¹ Ukpe Ikesujie ọle Itibẹrius Isiza sẹgbe bhẹ ẹghe nọ rẹ gha ye ọnọ gbelo ghẹ ẹbho egheni, Ipọntọs Ipaleti ọda yi ọnọẹ= gbelo ghẹ Ijudia, Ihẹrọdi da yi ọnọ gbẹloghe Igalili, obhi abale - Ifilipi da gbelo ghe obọ ọsi Ituria bi Itrakoniti, Ilisanias da gbẹloghe Abilẹni. ² Annas bi Isaifas da yi ojiohẹn ẹgheni, ẹmọn ọsi osẹnobulua da bui Ijọni no obhi Izẹkaraya re bhie ẹkẹ ugbo ato. ³ Ọda na bhi ẹkẹ ẹbho ne lega Ijẹdani rebhe, tẹmọn ẹsi aramẹn nọ ona sọ fi ekhodenọ ọsi urẹ huma oso olukhọ. ⁴ Beji arẹ gbọnlẹn bhi ẹkẹ ebe ọsi Asaya na akhasẹ, "Uru ọsọ ọria so bhẹ ẹkẹ ugbo ato, 'Hẹnhọnlẹn uwẹdẹ ọsi ebianlẹn man, ruekpefan nọ ọsọle dia nọsẹn. ⁵ Iya rebhe kia ye ọna anlẹn, oke be utete kia yi ọna duea, egọnọ rebhe ne kha nibhi ode a ki rọle khin nọ dia nọsẹni. Eji uwẹdẹ ka ye, aki rọle khin uwẹdẹ, ⁶ Agbọn rebhe ki miẹn eni oso osẹnobulua rie" ⁷ Ijọni ki da tale man eria rebhe ne va do miẹn amẹn bhi obọle."Bha ni emọn ọsi ẹyẹn ne mọn ọbi!, dọ ọria nọ gbuhi bha, ni bha lẹ si bhi ufuan nọ va de re? ⁸ Ranmude ọna, bha mọn irulu nọ khẹkẹ Ifidenọ ọiyii ni bha kha tale bhi ekhọ na ọsibha ma khi mọn ọsi Ebraham ne eraman; Itaman bha, osẹnobulua di sabọ re emọn ni Ebraham bhẹ enu udo na. ⁹ Ejiaye nania, a mu uze a muọlẹn bhe iniẹn eran rebhe. Eran rebhe ne ebha mi irulu, a di hianlẹn fua mu bhi ẹkẹ ranlẹn. ¹⁰ Eria ne bunbun kida nọlẹn, wẹ'ẹ, "Bi ma kiluyẹ ? ¹¹ Ọki rie waniẹn bhọ ọda tamanlan, "Ọriakha mọẹn elou eva, ọki ni ukpọkpa ni ọnọe mọn, iriọ sẹ yẹ nọ, ọnọ mn ebale, ọki rẹ ni ọnọ imọn." ¹² Ene kọkọ igho uhumu da vae ne dọ ri amẹn, eda tamanlẹn " Ọmariami, bi manlu? ¹³ Ọda tamanlẹn "Bha gha kọkọ igho uhumu gbara be jia wẹ bha koko." ¹⁴ Eyi okulọ eso da vae, eda nọnlẹn, "Mana ki? BI ma lu yẹ?" Ọda tamalan, "Bha kha gbọria soso miọle igho, bha kha mu ohoghe bha ọnọ bhalu. Ji igho na habhale khọnbha ¹⁵ Bhọ ọnẹ ẹghena, eria ne bunbun kida khẹ kristi nọ va, ranmude, ilo nọ bunbun da ribhilan bhudu nọ rẹtẹ Ijọni, sọle yi kristi. ¹⁶ Ijọni da newaniẹn bhọ, ọda tamalan rebhe, "Bhọ ọsi mẹn irẹ amẹn bbha, ọkpanọ, ọria vade nọ kpọnọ nẹ mẹn, mẹn bhasẹ, ọnọ akuọli ibata. Ahu oriọnọkhiale, bi eran, ọle ọre rẹ amẹn bha." ¹⁷ Akọ nasọle riọle bha abọ nọ rẹ khiakhiotọ bi ọnọ mie ejiọda si