¹ Ijesu da nabhi Ijeriko gbera. ² Ghemi okpia okpa natiọle izakiọs ọda ribhi eni ọda yi ọjẹ ene gbelo ghe ene koko ighọ uhumu, bi ọnọ fele. ³ ọda ho nọ ọle len ọria ni ijesu khrin ọkpanọ ọbha ye sabọ ranmude eria ne bunbun, ranmunde, ọbha tan. ⁴ Ranmude ọna, okide rulẹ ko-odalo ọda hen ukhunEran isikamọn, ejiole'a da daghe ọle. Ramunde, Ijesudi le eni uwe dẹ ni gbera. ⁵ Bhẹ ẹghe ni Ijesu ki nẹ sẹ bhi eni, ọda tẹn elo mu ghe odokhun, ọda tamanlen, "Zakios, tuere, ẹjẹje, ukpẹ dẹ inẹlẹna, mẹn dị di bhi uwa nase". ⁶ Ẹjẹje, ọda tuere otọ, ọda ri eghonghon gbi ọbokhian nalen. ⁷ Eria rebhe ki daghe ọna erebhe da gui bhi ẹkẹ egbe, edatale wẹ, "ọda rọ tui okpia ọria olukhọ" ⁸ Izakios kide kpalọmudia tama Ebianlenman, eghe, Ebianlenman, ukhionmi emi nọsimẹn rebhe idi rẹni ibhinoguele, sade imu orialu bhe emi soso, idi kui obe'ne gbe bale oni igbo". ⁹ Ijesu da ta amen, "Ukpẹdẹ nẹlẹna, Eni la bhi uwa na ranmunde obhi Abraham ọle ye khin. ¹⁰ Obhi Okpia va dọ guano, bi ọdo miẹn eria fan ne wilia." ¹¹ Eghe ne ki rẹ họna, oda yẹ nelan ta; ọda ri itan tanma ilan, ranmunde, ọle sikẹ iJerusalẹm, bi erebhe da lo Egua Osẹ di kẹ va ejijẹ. ¹² ọda tamalan, okpia na mu ekpena da shian Ebholo bhi eyie riẹ, bhi ejie ada rọle lu Ojie bhi Egua, ọkue gboje va. ¹³ 13. ọda datie eguọmandia igbe nasọle, ọda ri ẹkpa igbe ni ilan, oda tamalan, 'bha rọle kha duẹ eki ni kire do va'. ¹⁴ ọkpanọ, ọmotọ da heọle bhoto, eda ji ukọ (delegates) rẹkhanlẹn, eda tamanlen, "man ika ni onọ okpiana da le ejie yanmanlen' ¹⁵ Eni da sunu, eghe nọ' aki rẹ va, ọda ele ejie bhi Egua fo, ọki gbi uhi ni eguọmandia nọ ọsọle, ni ọle ri igho na ne datielan jiole, nọle mi ejiole datlen ele ni eminenlen bhi ẹki nedolo". ¹⁶ Ohenhen da buole va, ọda tamalen, 'Ebianlen ma, igho na sẹ rẹ ekpaigbe de yan. ¹⁷ "Ono okpia na mu ekpen na da tamalen 'Ulunọsen, oguọmondia nọ mẹn, ranmunda ilueminọsen nasẹ bhi emi khere, udi gbẹ ẹlo ghe iya ebho igbe." ¹⁸ ọnọ ojeva da va, ọda tale, igho nasẹ ebianlenman, ri isen deyan; ¹⁹ ọno kpia na mu ekpena, da tamalen,' uki gbẹle ghe iya ebho isẹn; ²⁰ Ebhbebhe da gbo va, ọda tale, Ebianlen, 'ghe igho nasẹ, ni gbalo bhi ukpọn, ²¹ Ofen da wọ mumẹn, ranmunde, ọria nọ mama nọ emin ọle uwẹ khin.' nọ rie bhi ejibha rieyi, nọ kolo emiokọ nu bha kọ ²² Ono okpia na mu ekpẹna da tamalẹn "Emọn nọ da bhu unu nasẹ va ida rẹ bhuohien nasẹ, uwẹ ni oguoman dia no ji udu we'. Wẹ lenlen, oria nọ mama nọn emi, nọn rie bhi eji bha rieyi, nọn kọnọ emi nọ obha kọ. ²³ Beki yẹ nu bha da ri igho nọsi mẹn