¹ Enin ọda kpaitan taman ele rẹ ha ne eronmon ẹgbe- rebhe nehẹ jọ ọkhọle nọn sele hiẹ ele, ² Oda taman ele, "Bhagba ebholo okpa okhamọnlẹn da ha ribhọ nọni mu ofẹn Osẹnobulua bii ọi miọnọn ọle mu ekpẹn nan. ³ Ọnẹnghele nin okhuo nọn ọdọ yule da ribhi onagbaẹbhole min, enin ọda bu ọnọn khaẹmọnlẹn nare, oda tamanlẹn, "Rẹkpamẹn uabhohiẹn men bhu ukegbe ọnọi iboman nan; ⁴ Bhẹgẹsọ ọbhamun egbe nọn rẹkpaọle, ọkpakinọn okhijẹegheleso gbera oda taman egbọle, " Aharẹmien ọle mun ofẹn Osẹnobulun laa mur ekpẹn nọn ọria, ⁵ Aharẹmiẹn ọno okhue man dẹ sabọ si ekpokpo jọle, mẹn di rẹkpale gu ẹzẹ bhi bejọ arẹ ha vae ẹghere bhe buọ ọle re." ⁶ Eni Ebhianlẹn datale, "Kahọ ebe ọnọn ọkhaẹ bhọnlẹn nan tale. ⁷ Ọna nan miẹn Osẹnobulua bha guẹzọ bhu ohiẹn Bhu ukegbe esọle nọnle sẹle ne viẹ bu ọle re asọn bii odanmen? ọnan ada miẹn ọbha sọekhili nele? ⁸ Mẹn tamanbha ọdẹ sọ ẹkhi nele ẹjẹje. Aharẹmien ọdinian, ẹghe nan re mien Omọn nọn so okpea vae, ọsabọ min urẹbho bhọ ọni ukotọle nan?" ⁹ Eni ọda sayẹ kpaitan rẹji enẹnbholo nin ne sobọ bhu ude hele khiamin gbera ẹbholo nekẹle, ¹⁰ "Etun eva da kharibhọ ne khiẹn otuẹ dọ ne erọnmọn- ọkpa da ha yi Pharisee ọnọn kẹle da ha ye ene koko iyho uhọnmọn ¹¹ 11. Ọni Pharisee da mudia ne erọnmọn khẹ ebẹ ebe rẹtiọle, "Osẹnobula, mẹn khuẹnbhẹn mẹn bha dia bi ẹbho nekele- ehbọria ba eminọn, ẹbho ne bha khia, egboghelebi oni ekoko igho uhọnmọn nan. ¹² mẹni fiazemin igbava bhi uzana. Mẹnizi ọkpa ribhi igbe bhẹkẹ iminerbhe nọn ọle mọnlẹn." ¹³ 13. ọkpanọn ọnọn koki igho igho uhọnmọn da gban egbe ike ọbha tun ololo okhunlun, ọda mun ẹlolo yan ukudu, tale, Osẹnobulua bhọni itohan ghe mẹn ọhieminebe: ¹⁴ Mẹn taman ibha, ọnokea nan da ha khiẹn uwa bhẹkẹ urẹhunman ghera ọnọn kẹle, ranmunde ọnọn suegbọle okhunlun akhi siọ rotọ, ọnọn sigbọ rotọ aki siọle okhunlun." ¹⁵ Enẹnbholo da ha mun ibhokhan nejẹjẹ bu ọle re nọn re obọ suele, enodibo sọle ki dagbhe ọnan, eda kiha khue kike. ¹⁶ Eni Ijesu kida tiele taman ele, "Jenibhokhan da bu ọle re, bha hẹyẹ khue kiki. Ramunde ẹguale nọn si Osẹnobulua ọse enibhokhan nọn. ¹⁷ ọsajie mẹni tamanbha, ọnọn bha miẹn enibhokhanan gbe eybe ọkhian la sabọ nabhi ẹguale nọn si Osẹnobulua". ẹguale nọn si Osẹnobulua". ¹⁸ ọkpa bhi eneriagbaebholo khian da nọnlẹn, tale, "ọmanebhi nọn gbale, bi mẹn ahi nin mẹn rẹ sabọ naa bhi ẹgua okhunlun?" ¹⁹ Ijesu da tamanlẹn, "Bu uwẹ da tie mẹn yẹ ọnọn mẹn. ọnọn? ọnọn mẹn ribhọ, gbera Osẹnobulua ọkpa. ²⁰ Uwẹ lẹn uhi nan