¹ Ọgbọnẹ ọrọrẹ iniwu su ẹfa nabẹ, efura ayọ ẹkarẹ ọfa nẹnẹ bama wọ ọsẹrẹ ro ọnẹ ebana yọ Osibina ẹro nẹ bẹ wọ ọwọnwọn ro? ² Ume din ka Osibina yero ọwọnwọn ba ka chẹn ẹkarẹ nọ angẹli abẹ họn? Adaka na ka xhẹn nẹ ẹkarẹ nẹ ẹrọ ẹna wọrẹ ni me di guru ẹfa ikeke à a? ³ Ni me din ka ta ka chẹnẹ ẹkarẹ nọ angẹli abẹ̀ e Ẹne mi waka ni me din guru ega keke nẹ wa ẹrọnẹ ka? ⁴ Ada ka na ka chẹn akara nẹ ẹrọ nẹ ka, ẹnẹ mi wọrẹ ẹpẹn nẹ na eweka ẹna nẹ eme je gbeli iṣoṣi? ⁵ Ẹgọ nẹ nẹ nọ ẹpan nọ kwọkwọ. Eme su ẹfẹnẹ su ẹdayẹn guwe ka eguru ẹfa ọọ́da etin? ⁶ Ama ọda da fuwọ yiọ da yọ ẹkarẹ ẹfa ọnẹ ẹnanẹ a ma nawọ na! ⁷ Ikwa nẹ wa mọ na ka usu ega anika wọ ọbawọ aya yẹn ka ọfọ wi wu ba. Ena wọrẹ umefu joya nẹ kẹ na ma bọọ̀? Ena wọrẹ ume teyi bẹ wọrẹ wo je? ⁸ Ama awọ ẹbẹba de sie ọna ma rọn bilọ awọrẹ, bilọ nẹ ude siye to wọdàa! ⁹ Uwe me din ka ẹnanẹ a ma wọ ọsẹrẹ ro be ke fọmo Osibina ẹṣẹn? Bi ma wọrẹ wọ. Enanẹ wọ oniọsẹsẹ, okpun mu ujun, oni ọsẹsẹ-oforo, ẹnanẹ mabẹn esiye odudu ọrẹ, ¹⁰ eyiri, ọkẹnẹpẹn, ọwọadẹ, oborofuwa, aka ẹdayẹn wọrẹ kaboro ọyẹrẹ na ka fọn Osibina ẹṣẹn. ¹¹ Ekena nẹ bẹn tayẹ wa. Ama bi puwa nọ, bi tie nobo, bi me pila chẹn we be Ijisọs Ẹkraist Idu bilọ ẹfuwẹnfuwẹn nẹ wabtọ Osibina. ¹² "Ẹpen fẹnya awọ obuburu nẹ mọ," ama ẹpẹn fẹyan eme su ẹkẹrẹ "Ẹpẹn feyan su obuburu nẹ mo," ama me ke ya ka kọrọre afọrẹ mọ. ¹³ "Ijen nọ epuru, kọ epuru nọ ijen" ama Osibina aka mon ba fura ọrẹ Bi me siye iwu nọ ẹkė̇na ama bowọ̀ọ̀. Kẹgan, iwu wa nọ Idu bilo mọ. Idu aka kẹ vọ uwipe ẹka. ¹⁴ Osibina bile pan Idu aka bile pan tọ fura iyọ yi iwogbẹn. ¹⁵ Udin ka wiwu awọ Ẹkraist eka? Imeke tiye uwipe ayẹ iye bile ọtamarakọ? Egba dọ dẹgan. ¹⁶ Ume me din ẹfẹna fuwa yi wi bilọ ọtamarakọ bi ṣin na iwu ọyẹrẹ? Akọnẹ emumu ọwọnwọn se ga na, "Abe ẹhọrẹ ṣina uwipe ọyẹrẹ." ¹⁷ Ẹfẹnẹ bilo Idu bi ṣina ẹfuwẹnwẹn oyirẹ. ¹⁹ Ume me din ka wọ uwipe wọ Efuwẹnfuwẹn Ọwọnwọn ẹẹ̀ tẹmpulu, nẹnẹ wo wi wu na, ne ni su furo Osibina? Ume me din ka awọ ume bi wi wu? ²⁰ Ibi yin wu bile ẹpẹn onu uba, fu uyeyi no Osibina akọ uwipe bilo ẹfunwẹnfunwẹn newọ Osibina ẹka.