¹ Ọgbọna eku isubu ọpọnọore nẹ ofuruṣun na, Ijesu ṣa Ẹbetani, ẹfa ne Elasarọsi nẹ Ijesu sọmapalẹṣa fura e ekporo uwuru á à ma na. ² Bẹ fa ujoguwe ijen ne ya ẹ́fa ọnẹbẹ, Emata e e rowa ijen, ama Ẹlasarosi wa ọọre ero abẹ iiwu nẹ ma bile ẹ wo ọkparẹ ẹfa na. ³ Ọgba ọnọbe Emariyi ṣa e tie afọmọ ọpọriwu ogbọro nẹ ṣe eji na,akpalaba okunmokun a a pọra Ijesu ẹsẹn, e mi fọ yẹ ẹpan ẹẹ̀pẹn e e mu yẹ esen. Ubo ayẹ mi fe nọ ọpọriwu ayẹ eèsin. ⁴ Ijudasi Isikarioti, ọọrẹ i ye egbenurunmẹka abẹ ọnẹ aka jọ ya na, ge ka, ⁵ "Ẹna a wọrẹ a nene bi i ma jọ afọmọ, ọpọriwu ọnẹ nẹ idenarii ipipeta ti mi a no uyeriro abẹ a?" ⁶ Ako esie ga ọnẹ na, eme gbe ka e ni uyeriro abẹ ẹga, ama, ubaka oyiri ayẹ áwà. Ayẹ a fọ akpolo dọn, a yi de mi ki yire fura, ikiba nẹ bi e wo amọ na. ⁷ Ijesu mi ga ka, "Ni te bi a a fọ ẹkẹna esu nẹ isubu nẹ be ke re mu na su. ⁸ Ne ke ki, su uyeriro ine tin. Ama, ná ká kẹ gba mọ isisi." ⁹ gba ọnẹbẹ Ijuro asanmasan wọ ka Ijesu wo ẹfa ọnẹbẹ, bẹ ṣa, eme gbe ka Ijesu ayẹ arẹ be ni ka be gba, bi di e ni ka be gba Ẹlasarosi nene Ijesu sọmapaleṣa e e kporo uwuru na. ¹⁰ Aṣigiri ẹpan abẹ kọ je se ka bi di wan Ẹlasarosi ¹¹ ùba a wọrẹ ijuro ọyọyọ mi yọ bẹ na Ijesu wo nẹ. ¹² Isubu nẹ yẹrẹ ya na erokore asanmasan ṣa nẹ imu ọgbọna bẹ wọ ka Ijesu a a ṣa Ijerusalẹmu na, ¹³ bẹ ṣan ẹmuẹn dọn ve je ne to ẹ, bi e yi ọ̀gá, "Osanna! ukukurubile awa nẹ ẹfẹna ṣa Idu iwuru na, Isirẹli óòbi" ¹⁴ Ijesu mi ni ẹkẹtẹkẹtẹ óògben ama yẹrẹ ya; ako bi si e wọrẹ wo ije na, ¹⁵ "uma sọn ọrọrọ, Isioni oogbẹn iyaro, bale, wọ obin a a ṣa, ama nọ́ ọ̀ eketekete óògbẹn." ¹⁶ Ama ta i ye yọ egbenurunmeka abẹ ọtọtọmẹ, ama à ọgbọna bi mi fọ ugbugbodi nẹ Ijesu na, bi mi yẹn ka bẹ wọrẹ ẹ iyọrẹ, aka ka abẹ e mi di e sie ekẹnẹnanẹ nẹ a. ¹⁷ Eroro asanmasan abe mi di a na owo ka abẹ bi wo yọ họ ọgbọna a ẹ́yè Elasarosi ve ṣa ọ́sọ na, na a sọma e palẹṣa eekporo uwuru na. ¹⁸ Ka ọne ùùba a wọrẹ nẹ apẹ ve yọ je ne to e na, ubaka bẹ wọ ka e sie obinorowofuwa ọnẹ. ¹⁹ Efarisiro abẹ mi ge i bee etin, "Balẹ, we die sie kẹnakide, ẹro a a yẹrẹ ya." ²⁰ Ọgbọnẹbẹ I girikiro ẹbẹn ba a yọ pun ímu ayẹ. ²¹ Bẹ yo Ifilipi ẹfa nẹ wo Ebetsaida ne wo Egalili ṣa na, bi mi ṣin ya, ka, "Edaro, te ni ka tẹ gba Ijesu." ²² Ifilipi yọ a gẹ ne Anduru, Anduru ayẹ mi yẹrẹ Ifilipi jen na ga ne Ijesu. ²³ Ijesu mi guna bo wo ka, "Ewakati ayẹ ṣa kabe fọ ugbugbodi ne orokoro óògbẹn. ²⁴ Ikweka, ikweka, e ga nẹ wo, é è me furaka iwiti ibire falẹ wo ije efo, e de ko jọọn egan; amáà e e fo, e de mu ilikutu ọyọyọ ²⁵ Efena ne e e ni yẹ ẹro ẹga na aka falẹ yu uba; amá à ẹfẹna nẹ e e goli yẹ ẹro na ẹro ọnẹ na aka fo ẹ su nẹ ẹro otuntunmotuntun. ²⁶ Órókóró ne sie okoto nẹ mọ na, te i ya ayẹrẹ mọ; efa ne ma a ma na ayẹ ka mo okotoro aka ma. Órókóró ne sie okoto nẹ mọ na, aye Ededa aka fọ po. ²⁷ Ena ma ka ga a? mi be bé. 