¹ Dimin naɓala,ɓalei vangah nə tangsa ɓai ni, mi, kə hyuiɓa yivangahnə lanɓə. Nilanɓə ming yivə nabi ku yiɓei nə kristi chue nə ɓei yivənə lan tangsa nəngang ni ai ikə ɓuaniu nə. ² Manɨngɓəng, dimin naɓala, lei vangah, ɓa mua lei garke və Fih tangsa ɓai ni. .Ɓa ɓalei hinla, bisa deule ɓanchue kərəlou, bisa dəɓa yiɗi, tangsa nɨng chue nɨng və Fih. Ɓan chue ɓai bə yiɗi nwaɓi lou, ɓei bəku. ³ Bi ɓa chue ɓaman ɓanlei yichuevah kulei vəni ɓuani ɓainingka, ma mem kə yivə nə ain ninsə nɨng səmai. ⁴ Yang vinəla yivanga gɓaing lei nɨngjam nə wun, man mua bəkurə agang nə ba kuinə. ⁵ Tangsa nɨnga yitsing, ɓalei ɓui hang, ɓa dəgarə kə lei nyiɓui, ɓa kpəmha, bi ɓa də kuɓanka ɓa də garəkəha. Bisa FIh yiɗi yivə ɗəkulou, nɨngɓəu də nɨng agang kə yivə ɗəku waunə. ⁶ Manɨngɓəng, a də kuma kə Fih yivangah kana, yang un ɗaye tangsa vi yemrə. ⁷ Aji larəmaha səu, bisa dəu valima. ⁸ A kuhinla, a ɓa, vi ma aka, mungkulum, də ho buɓai ɓaman hua nə də ɓabə nɨngtan nə, dəu ɓabə yivənəu un mua tangrənə. ⁹ A eiji hinla, tangsa nɨng agang ma. A ibə, niu leivənəha vahɓai fangwam dei dən munya ɓei irə yiɓei ɓə. ¹⁰ Nɨng na chue yiɓei tangsa vi tuaning, Fih nə də dənɨng agang nə, wun ɗubuma un takə vavou nə nɨng agang təunə tangsa in kriasti, u ma hinla, u chue hinla, un da samɓeiha. ¹¹ U kə kunɨngha dəkə susueni aikə tənrəu. ¹² Ɲjam Silvanus hyuim yivə nɨng agang, ɲvi ɓalan tuani kasəu. Dimin naɓala, ɓa ɓeimkə ɓan nanɨngnə ɲviɓalanə biagang sə Fih. Ɓa ɗji tangsəu. ¹³ Yihei nə tangsa Babilon ni, u nə ai ciu tangsa ɓaini, du ɗjam ɓarə, lanɓə markus, yim,ɗjamɓan. ¹⁴ Ɓa ɗjamhaha, ɓei bə ɗjambə yiɗi bə. Ta'nh və Fih ji ɓei ɓakə tangsa in kristi.