¹ Akana yẹrẹ ekẹnẹ nẹ wora ikokori no: "Arọnmuro ka oforo ama dẹyẹ iyaro." ² Ubaka nọ ọmabalẹ uwipe, ororo esu yoro, kọ iyaro esu yọ oforo. ³ Ọnẹ wọ oforo esiye yọ utun ọna ke ma yoro siye, yoro kayẹ e siye ro yọ oforo ake ese bọwọ na. ⁴ Ama wọ oro esu uburu yiwu, yọ oforo esu. Ọorẹ ọrẹ oforo kayi mebsu uburu ne yọ uwipe, yọ oóro esu. ⁵ Ni me yuru nabẹ, efuraka na abẹn nẹ ogba keke. Siye onẹ ni di su ọgba na adura. Ni pila ṣa bile, ni me yaka Esu amanọbale ubaka ni me di sẹ ni iwu. ⁶ Ama ẹga ẹgẹ ẹna nẹ pẹrẹ nọ ama wo uburu. ⁷ A baramọ ka ero feyan a daka ame. Ama ororo su yọ ose furọ Osibina ẹfa. Ọbẹn su ese ọnẹ ọbẹn su ese òobo. ⁸ Nọ ẹfẹne su oro ako ìkukuro ẹga ka arọmuro be di siye aka amẹ siye wa ne me su òoro. ⁹ Be me di fiwu nẹ bi su oòro. Akese nẹba ka bi su fọrẹ ka uwipe eki gulaba. ¹⁰ No ẹnanẹ su oro ayẹ fọ uburu ọnẹ ama wayẹ, amado Idu oro eme yuru nẹ yọ oforo. ¹¹ (ama eyuru yo foro, ama ẹfa nẹ me su oforo tabi ebila guru neya yọ oforo), aka oforo eme yuru yọ oro. ¹² No obuba ẹga - Aya, ama wọ Idu - esu ẹfẹna su oro nẹnẹ ama na wọ, a rọn ya yẹn ka ama, eme yiru ya. ¹³ Esu oro nẹnẹ su oforo na ma nawọ na, a barẹ yi wu ka bẹ ma eme yuru ya. ¹⁴ Nọ oforo nama nawo bi tiẹ obe iyo oro uba, aka oro na ma nawọ bi tie kayẹ obo iyọ oforo uba. Ama dẹgan niegbẹn na bẹ bi ma wọn, ama ikwa bi tiye ba obo. ¹⁵ Ama ẹfẹna ama na nọ ayọ, teyi ayọ. Ega ọlọnẹ, oda oforo akọ iyaro bi ma parẹ ba nọ ọpẹn nẹ bẹ ba. Osibina ye ka ti wo ọbẹriwu. ¹⁶ Ubaka wu me din, iyaro, kada awaka na wọ oforo fan? Gana usebdin kada waka na wọ oro fan? ¹⁷ Akọn aka Idu ya no ororo yẹ ka, teyi ororo ejen akọnẹ Osibina se yẹ na. Ọnẹ wa ma ba e ṣọṣi fẹyan. ¹⁸ Esu ẹfẹna bi fuwese ọgbọ na bi ye ka nawọ? Ama yẹn aka bi me fuwese ẹ̀ ẹ. Esu ẹfẹ na be me fuwese ọgbọ na bi ye nẹ onawọ? Bi me fuwese ya. ¹⁹ Ama wa o fuwese bi me fuwese a yẹ a wa yẹ Ẹkẹnẹ wa yẹ a wọtọn nọ ububuru Osibina ẹka. ²⁰ Orow e jọnwọn wọ oyiye na ta yẹ ma ọgbọna Osibina ye ṣa na edin na wọ. ²¹ Ọvan ayẹ ọwa ọgbọ na Osibina ye wu na? Uma fọkan