¹ din ako Efarisiro abe sẹ e e sina aka ka e e egbenurumẹka oyoyo ri imomo fora Ejoonu na. ² (Ama Ijesu ẹbẹba eme ri ero imomo, ye egbenurunmeka abe e ri ba imomo ne) ³ Ẹtebi Ijudea wije, e mi da yo Egalili. ⁴ Ẹ ẹ di e sieka a ma yo Ẹsamaria eetin sun. ⁵ Ogba ọnẹbe ayẹ e mi re Ẹsamaria iiken onẹn nene bee ye Isikari na, nẹnẹ ke ijẹ nẹnẹ Ejakabu va Ijosefu, yoo gbẹn na. ⁶ Ẹjakobu ẹẹkanga ki wo efa ọnẹbẹ uuba ako nene ejen ẹdọ sie dọ. Ijesu na ẹgan e sie ma wo ekanga owo nẹ, a wa ẹpẹn akọ ẹwakati oponore iiwu na. ⁷ Iyaro ọbẹn Esamariaro, mi ṣaka ayẹ e nyin ebi, Ijesu ga ne ya ka, vamọ ẹ wa. ⁸ Ubaka ye egbenurunmeka abẹ fon iken ibe yo ke ka bi nyin ijen. ⁹ Ogba ọnebe aye Esamaria iyaro aye ga ne ya ka, gana e sie gbe ka awo, nene wa ijuro ne, sie ẹ ẹ ṣin epen owewa i mu uba a, ame nene wa Esamaria iyaro na? Ubaka ijuru abẹ a a ma Esamariro abe e e sie bile. ¹⁰ Ijesu gunowo, e mi ga ne ye ka, "A adaka u din Osibina iifuese, aka efẹna nẹnẹ kpoto ga ne o ka vamọ e wa na, ẹbana u ṣin i yu uba emi vao ẹrọ ebi. ¹¹ Iyaro ayẹ ga nẹ ya ka, Edaro, u me ṣu onyinebi, ekanga aye die loon kaa eta u we gba ẹro ebi aye a? ¹² Ofọra Ejakobu te ededa hon, efena nẹnẹ va to ekanga ayẹ, na nẹnẹ ka, aye ebeba wa amo na, aka ye ẹgbẹn abẹ aka ye ena be? ¹³ Ijesu gunowo, e mi ga ne yaka ẹfẹnefẹna a a wa ebi onẹ iiwu na ebi okore eke pila sẹ ya. ¹⁴ Ama efenafena aka wa ebi nẹnẹ ma ka nẹnẹ na iiwu, ebi okore eke pila sẹ ya, ama ẹbi nẹnẹ ma ka a ne ya na eke ṣino ekange ẹbi wo yi ibe nẹnẹ aka ṣo a kpo jen a fon ero neme e e ṣu ọta na. ¹⁵ Iyaro aye mi ga ne ya ka, Edaro, vamo ẹbi ayẹ ka ebo okore a ma semo, ka i me pila ṣa nyin ebi ẹkonẹ ¹⁶ Ijesu gana ya ka, yo u ye wo ofuro, u mi ṣa ẹkọnẹ. ¹⁷ Iyaro aye guno wo, e mi ga ne ya ka i ne su oforo, Ijesu gane ya Egaba ọ ga ka i me su oforo. ¹⁸ Ubaka ọtai su oforo upi gba, onẹ nẹnẹ u su akana na a ma wa wo foro, yere one epan ọ ga ikua. ¹⁹ Iyaro aye ga ne ya ka Edaro, anyen ṣe mo ka esero aye o wa. ²⁰ Tẹ ẹdẹda abẹ pun ọre onẹ ọsi ne ga kai Ijerusalemu a wa efa nẹnẹ bọ ọ ka ero e we ki pun nè. ²¹ Ijesu gana ba ka, Na ma wo iyaro one, ewakati aye a a ṣa nẹnẹ e gbe ka ẹkẹ pila wa ọre ọne ọsi sa Ijerusalemu, nẹ ẹkẹ ki pun ededa ne. ²² Ne e pun ẹkẹna nene ni i me din ekena nene te e pun na ubaka onafan wo Ijuro abẹ uuba ṣa. ²³ Ama ogbone a a ṣa ẹ sisi re akana, nene opunro ikua eka abe eke ki pun ededa Efuenfuen aka ikua. Ubaka ero ẹ la ẹgab aye ẹdẹda e e ni ka e ki pun aye ne. ²⁴ Efuenfuen a wa Osibina, ero nẹnẹ e e pun ya na gbado pun ya ẹfuẹnfuẹn aka ikua. ²⁵ Iyaro aye gane ya ka, i dib ka ofanakpo aka ṣa nene te e ye ọnọnọfan na ogbona nẹnẹ a a ṣa na a a ka ga epen feyan ne to. ²⁶ Ijesu ganẹ yẹ ka, A me nẹnė ma o a ga ega na a wa aye