ọnẹ ẹmẹ wo Osibina ẹfa ṣa ubaka a ma fọ ẹyẹ-ofile iisubu wuje. Ero ẹbẹn ga ka, Gana oforo nẹnẹ wa iluwero na èke din sie utun ojinorowfuwa akọ a? Oruruwa mi wo bẹ ẹtin ¹⁷ Onẹbẹ uùba bi mi ga nẹ ẹdẹda nẹ penanyẹn ayẹ kạ Ẹna ọ ga yẹrẹ yẹ ẹpan na, ubaka e jin wa anyẹn na? Emi ga ka Ẹsẹro a wa. ¹⁸ Onẹbẹ uùba ijuro abẹ a ma nawo ka, ya anyẹn pẹn gba aka ka e mina a a gbanyẹn jen ere ọgba nẹnẹ bi e ye ẹfana nẹnẹ bi jin ya anyẹn kẹ na uùbaro abẹ. ¹⁹ Bi mi ṣin ba oṣisin ka, ọnẹ a wa nọ ogben ẹfẹna nẹnẹ nẹ ga ka bẹ ba ẹ openanyẹn na hon? Gana e mi sie sie a a gba yẹn akana a? ²⁰ Yu ubaro abẹ guna ba owo ka, "Ti din ka to ogbẹn a wa ọnẹ aka ka tẹ ba e openayẹn. ²¹ Ako ẹmi sie a a gbanyẹn akana na ti mẹ din sa ẹfẹna nẹnẹ jin ya anyẹn na ti mẹ dini ikirisa ya; ni ṣin ya à àka karẹ nẹ yi iwu." ²² Yọ ubaro abẹ ga ko ubaka bẹ sọn Ijuro abẹ ọọ̀rorẹ. Ubaka Ijuro abẹ fọ owo ẹfa ọọrẹ kẹ kạ ee su ẹfẹna a a nowo ka Ikristi ayẹ a wa bẹbèke gu ya fura Isinagoguibe. ²³ Ọnuba yọ ubaro abẹ a a ga ka, "Ikirisa ya ni ṣin ya." ²⁴ Ọnẹbẹ uùba bi yẹ oforo openayẹn ayẹ iso ọọboro bẹ ga nẹ ya ka, fọ uyeyi nọ Osibina. tin din ka iluwero a wa oforo ọnẹ ²⁵ Ọnẹbẹ uùba ẹdẹda ayẹ gunowo a ga ka, A a da ka iluwero a wa, i me dini ẹpẹn ọọrẹ i din ka i penanyẹn gba, i mina a a gbanyẹn akana. ²⁶ Ọnebẹ uùba bẹ ga nẹ ya ka Ẹna e sie nẹ ọ a? Gana e siè jin wa anyẹn? ²⁷ Eguna bo owo ka, ẹtayẹ ganẹno ni ma wo ubaka ẹna awọrẹ nẹnẹ ni e ni ka nifu ya wọ a? i ka anọ e e nika ni ṣina ye egbenurunmẹka hon? ²⁸ Bẹ parẹyetun, bi mi ga ka, Awo a wa yo ogbenurunmẹka; ama atọ Imosisi egbenurunmeka te wa. ²⁹ Ti din ka osibina ma imosisi ga ẹga: ama timẹdin ẹfẹna ẹdẹda onẹ we ṣa na. ³⁰ Oforo ayẹ gunowo a ga ka, ojinorowofuwa e kpoto wa ọnẹ na nibmebdin ẹfẹna nẹnẹ be we ṣa na ama ẹjin ma anyẹn. ³¹ Ti din ka, Osibina a a wo iluwero ama e e su ẹfẹna e e pun Osibina na, nẹnẹ die esie yiibe-opin na, nẹnẹ die e sie yiibe-opin na ayẹ da wọ ³² Kaba ọgbọna nẹnẹ ẹrọ we ruwayẹn na ti ma wọ ya gba ka, ẹfẹna openanyen anyẹn gba kaba ọgba nẹnẹ bi we ẹ na. ³³ Aa daka oforo ọnẹ a ma ṣa kaba osibina ẹfa, e èbana e di sie kenakide. ³⁴ Bi mi gunowo bẹ ga nẹ ya ka iluwe ibe ṣẹnẹnẹ bẹ ba ọ nẹ, u mina e e ni ka u te tu hon? Bi mi ta yẹ ẹba ve wo ³⁵ Ijesu wọ ka, be ta yẹ eba ve wo ọnye fu ra isinagogu. ọgbọnẹ nẹnẹ e mi gbe na Ọ̀ na osibina Oògben wọ hon? ³⁶ Emi gunowo ka, Era Idu i di nu ẹ wọ? ³⁷ Ijesu ga nẹ ya ka ̣ọgba ẹke, ayė e sisi wa ẹfẹna nẹnẹ ma ọ a a ga ẹga ọnẹ na ³⁸ Ẹdẹda yẹ gẹ ka, idu, e nawọ e mi pun ya. ³⁹ Ijesu mi ga ke, Ẹkarẹ ọṣẹṣẹn uùba i a ṣa ẹrọ ọnẹ ka ero abẹ nẹnẹ a a ma gbanyẹn na bidi kẹ gbanyẹn; aka ka ero abẹ nẹnẹ a a gbanyẹn na bi di ṣina openanyẹn. ⁴⁰ Ẹbẹn Ẹ̀farisiro abẹ iiwu nẹnẹ wo yẹ ẹfa na wọ ẹkẹnẹnanẹ, bi mibga nẹ ya ka i ka atọ penanyẹn hon? ⁴¹ Ijesu ga nẹ baka, A a daka i ni penanyẹn e èbana ni su iluwe: ama akana nẹ ga ka, Ta a gbanyẹn; Ọnẹbẹ uùba ni