¹ Nə manɨngɓəng, kristi chue yiɓei tangsa juasə, a mua kuma ɓei irəukə, yivənəha chue yiɓei tangsa sə, u yila sə nɨng aɓei. ² Manɨngɓəng, yivə ɓə, tangsa niu kurə voha tangsa juasə, deu kukurə akulou, ɲkurə və Fih vdəu kurə. ³ Vi a kparə pai, nə ɓa chue kə nɨngnə lei yuavah də yiɗi bə chuerənə-bə lilarə, bə yiɗi nɨng fangwam, bə nwamim, bə nabivai, ɓai bə chue yua. ⁴ Dei kem ɓaman nɨng chue səɓi, nəɓala bə kwahaku ɓaleika səbə chuenɨngni deichuerənə, dei nabi aɓei kuɓai. ⁵ Aində nɨngnə dechuerənə kə yivənə wun chue kita kə leivə hunrə ɓalei vənə ɓuinə. ⁶ Bisa nɨngnə, bivə Fih ainakə leivə nəla ɓuinə , ai rəga aichue lei kita tangsa juasə yang. Ainku ɓaman Fih tangsa kwang. ⁷ Bə ainikunə kpəmha bapping, manɨngɓəng, ɓi ba'nyi ɓi səFih, ɓiyiu səbə kembi bisə bə gu Fih. ⁸ Ku niu nɨng ha, ɓa yiɗiha, bisa bə yiɗiha lamku nɨngaɓein. ⁹ Ɓa valiha biɓa nakəbinka. ¹⁰ Yivənəha tangsa ɓai chi afam yang, u də kəlevakala, ɓa chue ɓa dəkə lehyuiha,Ɓa chue nɨng agangnə,kə chi nɨng afam səFih. ¹¹ Yivənəha də nabi, u na ɓaman yivənə dəbi Fih nə. Yivənə də dəgarẹnə, barə wusə samɓei nə Fih dəkənə. A chue nɨngnə, yang deu kə inFih chi garə, tangsa Yeso kristi. tangsəu Yeso kristi garə ɓei samɓei susueni ɓai niu təngku ɗjin. ¹² Leihyui, biɓa ɓaɓaman nɨng afu, bə bangbənə tanbsa ɗua chuesəɓai ni, ɓaman nɨng aka kafu də yiɗi bə chue səɓai. ¹³ Nə manɨngɓəng, na;uhn ɓa likə bə chue yiɓei və kriisti, ɓa gɓaing, yang ka gɓaing tangsa bə lilbarə tangsa nɨng agangvo. ¹⁴ Nə ai dei ɓei eym tangsa in kristing, yang man chi barkan chi, bisa kwang nɨngagang ɓei kwang və Fih də hun kuɓai. ¹⁵ Bi yivakaɓa chueyiɓai man lei hyabənka, lei nɨng inɨng,lei və chue nɨng aɓei, ɓaleivə fəmbə. ¹⁶ Yivənəha chueyiɓei man lei kristan, bi yivəɓə chue səkunka, yivəɓə də garə kə Fih ɓai inɓə. ¹⁷ Bisa vi bə chue kita wuyang, ai baniu ɓaləvə və Fih, nə ai baniu ɓai ɓikən, ɲɓatsin leivənə də garə kə bivə fih'u nə ai chirə?. ¹⁸ Yang:Leivə nɨng agang zhi wane ai yuang leirə. Leivanə ai yaung ɓai Fih kə nyi-nyi leunə ɓaleivə nɨng aɓein chuerə?. ¹⁹ Manɨngɓəng leivənə chue yiɓei bisa Fih ain chi hunrə chi tangsa nɨng agang vai.