¹ Bhọ ọnegbe na, emi da sunu ukpẹdẹ uhuẹnạn (sabbath day), Ijesu da khian bhi ugbo ọka, edibọ na sọle nda kọnọ eko gbuolia bhi obọfọ eda lọ. ² Okpanọ otu ifarisi eso ds tale "Be zẹ ni bha dalu emi nọ bha khẹ ke narẹlu bhi ukpẹdẹ uhuẹnon?". ³ Ijesu ki da waniẹnan ọta, ọda tamalan, "bhabhatic emin ni idefidi lu, eghe nị ohannen regha gbọle, ọle bi edibo ne rankhanlen?. ⁴ Eda labhu uwa osi Osenobulua, eds mu Iburẹdi nọ ribhi ojikhọ (alter), eda le bhọ, ọda hẹ eso ni edibo nasọle, edale, akirẹ miẹn eni ojie-ohen ọkpa kele na re lọle". ⁵ Oki da tamanlen, ọmọn ni okpia biele ọle ẹbịanlen ẹdẹ uhuean (sabbath day)" ⁶ Ọda gbochic sunu ẹdu-uhuean rebhebhe Ijesu da yọbhi uwa oga (.synagogue) rọa man agbọn' emi bhe ni. Okpia okpa ni obo era nẹbhọ kakamu. ⁷ Egbenbe (scribes) bi farisi (pharisees) da bale sọ di himin okhọnmọn bhi edi uhuean, ni emi ọbe tale bhe egbe. ⁸ ọkpanọ ọlen eberibhi ilan bhe ọkhọ, oki da eni ọki da taman ọno okpia ni ọbole kaka, "kpano mudia bhi esẹsẹ agbọn rebhe". Ranmunde ọna ọnokpia kida kpanọ mudia bhe eni ⁹ Ijesu da tamanlan. "Men nọ bha, emi nọ bhi ẹdu-uhean (sabbath) na re lu eminọ men ra na rẹ luemiebe, na re mien oria fạn ra na rẹ rịa-emian?" ¹⁰ Ijesu kida ghe erebhe lega, oda taman ọbo okpia "Nien abọ nọse". Oda gene luiria, obole da dia bi be jioka ya?. ¹¹ Ọkponọ, ẹkẹ da kakabọ gha khẹlan, eki da ne egbe ta emin ne lu Ijesu ele ¹² Emi da sunu bhi ẹghe nọ riele, Ijesu da khia okhun oke rọ ne eronmọn. ọda ne eronmon la bhi ukpason to jio Osẹnobulua. ¹³ Ẹdẹ ki we ọda datie edibo na sọle, odazẹ eva yan ọgbolọ (12) ọda helan Ena jiolu uhumon (Apostles) ¹⁴ Enilan dayi Isimon (nọ ole se ye tie Ipita) bi obhiole Andrew, Ijemisi, Ijoni, Ifilipi, ibatolomiu, ¹⁵ Imattiu Itómas, Ijamisi ni obhi Afios, Isimon, na atiole Iziloti. ¹⁶ Ijudasi no bhi Iskariot, no kin nọ hie onia ¹⁷ Ijesu bi ena odibo na sole da bhi okhunoke tuere, eda mudia bhi atọ nọamen agbon ne bunbun ne dg bhi atọ ijudea bi Ijerusalẹm bi egbẹdẹọsi itare bi isidọn. ¹⁸ Erebhe kho va ne dọ re ehọ bhi emọn nosalẹ bi nọ mi ejio da ri ehbedami nian bhi obi emianmen kike. Eria ni elimin ebe anọghọ bi orion esu, ọda mu erebhe egbe dan. ¹⁹ Erebhe nea ribhi usun agbon, da niobọ ne mi eje da robọ suọ ranmude ahu ose egbemen dạ sibhi egbe ọle re, oda mu erebhe egbe dan ²⁰ Oki da fi elo ghi edibo na sole, tamanlan wẹ'ẹ "Uhianba nọji bha ni ibhioguele, ranmunde, egua Osẹnobulua ọle osẹ bha" ²¹ "Uhiaba nọ ji bha, bha no ohanmen gbe, ranmude. di khọn. Uhianba nọ ji bha bha ne viẹ nian ranmude bha dijie ²² uhiaba no ji bha, si eria hale bha si bha chie alu, bi ekia khọ bha, eki ne eni na ose bha khin ọnọ emen, ranmude obhi okpia. ²³ Bha gha ghọnghọn, bhe sanghokhun bi gba dujie ranmude ọria ihasa nọ gbọlọle ṛibhi bha bhọ bhi egua okhun, iriọ ene bielan de kalu abhi akhasẹ ni eka gbera ²⁴ Ọkpanọ, ihenlen ọle ọsẹ bha ni efele, ranmunde bha mienlen ọfure na ọsẹbha. ²⁵ Ihẹn nọ ji bha nọ khọn, nian, ohamen di gbebha ẹdi okieke ihẹn nọ ji bha ne