¹ Akạna ṣana ofurusun e ejemẹ di ki rẹ Ijesu din ka yẹ ẹwakati rẹ kẹ na nẹnẹ èke wo ero onẹ yọ Ededa ẹfa na akọ e sie gbe ka e ni ye ẹka nẹnẹ wo ẹro na ẹẹ̀ga, e ni be ẹga jẹn ẹrẹ ² Akana eṣu èwọ Ijudasi Isikariọti eẹ̀yẹ Isimoni Oògben, ka afọ ẹnyẹn na, ẹfẹna bi yẹ we ejijẹn na. ³ Ijesu nẹnẹ din ka ẹ̀dẹda fọ ẹpẹn fẹyanfeyao dọn àyẹ uba kẹ na, àka ka Osibina eèfa na ⁴ A kpan fura ujoguwe Ijen osi, emi fọ ya alẹgbẹ wuje wo osare oọre; ọgbona nẹnẹ e mi tie atẹgbẹ na, a bẹlẹ yi iwa iṣin ⁵ Iyu runba è guma ebi wo okpakurudu obẹn e mi tomẹ ee puwa ye egbenurunmẹka abẹ eèsen, e mina a a fo ategbe nẹnẹ a a bẹlẹ isin na mu ba. ⁶ Ogba onẹbẹ ayẹ èrẹ Isimoni Ipita efa nẹ A ga ne ya ka, Idu ù we eni ka u puwa mọ esen họn? ⁷ Ijesu gunowo e mi ga ne ya ka "Ẹkẹna nẹnẹ me e sie na ù me din akana: ama èèke ye u ọgba à à sa na. ⁸ Ipita ga nẹ ya ka, wé èke puwa mo esẹn kotutun. Ijesu guna yo owo ka "me è me puwa ọ ù me okpa ì me ẹfa ⁹ Isimoni Ipita ga nẹ ya ka, Idu ama wa me esen áye arẹ, ama aka me eba aka mẹ ẹpan bile amọ ¹⁰ Ijesu ga nẹ ya ka, Ẹfena nẹnẹ fora ke na e me ni fora ka bi puwa yẹ esẹn abẹ arẹ ama a nwom ẹ̀fa feyan: ni kuwe nwon, ama a ma wa anọ fẹnyan ¹¹ ubaka è din efena nene àka fo àye yen na, onẹbẹ ụùba awọrẹ gẹ ka, ànọ fẹyan a àma nwọn ¹² Ogba nene ẹpuwa bẹ esen ke na urunba, nene emi tie ya alẹgbe na nene é mi da ma na a ga ne ba ka, "ì ni din ekẹna nene i sie nẹ nọ naa? ¹³ Ne e ye mu otero aka Idu: ne gba ẹ ga egan i sie wa nẹ ¹⁴ E e gbe ka amẹ nene wa no Otero ẹbẹba e ki puwa abẹn eṣẹn ¹⁵ Ubaka ẹfọ omanyen wuje nẹ nọ kẹ, ka ni di ki sie kpenekpene ako nene i sie sie to nu na. ¹⁶ Egaba, Egaba àye ega nẹ nọ okotoru a ma fọrẹ yi Idu; ka ẹgan ẹfẹna bi file na ama fọrẹ ẹfẹnanẹ okurubilero nẹ wa, a a da ka ne e sie ba na. ¹⁷ Ne e din ekenenamẹ okurubilero nẹ wa, a a da ka ne e sie ba na ¹⁸ A ma wa anọ feyan ẹka ma a ga nẹ: i din ero abẹ nẹnẹ i tie na: ama ka emumu ọnwonwon edi gben ẹfena ma mọ eejijen bile na kpan yi ititikoli t̀o mu. ¹⁹ Kaba akana ẹ ga nẹ nọ sana edi ki rẹ ka ọgbona nẹnẹ eere na, ka ni di nawọ ka amẹ ya ²⁰ Ẹgaba, Egaba ayẹ ẹ ga nẹ nọ Ẹfẹna nẹnẹ a a na ẹfẹnẹfẹna i file na, na