¹ Tẹwọ ẹga ka esu onọsẹsẹ inetin, osisiye odudu ọnẹ nẹ gbe ka siye diya wọ ya ikuwe ro etin: ka oro a ma amabuwe gbagba weda oòro. ² Ne funná po! Ama bọwọ ka ni wo ibobibe fuwa onuba, ko ẹfẹna siye ẹpẹn no dudu ọnẹ bi fuwẹ fura inetin? ³ Eboso siye ka ime wu netin iwupe ọrẹ, iwamọ ẹfuwẹnfuwẹn. Amẹ chẹn ẹkarẹ nẹ ẹfẹnẹ siye ọnẹ akọ ẹfẹna wẹ ẹfẹnẹbẹ. ⁴ Ọgbọnẹ ne Ijisọs Idu iwuru we ẹfẹna bẹ ẹfuwẹnfuwẹn ọrẹ akọ iwogben Iju Ijisọs wẹ ẹfẹnẹbẹ, ⁵ forayẹ ne Eṣu edi fuya uwipe, yẹ efuwẹnfuwẹn edi su onaàfan Idu isubu. ⁶ No owo ọrọnrọnama rọnmuro. Umedin ka ẹwọ keke ede be ẹpasẹ ẹwọ fẹyan? ⁷ Puwa ni wu furọ ẹwọ osusu udin ṣinọ owowo akọnẹnẹ ese buwọ ka ọda. Tọ Ẹkraist nẹwa ududo nẹ ṣun yọ na, biye siye iyanpun nẹ tọ. Jọmọ ti je yi mu, ema wo bile ẹwọ osunsun, ẹwọ osisiye odudu. kaka ọnẹ bẹ ti je imuù ama bile ewọ ẹpasẹ ikwa bile ikwa ⁸ oboro. ⁹ Ẹwọrẹ imọ ikokori ni me jebile oni ọsẹsẹro. ¹⁰ Ima gẹ ọrẹ erokoro odudu ẹrọ ọnẹ ka, bilo osayẹn ro, aworẹ je, ka ni mo bọ rẹ, we ke yọ ẹrọ ṣun. ¹¹ Ama akanẹ ẹwọrọnẹ ka umejebile ẹfẹnẹ be yiọ oda onọsẹsẹ, bile ẹfẹnẹ sanyẹn, bilebujun okpun, agọ ẹlabọ owo, ọwọ adẹ, awọrẹ ro. Uma moro ọlọnẹbẹ jijen. ¹² Gana ame ke suba wọ chẹnẹkara no ẹnanẹ wọ yẹn eè iṣọṣi? ¹³ Ama Osibina chẹn nẹ ẹkara nẹ ẹnanẹ wọ yẹn. "Tiyọ orokoro odudu ọnẹbẹ furọ inetin."