ọka koko bhẹ ẹkonea nọ hẹmiyi. Ọkpanọn ọki re erantuẹ ihumhum nọ ribhọ, eran nai sabọ we'a." ¹⁸ Emọn isidu nọ bunbun, Ijọni da tẹmọn oso osẹnobulua ma ilan. ¹⁹ Ẹghe na kirẹ mẹn eria ne bunbun bha maman robọ bho emi ni Ihẹrọdi lulu, ọda riọ okhuo obhiodele no okpia Ihẹrodiad, emirebhe nọimẹn ni Ihẹrodi lulu rebhe, ²⁰ Ọda riọna ba erebhele, wẹle ọle mu Ijọni bhe ugbọnighan. ²¹ Ọnẹ ẹghe na, ẹghe da do sọto, erebhe ki da rie amẹn, Ijesu tobọle da sẹyẹ samẹn, ẹghe nọ kirẹ kha ne erọnmọn odokhun bhẹ elimin da tujie'a ²² Elimin nọ khiale, nọ dia bhi okhun elimin va, "Uwẹ li ọmọn ni hue emọnlẹn. Men maman ghọnghọn ghiẹ." ²³ Ẹghe ni Ijesu kirẹ mu iwina nọ ọsọle hẹn, ọmọn ikpọgban ọle khin. Obhi Ijosẹfu no okpẹa, ni obhi Iheli. ²⁴ Ni obhi Ilẹvi, ni obhi Imẹlki, no obhi Ijanai, ni obhi Ijosẹfu. ²⁵ Ijosẹfu ọmiokpẹa si Imattatias, ọmiokpẹa si Amọsi, ọmiokpẹa si Inahum, ọmokpẹa si Ẹsli, ọmokpẹa si Inaga, ²⁶ Ọmokpẹa si Imaat, ọmokpẹa si Imatatias ọmokpẹa si Isemẹin,ọmokpẹa si Ijosẹk, ọmokpẹa si Ijọda. ²⁷ Ijọda ọmokpẹa si Ijonan, ọmokpẹa si Irẹsa, ọmokpẹa si Izerubbabẹl, ọmokpẹa si Isalatiẹl, ọmokpẹa si Inẹri. ²⁸ Ọmikpẹa si Imẹlki, ọmokpẹa si Addi, ọmokpẹa si kosam, ọmokpẹa si Ẹlmadam, ọmokpẹa si Ẹr, ²⁹ Ọmokpẹa si Ijoshua, ọmokpẹa si Ẹlieza, ọmokpẹa si Ijọrim, ọmokpẹa si Imatthat, ọmokpẹa si Ilẹvi. ³⁰ Ilẹvi ọmokpẹa si Samiọn, ọmokpẹa si Ijudah, ọmokpẹa si Ijosẹfu, ọmokpẹa si Ijonam, ọmokpẹa si Eliakim, ³¹ Ọmo si Imẹlia, ọmokpẹa si Imẹnna, ọmokpẹa si Imattatam ọmokpẹa si Inatan, ọmokpẹa si Idavidi. ³² Ọmokpẹa si Ijesse, ọmokpẹa si Obẹa, ọmokpẹa si boaz, ọmokpẹa si Isalmọn, ọmokpẹa si Inahsọn. ³³ Inahsọn ọmokpẹa si Amminadab, ọmokpẹa is Admin, ọmokpẹa si Arni, ọmokpẹa si Hẹzrọn, ọmokpẹa si Pẹrẹz, ọmokpẹa si Ijuda. ³⁴ Ọmokpẹa si Ijecọbu, ọmokpẹa si Asik, ọmokpẹa is Ebraham, ọmokpẹa si Itẹrah, ọmokpẹa si Inahọr. ³⁵ Ọmokpẹa si Isẹrọg, ọmokpẹa si Ireu, ọmokpẹa si Ipẹlẹg, ọmokpẹa si Ẹba, ọmokpẹ si Ishẹlah ³⁶ Ishẹlah ọmokpẹa si kainan, ọmokpẹa si Arfaxad, ọmokpẹa si Ishẹm, ọmokpẹa si Inoah, ọmokpẹa si Ilamẹk, ³⁷ Ọmokpẹa si Imẹtusẹlah, ọmokpẹa si Enọk, ọmokpẹa si Ijarẹd, ọmokpẹa si Imahali, ọmokpẹa si Icainan, ³⁸ Ọmokpẹa si Enọs, ọmokpẹa si Isẹt, ọmokpẹa si Adamu, ọmokpẹa si osẹnobulua.