¹ Ijesu da vuọn bhẹ ẹlimin na khale, ẹghe nọr rẹ nabhi ẹdẹ Ijọdan vae, oriọn da muọnlẹn diọ bhu ukato. ² Bhe ejiọ ojuu da dọmọnlẹn. Bheni Ikpẹdẹ ni rebhe obha le ebale. Ọnẹ ẹghe kigha ohamẹn da gbọle. ³ Ojuu da tamanlẹn, ukha kiẹn ọmọn nọso osẹnobulua, rọni udo na kin Ibulẹdi. ⁴ Ijesu da waniọnlẹn "Ai gbẹn ọbho otọ, ọi ye ebale ọkpa ọya le nyẹnlẹn" Ai yẹ le emọnlẹn nọso osẹnobulua nyẹnlẹn. ⁵ Ọno ojuu da ru uku bi agba ẹbholo rebhe neri bha agbọn man Ijesu, Ọjuu da yiọle: ⁶ "I dẹi mun ọna ahu bi ọriri nan agbọn niẹn, ranmude akika rẹ imẹn, mẹn dẹyẹ sabọ rẹ nọni holo. ⁷ Ranmude, ọnan uwẹ ha de uhọnmọn re, nu gholo imẹn, ekin ọsẹẹ. ⁸ Ijesu dayiọle, ai gbẹn ọbho otọ: "Uwẹ dẹi gholo no osẹnobulua ne Ebianẹn manlẹn, ọle ọkpa ua ga" ⁹ Ọno ojuu da ri Ijesu kha khin IJerusalẹm, ọda muọnlẹn ọ bho okokhun uwa otue nọ maman yoyo ọdaa tamanlẹn: "Uwẹ haha yi ọmọn nọso osẹnobulua, ne nan san diọ bho otọ, ¹⁰ Ranmude hai gbọn lẹn bho otọ: 'Ọdei zẹ Ehi rẹkhan ẹn, ne ha suẹn bi ¹¹ Eki ra abọ abọ muẹn ya okhunlun bọ nu hi da dua oẹ bhu udo ¹² Ijesu da nianọlẹn: 'Ai tale nu hẹi damẹn osẹnobulua ne Ebianlẹn man.' ¹³ Ẹghe no ojuu kirẹ damin Ijesu fo, ọda kpanọ sibh enin re rẹ khẹ ẹdẹ ọbhebhe. ¹⁴ Ọnẹ ẹghe nan, Ijesu dakie cae bhi Igalili bha ahu oriọn, usi nọsọle da vẹ nabhi ẹbho rebhe nenega enin. ¹⁵ Ọda luẹ ele emin bho otuẹ, ọrebhe da genọlẹn. ¹⁶ Ọda vae bhẹ ẹkẹ Inazarẹti, nọle da wan re, bejiọle re lu eminlin ọda na bhẹ ẹkẹ otuẹ bhiẹdi sabati, ọda mudia ha tie ebẹ dagbare. ¹⁷ Ebe nọsi ọtuje ọne ebea, ọda kere ejada gbọnlẹn. ¹⁸ 'Ahu ẹlimin nọso osẹnobulua ọribhi mẹn ramude ọi mu megbe nire ha ta ẹmọnlẹn ọlẹn man ene bhasẹ họn. Ọi je mẹn nirẹ ha ru umiẹnlan je eneria ne ribhi ighan, ene ru ẹlolo, eki ha daghe, nirẹ fanọ ene ribho okpọkpa kua. ¹⁹ Nirẹ ha ta ẹmọn ọnu ukpe esele ọhẹ nọse Ebianlẹn. ²⁰ Ọnẹ ẹghe nan, ọda gue ọne ebe re nele. Ọda do otọa. ²¹ Ene ribhẹ ẹkẹ otuẹ rebhe eda ghọle. ²² Ọda nele talọ: Ẹlẹnan ọnẹ ẹmọn osẹnobulua nan dọ kin omusẹ bhe ehọ bha. ne ribhe enin rebhe da tẹ emọnlẹn nesili, ẹmọn esili nesiọle bhu unun re, da han ele ilolo, eda nọọn "Ọna ikuẹ yi omin Ijosẹfu?" ²³ Ọda yele: "Ẹmọata, ibha dẹhẹi kpa ọni itan nan ji mẹn, "Ọbo, himin gbe ẹ." Ene eminlin ni man hanlẹn hu lulu bhi Ikapanọn, lu ọle bhi isẹbha bhe enan. ²⁴ Ọda tale, emọata