¹ Ejayena ọ da kin ẹghe ne ẹbho re fiokin nẹga Ijesu a kale ehọ ẹbhọnlẹn osẹnobula, bhe egbẹle. ² Ọ da daghe okọ eva bhe egbẹdẹ.Ene gbe ehẹn sibhọ re a kpe eberẹ gbe ehẹn. ³ Ijesu da na bhu okọ ukpọkpa, nọ a giọ ọsi Isamọn. Ọ dalo khere na bhẹ ẹkẹ ẹdẹ, ọ da dotua bhẹ ẹkẹ ọnokọ. ⁴ Ẹghe nọ kẹrẹ talọfo, ọ da tamanlẹn, nọ siọ ọno okọ diọ bho odalo bhe eja amẹn ye u a mue ọhua nu uwẹ rẹ gehẹn fio bhẹdẹ nu gbehẹn. ⁵ Isamọn waniẹn ọ da tale, ebianlẹn, iman wana nẹ ẹdẹwe iman bha mie ebhin soso, ọkpanọn be nu uwẹ tale, imẹn de muọn ọno ukhua fio bhẹ ẹdẹ. ⁶ Ẹghe ne rẹ luọ ọna, ele da gbe ehẹn nọ bunbun, okhua nọ sele da a nianọ a. ⁷ Ẹ da tie eni ibuele ne a ribho okọ nọ kẹle ne dọ re kpa ele, e da vale buele re ọno okọ da vuọn e da a gberuẹ. ⁸ Ọkpanọn, Isamọn Ipita, ẹghe nọ kirẹ daghọ ọna, ọ da de ọ bhin iguẹ ni Ijesu, tale, sibhe e jin imẹn yere, ọ lue ebhie ebe imẹn khin, ebianlẹn. ⁹ Ọ da han le ilo, ene a ribhe eni rebhe, ehẹn nọle gbe. ¹⁰ Ijọni bi Ijamisi imọn nọ si Izebidi da yẹ a ribhẹn, ne de ba Isamọn a wẹna, Ijesu da tama Isamọn e jiọ ofẹn muẹn, ranmude rẹ ne ejayena rẹ akhian ebho uwẹ kinda a ghe ọ yẹ ye ehẹn. ¹¹ Ẹghe nele kirẹ sua ọno okọ su ukotọ e da ze ebhin rebhe obọ rẹkhanlẹn. ¹² Ọ da sẹ ẹghe nọle rẹ a ribhẹ ẹbho ọkpa, okpẹa nọ a khanbhin ibhe da a ribheni, ẹghe nọle kirẹ daghin Ijesu, ọ da diguẹ ghore nalẹn bhiọle, tamanlẹn, ebianlẹn, amiẹn uwẹ ho nu uwẹ rẹ'gbe dan bhẹn, uwẹ de sabọ bhin. ¹³ Eni Ijesu da niẹn obọ a rẹ suọle, tale, i hoh bhẹn nọ egbe danlẹn, ẹjẹje ni ọni ibhele da siọle bhe egbere. ¹⁴ Ọ da mama tamanlẹn nọ ẹ tama ọria soso ọkpanọn ọ da tamanlẹn nọ a bue eno ohẹn ọ a re egbe nọ sọle ma ele, ọ a nenele ebi Imozisi gbẹn ọ bho otọ na a nenele ọ sosẹi rejele. ¹⁵ Ọkpanọn, ẹbhọnlẹn da ni ijere bhe, usiẹn a agbọn nebunbun da vale nẹgale dọ re ehọ bhe ebọ a ata bi nọle egbe dan ene khọnbhọn. ¹⁶ Ọkpanọn ọ da sie egbe sibhe enire jio bha otọ dọ ọ ne orọnmọn. ¹⁷ Ọ da dọ gbera ẹghe ọ ọkpa ọ da a ma ebhin, eni Ifarisi bi enema ẹbho uhin da dọ tua ne ni ejekikẹ vale Igalili, bi Ijudia neni Ijerusalẹm vale. Ahu nọ so osẹnobulua da a nọle nọ rẹ re egbe dan. ¹⁸ Ọnẹ ẹghe na, ebho eso da re ewa muọn ọria nọ sabọ khian, e da guanu uwedẹ ne arẹ muọnlẹn fiọ bhin ejin Ijesu. ¹⁹ Ele bha mi uwedẹ ne rẹ muọnlẹn na bhẹ ẹkọ uwa ranmude enu usiẹn agbọn, e da hẹn ukokhu uwa da urin bhọ ọne ewale, bhẹ ẹwẹ enẹ ẹbho o da lui Ijesu. ²⁰ Ọ da ghin urẹbhọ nọ sele, Ijesu da tale, okpẹa, a re ebhie ẹbẹ nos huma ẹn. ²¹ Ene gbe ebe bi eni Ifarisis da gbu ugan bhọ ọna, yiọle, ọ ke khona nọ ru unu jiọ osẹnobulua? ọ a sabọ re ebhe huma gbera osẹnobulua ²² Ọkpanọn, Ijesu da lẹn bhọ ọkhọ nọ sọle e bele aria bhọ ọkhọ, ọ da waniẹn tama ele, bezẹle ni bha ria ọna bhọ ọkhọle. ²³ Ọ ne lẹkhẹ nẹ na rẹ ta, a re ebhi ebe huma en ọ kpanọ uwẹ a khian? ²⁴ Ọkpanọn be nu uwẹ da lẹn ghe ọmọn no sọ okpẹa bhan ahu nọ a rẹ re ebhi ebe huma, ọ da tama okpẹa kpanọ re ewa nọ sẹ akhiu uwa. ²⁵ Ẹjẹje ọ da kpanọ bhi isiria erebhe re ewa nọ sọle nọ ele rẹ arẹ nowẹ, ọ da a khiu uwa, khuẹn bho osẹnobulua khian. ²⁶ Ẹghe da wọ ẹbho rebhe, e da a gẹn osẹnobulua, ofẹn da a muele, tale iman mie ebhin ọhan ilo ẹlẹ na. ²⁷ Ẹghe ne ena kirẹ su unu fo, Ijesu da sibhe eni re ọ da ghio ọ nọ mia igho uhunhun, na a fioli Ilẹva do fua bhe ejie ele dia. Ọ da tamanlẹn rẹkhan mẹn. ²⁸ Eni Ilẹva da kpanọ, ọ da rẹkhan lẹn, ze bhi re bhe bọ. ²⁹ Ọnẹ ẹghe Ilẹva da nie eba bhu uwa le ni Ijesu. Ene niẹn igho uhunhun ne bu bi ebho ebhebhe da ye a ri bhe eni da ba le do tua ale ebale. ³⁰ Eni Ifarisis bi enegbe ebe da a guẹzọ ma enidibo, tale, be zẹle ni bha da de ba ene miẹn igho uhunhun bi elue bhe ebe le'ba. ³¹ Ijesu da waniẹn ele, ebho ne egbe da en guani ọboh eboh, ene khọn bhọn okpa. ³² Imẹn bha vae ni imẹn dọ ne ene khiale kpanọ, ọkpanọn ne elu e ekhie ebe fiọ ọbhọ denọ. ³³ Eda tamanlẹn enidibo nọ si Ijọni fẹkẹ ohan mẹn bi ne rọnmọn, enidibo nọ si Ifarisis gẹ fẹkẹ ohan mẹn ne ẹrọnmọn, ọkpanọn enidibo nọ sẹ ele aba mu a meọn. ³⁴ Ijesu da tama ele, bha de sabọ yẹ ene nie aba nọ ọnọn re okhuo a feke ohan mẹn, aki miẹn ọnọ re okhuo sẹyẹ ri bhe ni? ³⁵ Ọkpanọn, ọnẹ ẹghe da vae ne ebianlẹn a rẹ si bhe ejele ye re, ọnẹ ẹghe ni e ki a fẹkẹ ohan mẹn ne erọnmọn. ³⁶ Ẹghe ni Ijesu da ri itan nele talọ. "Ọria ribhọ nọ a vinu ukpuọn ọsọgbọn rẹ dọni ọsobhu ukpuọn, ọ a lui riọ, ọ ki vinọ ọnu ukpuọn ọsọgbọn an, ọnu ukpuọn ọsọgbọn da mai ọnọ orie i. ³⁷ Ọria ribhọ nọ a saniọn ọsọgbọn bhu uko orie, ọ a lui iriọ, ọ na niọn ọsọgbọn ki gbọ ọnu uko a, ọna aniọn ki bi riọ khua onu uko ki vanọ kua. ³⁸ Ọkpanọn aniọn ọsọgbọn a ki salọ bhi uko osogbọn. ³⁹ Ọria irin bhọ nọ a mu an aniọn ọsọgbọn ọ foh oki sẹyẹ a gua nọ ọso orie, ọ ki yiọle o so orie oriabhin.