bhi aza, be jia da mien eghe ni kire va iki mi oni igho be asu nọribho? ²⁴ ọno okpia na mu ekpen na da tamalan ne mudian bhe ni, 'Mionle onigho, rieni onọ muen ẹkpa igbe. ²⁵ "Eda tamanlẹn, Ebianelenmen, ọka muẹn ẹkpa igbe (ten minas). ²⁶ "Itaman bha, oriasoso, nọ riri amọn adi rie balele, Okpanọ ji oria nọ mọn hiehie, adi miọn lele, oni nọn mọn. ²⁷ Okpanọn, ilan nni oghianmen na, ne bha ji men iejie yanlan, helan va bhe na, gbolilan" ²⁸ ọki ta enarebhe fo, ọda yọbhi odalo, oda kha khin ijerusalẹm. ²⁹ Eni ọnẹ ghe kida dọsẹ, bọsikẹ ibesfage (Bethphag) bi ibetani (Bethany), bhi oke na tioli Olivẹt, ọda ji edibo eva nasọle, ³⁰ ọda tamanlan, "Bha kha khin ebho (Village) nọkele. Bha kha ki nabhọ, bha di mi akasin (Colt) ukpọkpọ re nabha sẹ hẹn. Bha tanlian bha mu kha va de. ³¹ Oria soso kha nẹbha "Ebesiole ni bha da tan ọni akasian (colt)? Tamalan, Ebianlẹnman mọen emi nọ rẹlu." ³² llan nole jiele da kha khian. ³³ Bhẹ eghe ne ki rẹ kha tan ọni akasian ene yanlan da tamanlan, "Be yẹ ni Bha da tan akasian?". ³⁴ Eda tamanlan, "Ebianlenman Mọẹn emi nọ rọlu.' ³⁵ Eda muon ji Ijesu, eda wa ukpọn bhi ukole, Ijesu kida dotua yanlen. ³⁶ Eki khian, eda wa ukpon bhi uwedẹ. ³⁷ Bhe eghe nọ ki rẹ sikẹ otọ oke osi olivi (olives) edibo nasole rebhe da mama ghọnghọn, eda gen Osenobulua bhi emi mama gbọlọ rebhe ni edaghe, eda tale, ³⁸ "Uhianba nọ ji ọba nọ va bhi eni ọsi Ebianlenman: Obhure nọ bhi egua okhun bi oriri nọ bhi ejie ko okhunlẹ" ³⁹ Eso bhi ifarisi (Pharisees) ne' aribhẹ agbọn ne bunbun ki da tamanlen, "ọmariamin, yẹ edibo nasẹ huenlan" ⁴⁰ Ijesu da wanienlan, "Itamabha, akhanien ena da huenlan, ikpi udo ne ribhi oto, eki sodagbare" ⁴¹ Ijesu ki sike ọnẹ ebhe, oda mama viẹ nalen, ⁴² oda tale, sade bhe khọ lenlen ukpẹdẹ nẹlẹnan, bha mama, emi nọsi ofure ji bha! okpanọ ariọle lẹhe ni ẹlo nọ sẹ bha." ⁴³ Ranmunde ẹghe vade bha ni eghian bha ki gbogba ga bha, eki da yan bha muotọ bhi eje rebhe. ⁴⁴ Eki gbebha muotọ, bha bi emọn nasẹbha. udo opka iribhọ ne'a fibhi uke ọnọkele ranmunde bhabha mienolen bhe gbe eghe na rẹ do tuebha". ⁴⁵ Ijesu da nabhi ẹkẹ uwa ọso Osenobulua (Temple), ọda khune erebhe kua, ilan ne de bi ene khien. ⁴⁶ ọda tamanlan "Agbonlen bhotọ, 'Uwa nọsẹmẹ, uwa osi erọmọn nọ, okpanọ, bha rọle khin uwa osi oyi (robbers)." ⁴⁷ Ijesu ki da kha malen emi bhi uwa oga ẹdẹdẹ. llan ni ojie ohen (Chief Priests) bi egbonbe (Scribes) da guani ujiodẹ ne da gbọlia, be ji enerelan khian holo. ⁴⁸ Okpanọ, ebha mi ujiode da luole ramunde, eria rebhe, da mama re eho iebhọ.