'Ededa, na mọ fan fura ẹwakati ọnẹ'? Amá à nẹ ọnẹ uùba ayẹ i ya sạ ẹwakati ọnẹ. ²⁸ Ededa, fọ ugbugbodi nẹ wọ iwuru." Ọgbọnẹbẹ ohọn ọbẹn ve ṣa Osibina ẹsẹn a ga ka, "Efo ugbugbodi nẹ a ke, amẹ eke di a fo ugbugbodi nẹ yq bilamo." ²⁹ Erokoro asanmasan nẹnẹ joon bẹ wo ya na mi gẹ ka a bí ì mu. Ẹbẹn ga ka, "Angel ga ẹga nẹ a." ³⁰ Ijesu mi gu na owo ka, "Ohọn ọnẹ ama kpẹrẹ mu ba ṣa a má à nu uba a wọrẹ. ³¹ Akana a wa ọsẹnẹkarẹ ẹro ọnẹ eka: Akana ayẹ be ke gu osie ẹpan ẹro ọnẹ ve yọ. ³² Ọgbọna ba ka fọ mọ kpo fura ẹro na, me ke wuna ero fenyan to mi iwu." ³³ A ga ọnẹ ka a yẹ a a yẹn ufo ọla ọnẹ eke fo na. ³⁴ Erokoro asanmasan abi mi guna owo ka, "Te wọ uburu ka Ikristi aka ma otuntunmotuntun. Gana we ke mi sie ga ka, "Ba ka kpan orokoro óògben kpo a? Ẹra ekpoto wa. Orokoro oogbẹn ọnẹ a?" ³⁵ Ijesu mi ga nẹ ba ka, "Na a ka ke gba ọ́sò nẹ ọgba keke. Ni jenjen ọgbọna nẹ naa gba ọsọ na, esiri eme di ṣa ri nu. Ẹfẹna e jenjen esiri na e e din ẹfa nẹ a yọ na. ³⁶ Akọ ọsọ ki sie wo amọ na, nẹ ọsọ aye wọ ni di da ọsọ eègbẹn iforo. Akọ Ijesu sie ga ẹga ẹnanẹ nẹ bq ke na, emi fura je na bẹbẹ nẹ ba. ³⁷ Kẹgakẹgan ka Ijesu sie ojinorowofua i ba a ayẹn bi me ki nẹ ẹ wọ. ³⁸ Ka Asaya ọgẹsẹro ega edi ṣa ṣun, ne ewe gẹ ka: "Idu ẹra na tẹ ẹ ga wọ a, aka ẹra bẹ fo Osibina uùbapu yẹn na?" ³⁹ Ọnẹ uùba, bi me di na wọ, uuba ka Asaya di e ki ge ka, ⁴⁰ Ayi pén ba ayẹn, Ayi dib a fo bu uloko ṣile, Ama da ẹga, abọ́ọ̀ ka be fọ ba ayẹn kẹ gba bi di a fọ bu uloko ki yé, bi dibe bilá. Amẹ emi a fọ bi iwu a a gan?" ⁴¹ Asaya gabọnẹ ubqka àgbá Ijesu ugbugbodi emi di a ga ẹga yẹre ya. ⁴² Kẹgankẹgan, ẹpanro abẹ ọyọyọ na Ijesu wo; ama bẹ gbẹrẹ Ẹlasarosi abẹ uuba bi me ti ẹ owo ve ṣa, bi me di gu ba fura Isinugogu. ⁴³ Bi ni ugbugbodi nẹ ve orokoro ẹfa ṣa na fo rẹ ọnẹ ve Osibina ẹfa ṣa na. ⁴⁴ Ijesu yi ọgá a gẹ ka, "Efena a a na mọ wọ na, ama wa amẹ ayarẹ a nawo, e di a na kẹ ẹfẹna file mu na wọ, ⁴⁵ efẹna gba mọ na agba ẹfẹna file mu na. ⁴⁶ E ṣa aka ọ́sọ̀ na wo ẹro eri gan ẹfẹna ẹfẹna a a na mọ wọ na ama ma esiri. ⁴⁷ Órokoro a a wọ mẹ ẹ ẹga emé è sie utun, Ma ka ṣẹn ẹkarẹ nẹ a, uba aka i ma ṣa ke ṣẹn ẹkarẹ nẹ ẹro, ama a kẹ na ẹro fan. ⁴⁸ Ẹfẹna e e yuru mu na, nẹ ama nà mẹ ẹ ga na, su ẹfẹna aka ṣen ẹkarẹ nẹ a na. Ẹga nẹ ẹga na aka ṣen ẹkarẹ nẹ a isubu omunurun. ⁴⁹ Ubaka i ma ṣabga mi iwu ẹga, ama Ededa e file mu, Ayẹ e buru nẹ mọ ẹkẹ na ma a ka ga na. ⁵⁰ I din ka yọ uburu ẹro otuntunmotuntun ya, ọnẹbe uùba ẹkẹna ẹga anebe ako Ẹdẹda sie ga ẹga nẹ mọ na, egan mi sie a gẹ nẹ.