¹ Ni me yaka nẹ ẹyẹ ẹbẹ. Ne na Osibina wọ nẹ na ka amẹ wọ. ² Itẹ Ededa uùba ẹfa ọmẹma ọyọyọ ẹ wamo. A á ma dẹ ẹgan, è ébana ẹ ma ga ne, nọ ka, ma ayọ gụrụ ẹfa wọ nẹ jẹ. ³ Me e jem guru efa wụjẹ nẹ nọ, mè ékẹ mi pịla sa, mè éke mi fọ nọ yọ amẹ ẹbẹba ẹfa, ka efa nẹnẹ ma a ma na, ka anọ ẹ di wọ ẹfa ọnẹbẹ bile mu. ⁴ Ni din ẹfa nẹnẹ ma a yọ na, ni di ẹ din nori kpokpo ayẹ. ⁵ Etomasi ga ne ya ka, Idu, ti me din ẹfa nẹnẹ wa ayọ na, gana tè éke mi sie din orikpokpo aye a?" ⁶ Ijesu ga ne ya ka, "Amẹ a wa orikpokpo aka, ikua aka ẹrọ nẹ; mẹ sụ efena di a sa Ẹdẹda eéfa a a ma d a ka mọ ọọre na. ⁷ A a da ka i nẹ tai din mu, è ébana ni din ka tẹ Ededa. Kaba na, akana yọ na din ya, ni mi dia gba ẹ. ⁸ Ifilipi ga ne ya ka, "Idu fọ Ededa ayẹ nyẹn ton, è eke go tu". ⁹ Ijesu ga na ya ka, "Ako nene í sie ma no ma ke no, we e mi ki sie egan din mu hon, Ifilipi? Efena nene gba mọ ke na, gba Ẹdẹda kẹ. Gana ú mi sie ga ka, fọ Ẹdẹda nyẹn tọn.? ¹⁰ Ú ma namọ ka, i wo Ededa ibe, aka ka Ededa wo mi ibẹ hon? Ẹ ga nẹnẹ ẹ ga a nẹ nọ na, a ma wa amẹ, arẹ ẹka, ama Ẹdẹda nene wo mi ibe na, ayẹ e sie yu utun. ¹¹ Ne na mo wo ka iwọ Ẹdẹda iibẹ, aka ka Ededa wọ imi ibe, a á da ma de ẹgan, ne na mọ wọ ubaka utun abẹ ebeba uùba. ¹² Egaba, egaba ayẹ ẹ ga nẹ nọ, Efena nẹnẹ aá na mọ wọ na, utun nẹnẹ me ẹ sie na ayẹ ka ayẹ éke sie nẹ, ụtụn nẹnẹ wa ọkẹka fọrẹbẹnanẹ na ayẹ ka ayẹ ékẹ sie na, ubaka ẹ yọ te Eda ẹfa. ¹³ Ẹkẹnḍkẹna nè éke sie i mi ihuru na, ayẹ mè éka sie nẹ, bi di se Ẹdẹda sina igirimaro Ógben iíbẹ. ¹⁴ Ne e sin kenakide i mi ihuru, mè éke sie e. ¹⁵ Ne e ni mẹ ẹ́gạ, nà áka fo mu ububuru sie urun, ¹⁶ mè éke mi sun Ẹdẹda è éke mi va nọ ofunmibero ọbẹn e di ma nọ kẹ ma otutunmotutun - ¹⁷ Eka Ẹfuenfuen ikua ẹka ya nẹ nẹnẹ ẹrọrọ e e di a ne no, ubaka bi ma gba e, bi me die di yạ, ama, è eke di éwo ni ibẹ. ¹⁸ me èke tebi nu wuje akọ ọrọ nẹnẹ eè mẹ su ẹdẹda na, mè ékẹ ni nụ sa. ¹⁹ Nọ ọgba kẹkẹ bilẹ amọ, ẹrọ ékẹ pila gba mọ, ubaka iwo ẹrọ ka anọ éke bile mu wọ ẹrọ. ²⁰ Ísubu ọnẹbẹ ayẹ nè éke dinka, i wo tẹ Ẹdẹda ibẹ nẹ, aka anọ i mi ibẹ, aka amẹ i ni ibẹ. ²¹ Ẹfẹna nẹnẹ mi fẹ ba ee sie utun na, ayẹ a wa ẹfẹna nẹnẹ ni mẹ ẹga na, ẹfẹna nẹnẹ éke ni mẹ ẹga na, te Ẹdẹda éke ni yẹ ẹga ka amẹ ni yie ega, mè eke mi fọ mi iwu nyen ya. ²² Ijudasi ga ne ya ka, (a ma wa Isikarioti ro) "Idu, gana e sie gbe ka wà áka fọ wi iwu nyẹn to a, nẹnẹ á a ma wa nẹ ẹrọrọ a?" ²³ Ijesu gunowo e mi ga nẹ ya ka, "E e ṣu ọrọ nẹnẹ ni mẹ ẹga na, á áka fọ mẹ ẹga ki sie utun, te Ẹdẹda é ke mi ni yẹ ẹga té éke mi ni ya sa, tè eke mi fọ yẹ ẹfa sie ẹfa ọmẹma. ²⁴ Ẹfẹna nẹnẹ e e mẹ ni mẹ ega na, a àka fọ mẹ ẹga sie utun ẹ ga nẹnẹ na a wọ na a ma wa mẹ ẹka Ededa nẹnẹ file mu na ẹka. ²⁵ Ẹpẹn ẹnanẹ ẹ ga nẹ no kẹ ọgbọna nẹnẹ i a ma nọ a a ma na. ²⁶ Ama ofunmibero ayẹ Ẹfuẹnfuẹn onwonwon ẹfẹna Ẹdẹda éka file í mi ihuru na, ayẹ te nu ẹpẹn fenyan nẹnẹ i ke ga ne nọ na. ²⁷ Iwọbẹbẹrẹ ayẹ i e wuje nẹ nọ nẹ, mi iwobẹbẹrẹ i a nẹ no: a ma wa kpẹnẹkpẹnẹ akọ nẹnẹ ẹrọ de sie va oro na ayẹ í a nẹ nọ. Ni me ya ka nẹ ẹyẹ e be, ni me ya ka ọrọrẹ a sọn ya. ²⁸ Nẹ tai ki wọ akọ nẹnẹ i sie ga nẹ nọ ka, ma ayọ mè éke mi di e ni nu sa, è ébana nẹ bẹn ubaka ma ayọ Ẹdẹda eèda: ubaka te Ẹdẹda wa ọkẹka fọrẹ mọ. ²⁹ Ẹ ga nẹ nọ akana ṣana edi gbẹn, ka Ọgbọna nẹnẹ e e gbẹn kẹ na, ni di nawọ. ³⁰ ma áka ma nọ ga ẹga ọyọyọ, ubaka ẹro onẹ igodoro sa, e me ke sa, kenakide í mi ibẹ, ³¹ ama ubaka ero edi din ka í ni Ẹdẹda ẹèga, kpẹnẹkpẹnẹ ako nẹnẹ Ẹdẹda mi sie fọ ububuru nẹ mọ na, ẹgan i sie e sie ẹ nẹ, Nẹ kpan fura, nẹ jọhọn ti fura ẹkọnẹ."