gbele- hẹi gboghẹlẹ, hẹi gbughele, hẹi raa, hẹi sọ ọsẹli ohogholi, mu ekpẹn nan abaẹ bii innẹn nọn sẹ." ²¹ ọnọn rẹbhokhian da tale,"Enan rebhe ọlei re obọ rekhanlẹn rẹ nabhi ẹghe nọn ọle rẹ ribhi obhokhan." ²² Ijesu ki họnan, ọda tamanlẹn, "Ukpebhi ọkpa sẹyẹ ribhọ nu uwẹ bha sẹyẹ hi. Mu uwẹ akhin ebhin rebhe nu uwẹ mọnlẹn uwẹ ki dọ ghale nin enobọgbele, nu uwẹ ha mọn aza bhi ẹgua okhunlun - ẹghẹnin uwẹ are sabọ dọ rẹkhanmẹn." ²³ ẹghe nin ọnọn rebholokjian ki rẹ họnan, eghenin ẹkele ki da manman ha khọle, ramude oi manman fe. ²⁴ Ijesu kidagheọle ẹkẹle khọle, ọda tale, "mọn manman kaka na rẹ miẹn ọnọn fele ọsabọ nabhi ẹguale nọn si Osẹnobulua . ²⁵ Nin ọnọn fele rẹ nabhi eguale nọn si Osẹnobulua, ẹmena hi sabo nu uhio agbede." ²⁶ 26. Ene hẹn non datale, "Kọla sabọ nin hbọ nan?" ²⁷ Ijesu da re ewaniẹn bho, "Ebe bha jẹ ẹbhololu Osẹnobulua kpa sabọ rẹ lu ọle." ²⁸ 28 Ipita datale, "ọkpanọn, bhanzẹmin rebhe nọn yọ ọsemanlen obọ man da rẹ khanlẹn." ²⁹ Iriọ Ijesu da tamanle, " Osaje nọn, mẹn taman bha ribhọ nọn zi uwa obọ, laa abhọnlẹn, laa ibhio ọle laa enebiọle, laa imọnlẹn, ranmude ẹguale nọn si Osẹnobulua, ³⁰ Nọn bha ha miẹn eleọle bhọ in eghele nan, bii agbọn nọn vade, ọsẹdẹdẹmẹnde." ³¹ Eghe nọn khirẹ si eni igbeva kokofo, ọda tamanele, "Bha daghe, man khi jerusalem, bọna da miẹn ebe nin eni enesakhase ghẹnlẹn Ireji Omọn nọn si Okpea aki munọn zẹ. ³² Man muọn ji enebhalẹn, eki rọ zẹoje, rẹ ẹkhọle inọle sẹyẹ jẹ ẹsẹnlẹn yan ọlẹn. ³³ Ehẹ gbọle asian fo, ekhi gbọlea, ukpẹdẹ nọn zea ọkhi na bhi ulin khanọ." ³⁴ Ebehalẹn eba rọnan ta, ranmude aireọnẹn nẹko nele, ebha gene lẹn eba rọ ọnẹnmọnlẹn ta. ³⁵ ọnẹnghele ki dọsẹ, Ijesu sikẹ Jeriko, iriọ ọruẹlolo non dotua bhi ejọda bhi eminilin bhe egbodẹ, ³⁶ ọhọn ẹmọn usun gbera, enin ọda nọn be sunun. ³⁷ Enin eda tamanlẹn ijesu ọsi Nazareth ọle enin gbera. ³⁸ Eni ọnọn ruẹlolo nanda so dagbare, ha tale, "Ijesu, ọmọn nọn si David, mọni itohan ghe mẹn." ³⁹ Enekhian ne kalo nin Ijesu da tamanlẹn nọn kokunun. Eni ọda kike so dagbare, "ọmọn nọn si David, mọn itohan ghemẹn." ⁴⁰ Ijesu da mundia dulu taman ele ne mun ọno okpea re bhe ejọle ye. ẹghe nọn ni ọruẹlolo khirẹ sikẹọle, Ijesu da nọnlẹn, ⁴¹ "Buwẹ ho nin mẹn lu niẹn?" ọda tamanlẹn "Ebianlẹnmẹn, mẹn ho nin mẹn ha daghe". ⁴² Ijesu da tamanlẹn, "Hadaghe Urẹbhọ nọn sẹ ọle re egbe danlẹn." ⁴³ ọnẹnghele nin ọle ọkirẹhadaghe ọda ki rẹkhan ọnlẹn, ha khuẹnmẹn Osẹnobulua. Enẹnbho rebhe, khi daghọnan, eda gẹn Osẹnonulua.