nẹ. ²⁷ Yẹrẹ onẹ epan aye ye ẹgḅenurunmẹka abe wura ne, ejin ba owo fuwa, ka a a ma iyaro a a ega, ama e me su ẹfẹna ga ka Ena we e ni a? Sa Ena a wore nene ọ ma e a a ga ega na a? ²⁸ Ogbo onebe ayẹ iyaro ayẹ mi tẹbi ye ẹmagẹga wuje ne a yi ikpisi ta ẹrẹn fon iken ibe a ga ne ero abe ka ²⁹ Ne ke ṣa ne gba oforo oben, efena nẹnẹ ga epen fenyan nẹnẹ i sie gba na ne mọ ọ ka aye a wa onorofan ayee? ³⁰ Ọgbọ onẹbẹ aye bi wo iken fura ne bi mi ni ya sa. ³¹ Bi wo amo a a ga ne ya ka Erabi, jijen. ³² Ama a ga nẹ ba ka, i subijen ojijen, nene ni ime din na. ³³ Onẹbẹ uuba ayẹ ye ẹgbenurunmeka abe e e sin bi iwu ka Ẹṣụ efena nene fo ijen ṣa ne ya je na hon? ³⁴ Ijesu ga ne ba ka mi ijen a wa ka i siẹ ẹfẹna nẹnẹ file mu na yi ibe-opin aka ka i mi ya sie. ³⁵ Ama egan ni sie a a ga e ne ka ọṣẹn ena e ku akana nẹnẹ ekẹrokọrọ aka ṣan ne e? Ungbee, e ga ne wo, ne kpan anyẹn kpo ososi, ne bale a hohoro, bi wure ke a a kare ekerokoko. ³⁶ Ẹfẹna nẹnẹ a a kpare na da iduna e mina a a ko ilikutu jese nẹ ro nẹnẹ eme ṣu ọta na, ka efena e e bire na ako ọnėnẹ a a kpare na edi be bile. ³⁷ Ubaka ẹko ẹga ọnẹbẹ we wa ikua ne, oben e e bire ọbẹn a a pare. ³⁸ I filẹ nu kparẹ ẹfa nẹnẹ ni i me sie utun wo na, ẹro ẹbẹn ẹ sieoi utun ayẹ ni mi fon file bu utun ibe. ³⁹ Efarisiro oyoyoyo nene wa ikenro aiye na na e wo ubaka iyaro aye ega, nene sie ubedin ka, A ga epan fenyan nẹnẹ i sie gbana nemo. ⁴⁰ Onebe uuba ogban nẹnẹ Efarisiro abe sa ye fa na be te ye ekuin ka a ma ba bẹ ma emi ma wo efenebe ni isubu ebore. ⁴¹ Ẹro ọyọyọ mi na ẹ wo ubaka aye ebebe eha. ⁴² Bi mi ga ni iyaro ayẹ ka, Akana te nawo, a ma wa ubaka we ga atọ ebeba wo ya ke, ti mi din ka aye a sa ọnọrọfan egaba ero Onafanro. ⁴³ Isubu ooboro urunba efura ẹfẹnẹbẹ a fon Egalili yo. ⁴⁴ Ubaka Ijesu ẹbẹba ṣiẹ ubedin ka esero e e su uyi aye ebeba uwuru ⁴⁵ Onẹnẹ uuba ogbona nẹnẹ e re Egalili na, Egaliliro abe na ẹ ubaka be gbe ẹpẹn fenyan nẹnẹ esie Ijerusalemu na Ejeme ogbe, ubaka abe ebeba yo ne ejẹmẹ ayẹ ⁴⁶ Ka egan Ijesu die sie fon ekemanene e we ṣe ebi ṣina ewaini na. Oforo ạrọnrọ obẹn wamo ẹfẹna nẹnẹ yio gben e e yan Ekapanamu na. ⁴⁷ Ọgbạna awo ka, Ijesu fura Ijudia ṣa Egalili na, e ni ya ṣa a tẹ ye ekwi ka e holo sa a fo yo gben iiwu gan, ubaka ere ufo anyen. ⁴⁸ Ọgba oṇẹbẹ aye Ijesu gane nẹ yaka Efura ka i ne gba okpipeli aka ojinorowofuwa na aka nawo. ⁴⁹ Oforo arọnro aye gane ya ka, idu,holo ṣa ṣanamo ogben edikifo. ⁵⁰ Ijesu gabẹ ya ka, ke ye wo ore, wo gben fan. Oforo aye na ega nẹnẹ Ijesu ga na aye na wo, e mi yo. ⁵¹ Akọ emi sie holo a ayo na, yo okotoro abe gure ẹ be ga ya ka, wo ogben fan ke. ⁵² Ogba onene ayẹ e sin ba ogba nene ewe tome a a kẹsẹ na. Bi mi ga ne ya ka, Eran ya ne ewakati ufonborọ iiwu aiye iba aye tebiyane.