¹ Efarisiro obe iramo nene be e ye Inikodemosi na. Ijuro ya. ² Oforo one sa e e toọ Ijesu ujogweka, aganeya ka, Ẹrabi, ti din ka otero nẹnẹ ṣa ka ba Osibina ẹfa na ayẹ ọ wa. Ubaka eme su ẹfẹna nẹnẹ die sie utun ojinorofuwa nẹnẹ we e sie na, a a ma da ka Osibina jọ họn gbeli ya. ³ Ijesu gunowu emi gan ne ya ka Egaba, Egaba aiye ganẹ o, A ma da ka iba foro ba, e e di a gba Osibina eeṣen. ⁴ Inikodemosi ga nẹ ya ka, Gana be eke di sie fu oro ba a ọgba nẹnẹ e sina osuda ke na? E di e di e pila fon wiya ibe yọ isa ọọboro bi mi bạ e hon? ⁵ Ijesu guno wo ka,Egaba, Egaba ayẹ e ga ne o. A a ma da ka ibe fọ ebi aka efuenfuen ba oro, e e dia fon Osibina e e sen. ⁶ Ẹkẹna nẹnẹ bẹ fo iwukpe oore ba na, iwukpe ya ne: ẹkẹna nene bẹ fọ Efuenfuen ọọre ba na, efuẹnfuẹn yanẹ. ⁷ Eme jinu owo fuwa, ubaka ẹ ga nẹ o ka, o gbadọ sina ofuba. ⁸ Eperi de wura yọ efena nẹnẹ bare, yana, u de ki wọ yo ohun gbọgba ame u me din ẹfẹna nẹnẹ e we ṣa nạ aka efena nẹnẹ a a yọ na, ke egan efenaefena be ba efẹnafẹna bẹ ba Efuenfuen ọọre na sie e e we ne. ⁹ Inikodemosi gunowo, aga nẹ ya ka gana ekẹ nẹnane sie e we ẹgan na a? ¹⁰ Ijesu gunowo, e mi ga nẹ ya ka, ama otero Isireli aye o wa, time din okenenane? ¹¹ Egaba, Egaba ayẹ e ga ne o, Epẹnẹnanẹ ti din na e ega to a ga ne te e sie ubedin nẹ ẹpenanẹ te gba ke na, ni ma na tu ubedin. ¹² A a da ka ẹ ga ẹro onẹ ẹga ne no nene ni ma namọ na, gana ne eke sie di nawo a, a a da ka e ga ososi ẹpẹn ne no a? ¹³ E ẹ mi su efena nene kpo yo ososi gba na, a a ma da efẹna nẹnẹ holo ṣa ka ba ososi, Orokoro Oogben nene wo ososi na. ¹⁴ Ako Imosisi siẹ kpan epenidudu kpo ọsọsi sie kpan ka orokoro Oogben kpo ososi ne. ¹⁵ Ka efenefena a a na e wo na ẹsu ero ne me ṣu otana. ¹⁶ Ubaka Osibina sie egan ni eroro ega nẹnẹfo yo ogben ọyẹyẹ ọgbọgbọ ne ero, ka ẹfẹnẹfẹna a na ẹ wo na ẹ me fu, ama edi su ẹro nẹnẹ e e me su ota na. ¹⁷ Ubaka Osibina eme file yo Ogben ṣa ẹrọ ka ṣen erọrọ ẹkarẹ sẹn ẹrọro ẹkare; ama ka bi di wo yọ ọọre na ẹrọro fan. ¹⁸ Efena nẹnẹ a a ne wọ na e mẹ jẹ ebe, a ma ẹfẹna nẹnẹ a a ma ne wo na je be ke, ubaka ama na Osibina ogben ọọre ọgbọgbọ iwuru wọ ¹⁹ Ọnẹ a wa ẹkerẹ ȯsensen ạyẹ ne ka, ọsọ ṣa ẹrọ ibẹ ke, erokọrọ abe ke ni esiri ẹga fora ọsọ, ubaka bu utun wa odudu. ²⁰ Ubaka ẹfẹna esie odudu na aye e de goli ọsọ ne, a a ṣa ọsọ ẹfa kadakada ka bi me di ma yu uba utunga. ²¹ Ama ẹfẹna nẹnẹ e e sie ikua na aye a da sa ọsọ efa,ka yu utun edi fo iwu nyẹn ka Osibina oorẹ bie sie ba nẹ ²² Urumba Ijesu bile ye egbenurumẹka abẹ iiwu sa Ijudia, iijė, e mi ma ke bae e ri imomo. ²³ Ka Ejoonu e e ri ero imomo Ainoni nẹnẹ ke Esabani na, ubaka ebi ọyọyo wo ẹfa onebe, ero a a ṣa, bi e ri ba imomo. ²⁴ Ubaka be e mi ṣe Ejoonu file wo enwon ibe. ²⁵ Ogba ọnẹbẹ aye ọṣakata oben wamo, Ejoonu ogben wa mo. Ejoonu ogbenurunmeka ẹbẹn aka iburo aba ẹẹtin yẹrẹ opuwawon epan. ²⁶ Bi mi ni Ejọọnu ṣa bi mi gane ya ka, Erabi, orone ne ni bile wo Ijodani oosun, nẹnẹ u sie ubedin yẹrẹ epan na ungbee e eri eri imomo ero feyan mi ni ya a a yẹ. ²⁷ Ejọọnu gunowo e mi ga ka, oro e di a gba kenakide na, ama da ka, bi anẹ ya kada ososi sa. ²⁸ Ka anọ ẹbẹna sie ubedin ne mo. ka ẹ ga ka, i ma wa ọnorofan ayẹ ama ka i bi file mu ye eren nẹ ya. ²⁹ Ẹfẹna nẹnẹ bi ovia na a wa ovia ooforo ne, ama oforo oore, nene jomo a a wo ya na, ben ọyọyọ ubaka ovia ofọrọ aye oòhun onebe uba ebeben one fiye ke. ³⁰ A aka gba da yẹrẹ ki bile amo ama i ma aka gbado te ki bile amo. ³¹ Ẹfẹna nẹnẹ sa kabo ososi na forẹ ero fenyan. Efena nene wa ero eka, e ke mi ke ga ẹro eka. Ifana nẹnẹ sa kaba ọsọsi na forẹ ero feyan. ³² Epan nene e ke gba aka nẹnẹ e ke wo na aye e e sie ubedin yere epan ne, e me sisi su obe din wo na. ³³ Oro nene na yu ubedin ke na fo iduru do e ka, ikua a wa Osibina ne. ³⁴ Ubaka ẹfẹna nẹnẹ Osibina file ke na a ga Osibina Ogben ubaka Osibina ama fo orogo ma efuẹnfuẹn nẹ ya. ³⁵ Ededani ogben ẹga e mi fo epen feyan don yuuba kẹ. ³⁶ Efana nẹnẹ a a ma ogbeni wo na ṣu ero nene e e me su ota na, efena nene a a ma na ogben aka gba ẹrọ, ama Osibina iwọkekan ma yerẹ yẹ epan.