¹ Nə manɨngɓeng, ɓiyila sə keta, ɓai bə gbavom ɓai chue jahei,ɓai bə gahni. ² Kə nme muanə ai chilei kə funə tangsa ɓi, ai dəlei mɨngmi a garə, yan tangseu ɓan ga ɓai bə yuang bə. ³ Ɓa ibən, ɓa ni Fih hinwane. ⁴ Ɓa wusəu ɓalai və hunrə nə leivə laɓanə, ɓa Fih chi ɓa, ɓa mem kə leiva bəgang səu. ⁵ Ɓa ku ɓaman lei tai a hunrə, ai mi ɓa, ɓa mem kə vah garə, yang deu kə ɓa mem leivə garangrang nə Fih gwa ɓarə nə tangsa Yeso kristi. ⁶ Bivə Fih nanɨngnə: "A ɓa, dimin lue Zion kunwa tainə ai zaɓa mem kə agang". Yivənəha baniu səuyang, uh ba uh li səku wau. ⁷ Bə dəgarə aɓa leivənə də banyilei səunə, tainə leivə nɨngminɨng lanə, nɨngɓə mem kə tai bə gang. ⁸ Ɓai, " tai gɓabu". ⁹ Ɓan leivənə ai chinə, lei yivah, leivə hua a garangrang, leivənəng a və Fih nə, yang deu kəɓa nabi nɨng ɓisənə və yivənə ɗubuɓa tangsa bəjhi, nɨng agang voh. ¹⁰ Vəɓi ɓan leivə vəFihlou, susueni, ɓan leivə və Fih. Ɓa mua nɨng aganglou, susuenə ɓa mua nəng agang yang. ¹¹ Leihyui,ɲɗubuɓa man lei ɗuwai ɓai nɨng chue səɓinə kəɓa yila səbə yiɗinɨng a juasə. Nə mem kə ɓui tangsa hunrə ɓa. ¹² Ɓa chue nɨng abəgang tangsa lei yuavah, yang deu kə, nein nabi kuɓai kə leivə nɨng aɓai, wenchi ɓakə leivə chue agang ɓai leivə də garə kə Fih vi wurə vou. ¹³ Ɓa də garə kə leivənə ɓai sambeinə bisi in Fih, ɓa dəgarə kə lei yivah, bisa lein le vanga. ¹⁴ Ɓalei gwamnanə, ai tsum lei wai bea leivə nɨng aɓai yang də garə kə leivə chue agng. ¹⁵ Nɨngnə Fih chue, tangsa bə chue agang ɓa, ɓala binarə vaivə huairə. ¹⁶ Kə leivə və Fih, bi ɓa chue nwatsum ɓai yanchiɓa ɓalam kə kuleivə nyi-nyi aɓainka. Ɓa mem ɓaman lei mongsem və Fih. ¹⁷ A də garə kə leivəha, yiɗi lei hyui ɓa, ɓa ɓiɓi Fih. Ɓa də garə kə yivah. ¹⁸ Lei mongsem, ɓadə kuɓa kə lei yichue vahɓa, ɓai garə, ɓadə kuɓa ɓuasəu kə bigang ɓai yichue vah vai yuavahlou, ɓalei ɓi nyi-nyiha. ¹⁹ Hin wane, yivənə dəmunya tangsa yiɓai, nə dəu chuejyiɓai bisa ibə bi Fih lou. ²⁰ Ɲɓatsin a chi, na chue nɨng aɓai nɨngɓa ɗəmunya wei bua?. Amma na chue nɨng agang nəngɓə chue yiɓai nɨngɓə wei bua, nɨng kə bə də garə kə Fih. ²¹ Bisi nɨngnə nəɓa ɗukə buma, kristi lanɓə chueyiɓai biman, u mem kə nɨngnə ɓan ninala səu yang. ²² U chue nɨng aɓailou, ai chi bə fəm nwabə səulou. ²³ Aii deu ɓai eym, u dailelalou, u chue yiɓai, u ramalou, u də səu kə yivənə də chue kita. ²⁴ U ɓainaukə, u də nɨng aɓai ɓi u takə kuka, deukə ai ba chiɓi ɓai nɨng aɓainka, yang deu kə ku tangsa nɨng agang. Tangsa nɨngɗua nəu chi juasəu ni, nɨngɓə yuang ɓa. ²⁵ Ɓanəha, dəɓa pai man lei nɨng bungamnə lanə, susuenə ɓa faɓa wung sə yichueɓa ɓai yivənə də yuang hunrə ɓa.