mo: ẹfẹna nẹnẹ a a na mọ na, na ẹfena nẹnẹ file mụ na. ²¹ Ọgbọna nẹnẹ Ijẹṣu ga ẹkẹnenanẹ ke na, yi ibẹ bẹ e mi sie ubedin, e mi ga ka "Egaba, Egaba, ayẹ ẹ ga nẹ nọ ka, Ọọre ì ni iwu àka fo mo nyẹn. ²² Yẹ ẹgbẹnurunmẹka abẹ bale abẹn anyẹn, bi e sie ibẹ ẹbọrọ yẹrẹ ọrọ nẹnẹ a ga na ẹẹ̀pan. ²³ Akana oro ọbẹn fọ ẹpan gbeli Ijesu ẹẹ̀gbaan, ọọreìye egbenurunmẹka abẹ iìwu ẹfẹna nẹnẹ Ijesu nẹ yẹ ẹga na ²⁴ Ọnẹbe uùbaa ayẹ Isimoni Ipita fọ ụba yẹ ẹ, e mi ga nẹ ya ka, Ga nẹ to ẹfẹna nẹnẹ a a ga na. ²⁵ Ẹfena nẹnė fọ ẹpan gbeli Ijesu eègbaan na sin ya ka, Idu era a waa? ²⁶ Onẹbẹ uùba Ijesu gunowo ka "Ayẹ àka da nẹ ẹfẹna nẹnẹ mà àka a pẹrẹ na. Ọgbona nene a apẹre ̣kẹ na, aanọ Ijudasi Isikarioti Isimoni oògbẹn ²⁷ Epẹrẹ ayẹ urunba ayẹ Esa tani fọn yi ibẹ yọ. onẹbẹ uùba Ijesu ga ne, ya ka Ẹkẹna nẹnẹ wa ayọ osisie onebe na, kuru iyi wamọ u sie ẹ. ²⁸ E me sisi ṣu ẹfẹna Òkparẹ osi nene din ẹkẹna wọrẹ nẹnẹ aa ga ọnẹ nẹ ya na. ²⁹ Ubaka ẹrọ ẹbẹn ì bi iwu roro ka, ubaka Ijudasi a dọn akpolo, ayẹ Ijesu aa ga nẹ ya ka, Nyin ẹpẹn ẹnane tẹ̀ èkẹ lo ne ejẹmẹ ayẹ; sạ ka a fọ ẹpẹn nu uyẹrirọ abẹ ³⁰ Ọgbona nẹnẹ ẹ mi na ẹpẹrẹ ayẹ ke na e vẹ yọ iganigan: eba kẹ ri ³¹ Ogobona Ijudasi vẹ yọ kẹ na, akana ayẹ bẹsẹ Òrokòro Oògben ṣma Igirimaro nẹ e èke mi sẹ Osibina sina igirimaro iyi ibẹ ³² Ba a sẹ Osibina sina igirimaro iyi ibe, Osibina èke mi si ya sina igirimaro ayẹ èbeba ibe, è eke mi se ya sina igirimaro akanakana. ³³ Anọ egbenikeke, no ọgba keke bile amọ ì e wo nẹ ẹtin. Nẹ èke ni mu kpẹnẹkpẹnẹ akọ i siẹ ga ni Ijuro abẹ na ka, Ẹfa nẹnẹ ma a yọ nẹ èke di sȧ' Ẹgan i sie ga nẹ nọ akana nẹ. ³⁴ Amẹ fọ ububuru ọwọwọ anẹ nọ ka, nẹ ni abẹ nẹ ga. ³⁵ Onẹ ọọrẹ ẹrọkọrọ èke mi din nu ka mo ọgbẹn nọrunmẹka nẹ wa, ọgbọna nẹnẹ nẹ ni nọ obawọ eèga na. ³⁶ Isimioni Ipita ga nẹ ya ka, "Idu ẹta wa ayọ a?" Ijesu guna yo owo ka, "Efena nẹnẹ ma a yọ, na wẹ èke di yẹrẹ mọ akana, ama wa àka yẹrẹ mọ ọgba a à sa na. ³⁷ Ipita ga ne ya ka, Idu ena a wẹrẹ nẹnẹ mẹ èke di yẹrẹ ọ akana a? mà àka kpẹrẹ wu uba fọ mẹ ero wujẹ. ³⁸ Ijesu guna yọ ọwọ ka "Wa àka kpẹrẹ mu uba fọ wuje họn? Egaba, egaba, ayẹ ga nẹ ọ ọ ọkọkọrikọ èke yi ẹfura ka u yuru mu isẹ ẹta."