¹ Nɨngani, ɓalei heinə ɓa javahnə ɓa dəkuɓa kəleiɓuɓa. Ɓa chue ni, yang leiɓuio anə yaung ɓai biFih nyi-nyi leini, səlei ɓiɓi ko fə aiyaung ɓai biFih ta wurə lei heilei. ² Bisə aiɓa hakilo agang ɓai bə də garə səlei heilei. ³ Ɓa chue səlei nɨng a ɓarə ɓaifani, ko jamku a hinrə, nɨng a hiumrə, ɓai nɨng yanɨng a hinrə. ⁴ Ai ɓa tangsa nyi-nyi agang ɓai, hinrə hakilo, ɓai garangrang aɓum, bisə hinhiu chi Fih. ⁵ Bisa leihei nə garangrang nə ai mua kulei, sə Fih, ɓai bə dəkulei kəle ɓulei. ⁶ Lan tangsa nɨnga nə,nəɓə Saratu də dəgarə kə ɓu Ibrahim,nɨngɓə dəu ɗukə Fihrə. Ɓan leihyiu nəɓa chue nɨng agang nə ɓiɓi nɨng aɓai yaung. ⁷ Nɨnga yitsing, ɓalei ɓui ɓa kuɓale heiɓa tangsa bə ganəkəhala, ɓaleihei nə aila ɓai bə garənə, ɓa dəlei garə man niu lei vanə tangsa hunrə ni dəɓa nə. Ɓa chue nɨngnə yang bə gu Fih ɓa ba jihuawau. ⁸ Tuasəu, ɓa hakpəm, ɓaɗji bə yiɗi bə yuaɓai, ɓeibə ɓa bəbazhi və yivə, yiɗi bə man leihyui səɓai, nyi-nyi agang ɓai bə wukə ku hyua. ⁹ Bi ɓa fanɨng aɓei ɓei nɨng aɓeinka, ko eym ɓei eymɨngka. Nə manɨngɓəng ɓa, də agang kə leivə, bisa nɨngnə ai ɗukəbu ɓa bisəu, kəɓa chi nɨng agang. ¹⁰ Yivənə də yiɗi hunrəu, ɓai u ɓa vi abəgang yang,u mua liem mu səleivə nɨng aɓei, ɓei juanwau səbə fəmbə. ¹¹ Biu chue nɨngnə kə aɓein ka, u ji nyi sə nɨng abəgang. U ɓabə kurə larə, u taɓeukə. ¹² NɨngFih dəɓa yivə nɨng agang, ɓuacui də li bə guɓə vai. Puachi Fih də buachi ɓaleivə nɨng aɓei. ¹³ Nwacin kə yivənə, nɓanɓakərə, nə dəman yiɗi nɨngnə kə agangnə?. ¹⁴ Nə ɓa chue yiɓai bi nɨng agang, man chi barkan chi, bi ɓa ɓiɓi nɨngnə de ɓiɓi nɨng ka. Biɓa chi damuwanka. ¹⁵ Ɓa ɗji Fih kristi nyi-nyi ɓai ɓaman garangrang, a kuɓai nyi a nə leivəla bə ji tsa ma səFih. A chue ɓai nyi hinla ɓai bə garə. ¹⁶ A chue nyi-nyi abəgang, yang kə leivə də daiɓa ɓai eym kunɨng agang ɓa tangsa kristi, yang kə səku chuelei, bisə dai nanɨng aɓei kuɓai ɓama ɓan leivə nɨng aɓei. ¹⁷ Hin-hiu, nə Fih də yiɗi, ɓa chue yiɓei tangsa nɨng agang, pai nɨng aɓein. ¹⁸ Kristi chue yiɓei butsing bi nɨnng aɓei. Yivənə la ɓei nɨngagangnə u chue yiɓei u chue yiɓei biɓi, leivə nə yaung ɓai nɨngagang nə, yang deu kə ai wu ɓikə sə Fih. U ɓui tangsa juasə, amma u i tangsa kwang. ¹⁹ Tangsa kwang, u ta du nabiFih kə leivənəla busina nə. ²⁰ Ai la bə garə, tangsa munya və Fih vi Nuhu, vi nə Fih nakə Nuhu na u makə fua nə, nənɓə Fih yuang leivə tuani -hunrə kəyankanyan-tangsa mɨng. ²¹ Nɨngnə kə alama bə huemɨng nə yuang a n susuenə- yaung ɓaman bə lo ɓisə juasə, u la ɓaman bə chue nɨng agang bə yiɗi və Fih-tangsa bə irə və Yeso kristi ɓua. ²² Kristi lan nanali və Fih. U ta ɗuiye. Lei malaika, samɓei, ɓai tsarə daule ai dəkən u.