itaman bha:Ai tie ọbo ọbo bhẹ ẹbholo ọle ²⁵ Ẹmoata itaman bha, ọrọn ebunbun bhi izile bhẹ ẹghe Ẹlaja, ẹghe no okhun kirẹ mun yi ikpe ea bi ukhiọnmẹn, ukhumu agboo da ha ribhọ ọnẹ bholo rebhe. ²⁶ Ọkpanọn, abha je Ẹlaja ji ukpọkpa bhe ẹwẹ ele, ada je ọle ha bu ọrọn nan tiọle Izarẹfat nọribhi Isidọn. ²⁷ Ene mọn ibhee, ei bunbun bhi Izrẹl bhẹ ẹghe Ẹlasa nakhasẹ, ọsoso bha miẹn egbe danmẹn gbera Neeman nan Isiria." ²⁸ Ọrebhe neribhe nin ki họn enẹ ẹmọnlẹn nan, ẹkẹle da mama ha khọ ele. ²⁹ Eda kpanọ, eda sua suale sibhi ọnẹ ẹbholo re, eda re ọle ha khian uko oke nele da nyẹnlẹn. Erẹhẹ ho nesuale bhu uko oke mun fia. ³⁰ Ọkpanọn, ọda nabhẹ ẹwẹele, ọda diọ bhẹ ẹbholo ọbhebhe ³¹ Ọda hakhian ẹbho natiọle Ikapanun, agbẹ ẹbho nọ ribhi Igalili, ọda ha luẹ ele emin bhẹ ẹdi Isabat. ³² Ebọ luẹ ele ele, ọda maman han ele ilolo ramude, ahu ikpọnọle ọle ọrẹ talọ. ³³ Bhọ ọnẹ ẹkẹ otuẹ, okpẹa da ribhọ nọ mọn ahu nọbha khia ọda reso, ³⁴ "Heo! ọne man ko ye, Ijesu nai Inazarẹti? u vae nu dọ guọghọ manlẹn an? i lẹn họ uwẹ khin ọnọ khiale nọsọ osẹnobulua. ³⁵ Ijesu da sihiẹn ele, ọda yele, ''Bha hei talọ bha siọle bhe gbe rẹ! Ena ahu ebe da mun ọno okpẹa gbe ọbho otọ, bhade sesẹ. Ọda siọle bhe egbe re, ọbha kuan lẹn hie hie. ³⁶ Enẹ ẹbholo rebhe da nyan unun an. Eda tale khian, ọta ahu be bẹ khọnan, ọta man ena ahu nei mẹn ne siọ ọno okpẹa bhe egbere, eda gene sibhere. ³⁷ Usi nọsi Ijesu da wawa nabhe ẹbho rebhe ³⁸ Ijesu da kpanọ bho otuẹ ha khian uwa nọsi Isamọn. Ọne ẹghe nan orueen Isamọn no okhuo da khomọn ọva alo. Eda gui ni Ijesu nọ dọ himọnlẹn. ³⁹ Ọda sikẹ ọle, ọda sihiẹn ọnọ ọvalo, ovalo da siọle bhe egbe re ẹjiẹ jie, ọno okhuo da gua kpanọ ha wẹnan. ⁴⁰ Ọẹnlẹn kirei, ẹbho da muno ene khomọn emiamẹn kẹkẹ ji Ijesu. Ọda ne obọ nyan ele kẹkẹ, ọda himin ele. ⁴¹ Ahu ojuu dayẹ siẹ ẹbho ne bunbun bhe egbe re, eda so, eda tie,"Uwẹ họ ọmọn nọ so osẹnobulua! Ijesu da sihiẹn ena ahu ojuu, ọbha yẹ jele da talọ, ranmude hei lẹn min họle họni Kristi. ⁴² Ẹdẹ kiwe, ọda dagbare ha khian, eja ahiẹlẹ da hiẹlẹa. Ẹbho ne bunbun eda guanọle khian. Eki miọnlẹn, eda guanọ nọhẹi yẹ kpanọ bhe ejele ye. ⁴³ Ijesu da taman ele,"I dẹ iyẹ ha ta ẹmọn osẹnobulua bhẹ ẹbho nekẹle rebhe, ranmude ọnin ada jemẹn ha vade agbọn. ⁴⁴ "Ọnẹgheni, ọda sẹyẹ ha ta ẹmọn osẹnobulua bho otuẹ rebhe bho otọ Ijudea