pila wa mọ. Ama we ṣin ọna, fan, sẹ ya don. ²² Nọ ẹfẹna Idu ye aka ọvan aya wa Idu onafan. Bilọ ọvọ nẹ, ẹfẹnẹ ama wọ ọvan wọ ọgba na bi yẹ ka anawọ wọ Ẹkraist ovan. ²³ Biyin wu akọ ẹpẹn ume ṣinọ ọvan nẹ orokoro. ²⁴ Tọ daà ekena kena eto wu no ma ṣa na bi ye wu na, e wa mọ bilo Osibina. ²⁵ Akana nọ iyegbẹn, ime su uburu furo Osibina. Ama imibe opin akọ ẹfẹna gba Idu eyi, nẹ wọ ofayẹn da. ²⁶ Onẹ bẹ, iroro odudu nẹ wẹ rẹn, arọn ka oforo ama aka e siye wa. ²⁷ Ibẹ parawọ sọ oworo? Ume ni oruru wa. Adaka ọfan furọ owore, une ni oworo. ²⁸ Ama adaka usu owowo, ume luwe, ama, oyegben esu oforo, eme luwe. Ama enanẹ eke siyẹ be ke su ẹyankata uwupe ọrẹ, ama me ni ka ẹpẹrẹ wọ furọ nẹ. ²⁹ Ama ẹgọ nẹ, tọ da bẹ: ọgba kere. Wọ ọgbọnẹ yọ, ẹna nẹ su iworo bẹ ma aka bi me suù. ³⁰ Enanẹ eyi wo bi siye akọ bime yi wo, ena na bẹn bi siye aka ẹnanẹ ẹyin bi siye ka bi me su kanakide, ³¹ akọ ẹnanẹ lo ẹrọnẹ bi siye aka hi me luwẹ fe. Ẹrọ nẹ akọnẹ ese wa na eke re ọsẹpan. ³² Me ke ni ka ọfan furọ ibobi be. Ẹfẹne eme su oworo ewa mọ ọrẹ ne wọ Idu akonẹ aka rọnya na. ³³ Ama ẹfẹnẹ ni su eworo ẹpẹn ẹrọ nẹka bi le aka eke se kẹ barẹ yọ oworo. Esu oruwa. Nẹ ³⁴ iyaro akọ oyegbẹn a fọ yọ osisie wọ Idu ẹpẹn, akọ nẹnẹ eke se tiye yiwu obo iwupe bile ẹfuwẹnfuwẹn. Ama iyaro nẹ sofori afọ yọ osi siye wọ ẹpẹn ẹrọ nẹka, akọnẹ aka fọ yoforo ibe rọn. ³⁵ Ẹgẹ ọnẹ nẹ wa anfani, ime fọ ẹpẹn ṣile wu. Ẹgẹ ọnẹ nẹ ẹkana bọwọ, idi fọwọ osisiye nọ. Idu ne me jumọrẹ. ³⁶ Ama esu ẹnẹnẹ roroka ayi me siye to yọ oyegben akọ ese bọwọ - eṣu oforo osusu ọgba ese webka ẹgan ya nẹ - esiye ẹkẹnẹ eni eme luwe. Bi su abẹn. ³⁷ Ama, adaka ejowon iyọ uloko, eme woboṣiṣile ama edisẹ yiwu, agẹ wiyẹ uloko kabaye siye ọnẹ, afọ yọ oyegben su, eke si kẹsẹ. ³⁸ Ọnẹ fọ yọ ọyegben su oforo esiye, ọnẹ tiye ka ayẹ me soforo ekesi siye ọnẹ kẹsẹ. ³⁹ Oworo jebile yọ oforo ake si wẹrọ. Ama à yọ oforo efo, ọrẹ wa mọ nẹ ya ka epile su oforo ọbẹn abarẹ ya, ama Idu ọrẹ. ⁴⁰ Ama imọ ọṣẹn ṣẹn eke su ẹbẹn ama aka esi tayẹ wa na. Iroro ka esu Ẹfuwẹnfuwẹn Osibina ẹka.