ejie nian, bha di viẹ bi gha ribhi edi okieke. ²⁶ Ihenlen nọ jie, si eria rebhe, temon nọmẹn ghe'ẹ nian iriọ erạ nọ bielande luda akhase ọhoghe ne gbera. Ọkpanọ, itamabha ne rehọbhi ẹmọn nan, hoemọn ekhian. ukilu ọmẹn da ene he'e. ²⁷ Ọkpanọ, itamabha ne rehọbhi ẹmọn nan, hoemọn ekhian. ukilu ọmẹn da ene he'e. ²⁸ Ru, uhiabạ ni ene khọẹ, uki ne eronmon ni ene kpokpoẹ ²⁹ Oria kha gbu-ubo uwẹ bhi agban mu onọkele nalen. Oria kha mien ẹwughẹ mion. ³⁰ Reni ọnọ nọẹ emi. Oria kha mien emi nasẹ, ghe ohie nolẹn nọ rie riẹ ³¹ Be ji uguanọ na eria ọbhebhe da wẹ ri irio ludalan. ³² Aki mien enahoemon eni okpawẹ hoemonlen, ihase nela ki ribhi uwẹbhọ? ³³ Ene lu olukhọlọ sẹ yẹ lu irio. ³⁴ Sade, enia sabo rehasa wẹ ri ighona mọmọn di ihasa nọ kiri uwẹ bhọ? Eluo lu khọlọ ọle ene lu olukhọlọ ri igho na, ni emi ejie da min ihasa nọ ribhọ ³⁵ Ọkpanọ hoemon eghian, ukilu emiesi ni ilan. Rẹ luese, ghẹ khẹ na chie rie jiẹ, ihase nọse kia gbọnọ bi bha kia yi imọn osa ersman nọ ribhi bhi okhun, ranmude, ele tobole, ọnọ mọn ifuẹkẹre da enegbe khuenmen bé eriọbe ole khin. ³⁶ Mọẹn itohan zẹ bi beji aba rẹ moen itohan ³⁷ Khẹ bu ohien oria, na kha bu ohien na se. Kha runu ria oria, na kha runa ria uwe'a Rẹ human enekele, na bhe rẹ human. ³⁸ Rẹ lu ese, na bhe rẹ luese nien. emiesi nọ vuọnlenmama, na yenyenmu, alueghọ kugbe, nọ mama vuọn kpakua, ọla biri uwẹ bhi etagha ova ni we reman nọ oria, cole a man riẹ" ³⁹ Ọda gbo kpa itan manlan "Oria nọ ruẹlo de sabọ ri oria nọ ruelo khian? Ọkha sabọ, eveva ki debhi uhio, oibe yino? ⁴⁰ Edibo gbo kpọnọ ni ọnọ manle emin, ọkpano, edibo khaki mamanluẹ emi, ọda gue ọki dia bi ọnọ manle min ⁴¹ ze nu daghe ikune kisin nọ ribhi ẹlo nọ si obhioẹ, okpanọ ubhadaghe ọnọgbe eran nọ ribhi elo nasẹ? ⁴² Bu uwe aki re tona ma ebhio'e ye, obiomen ji mẹn da le eran nọ ribhi uwẹ bhelo chie, bi uwẹ bha daghe olọgbe eran nọ ribhi uwe bhalo? .Bha ni ihipokrit (hypocriste) wẹ ka rie ọnogbo eran no ribhi uwẹ bha alo, egheni uki daghe rẹ rie ọnọ ribhi elo osi obhioẹ ⁴³ Eran nọ men oiribho a nọ men irulu no aimen ra eran nọ kẹkẹa nọ a men irulu nọ mẹn. ⁴⁴ Irulu ni eran mọnlen ọla rẹlen ẹran nọ khin. Eria khian le kọnọ irulunọmen bhi erạn noimen, ra ne eria rẹ kọnọ alume bhi eran ọbe (briar bush) ⁴⁵ Ekhọ orie esi, bhi emi esi nọ riole bhe kẹ, ole emiesi da va, orie ebe, ẹkẹ emie be nọ riole bhi ekhọ. Ranmude bhẹ eke emi nọ bunbun nọ ribhi ọria bhi udu, ọle una da ta ⁴⁶ ".Bezẹ bha da tie me, 'Ebianlen, Ebianlen.' ebhẹ ẹkẹ ena robhe bhabha lu emi ni tamabha,? ⁴⁷ Oria nọ bumen va ọda re ehọ bhi ẹmon nasi mẹn oda rọle luemi, iditama bha ebọ diayẹ, ⁴⁸ Ole odia bi ọria nọ bu uwa, ọda maman tun eyotọ dimin, ọda gbe eyotọ nasọlẹ bhi uku udo. Ologbo vas okpẹ ehoho amen vae, eda gbọle ọnu uwa bha luegbe, ranmunde a bole nọ sẹn. ⁴⁹ Okpanọ oria nọ hen ẹmọn na si mẹn, nọ bha rọlu to' odiabi ọno okpia ni no bu uwa bhi uki ato nọ bha tin atọ dimin. Eghe ni okpẹ amenkirẹ va, oda gbole ejijiẹni, ọnu uwa da de, udemin ọlen bha ye ekhere.