¹ Ijesu da tama eni edibo ne sọle "eba ida lu nọ igbodanghe de khai rebho okpanọn ihẹn ọsi ọnọria, ne ni obọ nọ sole vae. ² okhai mẹn nẹ sade khai mu udo eli ọden bhi uruu, muọn fiọ bhi okpẹdẹ gberea nọ re ji ukpọkpa bhi eni kuekui ekon ne sọle rẹ dere ³ Bha ghi elo kotọ, sade obhieo da lu emiebe, nọ talọ sade khio fidenọ, re bumalẹn. ⁴ Sade igba ihilọn bhi ukpẹ dẹ ọrẹ luẹ emiebe, oda yie bu ẹ re igba Ihilọn tana ẹ "Ifidenọ", oyẹẹ obha yẹẹ humalẹn. ⁵ Eni aposito da yi ebe yan "Yianba urẹbho nọ si eman" ⁶ Ebeyan da yi ele, 'uwe da kha moi urẹbho nọ khere bi ukpi ẹlo itaba, uwe dei sabọ tama oni oran na, bhiọ si bhi oni otọ re, kha khian de gbọ bhi ẹkẹ ukpẹdẹ' ọ ki lu be ji uwẹ tale. ⁷ Okpanọ khi ọla bhi ẹwẹ bha nọ kha mọi Iguọmadia, nọ wẹna bhi ugbo la ọ gbẹlo ghe ohuan ne sọle, no yi oni iguomadia, ẹghe nọ rẹ si uwa, 'vae ọsi ẹjẹjẹ, dọ otua ni u le bae' ⁸ Oda be tama len "olọ gua ne ebae ebae yiẹn wẹ a mu ji mẹn, mẹn kha ki le fo, ni mu amẹn ọn, ẹghe ni uwẹa dọ li ọsẹ. ⁹ Oi da khuẹmẹn ọni Iguomadia ramude khọ lu emilin na tamalẹn nọ lu odẹ be lu riọ ¹⁰ Iriọ yie khin ji bha yẹ, ẹghe ni bha re lu emi rebhe fo, na yi bha lu, ibha de yọle "Iguomadia ne bha sẹ ọle ma khin, ebe khẹke ni ma relu, ole ma lulu. ¹¹ Oda ri inian sunu, bhi eghe nọ re khi herusalẹmu, oda re kha oni ukhu ota no gha Isameria bi Ihalili a ¹² ọki naa bhi Igule ọso, en! oda miẹ Ikpia Igbe ne di oti, e da mu dia bhi idangbe rele bhi eji ọle yie. ¹³ Efa tun uru okhun, yọle "Ijesu, Ebeyiama, moi itohan da ma. ¹⁴ ọ ki daghe ele, ada yi ele "bha kha khia ri egbe nọ sẹbha mia eni ohen". Bi eki khian, oti da si ele bhi egbe re. ¹⁵ Bhi eghe ni ukpokpa bhi ẹwẹle ki rẹ daghe khi egbe dan ọlẹn, ọda fi ọdenegbe, ọ da kha mui oriri ji osẹnobulua bhi ukpuru uru nọ kakale. ¹⁶ oda de ri egbe so otọ bhi odalo nọ si Jesu, oda khuemi olẹn Eghe na, ọi samarita ọkhin. ¹⁷ Egheni Ijesu da yi ọle, ọ be yi bha igbe oti si ibha bhi egbe re? eni ituan isilen nekẹle ki bho? ¹⁸ Abha mien emon otọ nekele ne fidọnọ dọ mui oriri ji osenobulua gbera oni oriobhe na? ¹⁹ Oda yi ọle, "Kpanọ nu kha khian. Urebhọ nọ sẹ ọle mui egbe danlan. ²⁰ Eni ifarisi ki nolen egbe ni eguae nọ si osenobulua rẹ vae, Ijesu da wani ele, yi ele "ọ yi amama gbelo kotọ mie uvade nọ si ẹguae nọ si osenobulua. ²¹ Eei da yiẹ 'Ghe, ọ ri bhi ena la ọ ri bhi eni, ramude eguae no si osenobulua ọ ri bhi eke e. ²² ọda yi eni edibo ne si ole, ẹghe vade nọ re kha yebha ni ibha rẹ miẹn ẹghe nọ si ọmọn no si okpia (Agbọna) okpanọ bhai da daghi ọle v 23 Egheni edẹ yi ibha, 'ghe eni la ghe ena, okpanọ bha khian dagbare la ni bha nẹ rẹkhan ele ²⁴ Ramude, be ji ukpa re bhala dagbare na bhi okhu rebhẹ iri ọ da kha khi bhi eghele no si Omọn nosi okpia (Agbona). ²⁵ Okpanọ ena kue sunu, ọdẹ ka loya bi eni otu agbọna dẹ họ ²⁶ Bi eji ọ ka rẹ sunu bhi ẹghe nọ si inoa, iri o la yẹ dia bhi eghe nọ si omon nọ si okpia (Agbona) ²⁷ Eda le eda da, eda ne ikhuo, eda yiẹ ri emon nọ dọ, ọ kuẹ dọ si ẹgbe ni inoa re dọ nabhi okọ-oni ukpa ologbo nọ kakale da vae, guọghi erebele a. ²⁸ Bi eji o ka re sunu, iri o si ẹyẹ dia bhi ẹghe si llọti-eda le, eda da, eda dẹ dẹ, eda khien, eda re kọ, eda yi ẹ bẹni uwa ²⁹ Okpanọ, ẹdẹ ni iloti kpanọ si bhi otọ isodoni re, eren da ni okhu rọ kuọ ele, oda tuẹ ele rebhe a. ³⁰ Bi eji ena rebhe rẹ sunu, iri ọ khian yẹ dia, bhi oni ukpẹdẹ nari ọmọn nọ si okpia (Agbona) ma. ³¹ . Oni ukpedeni, ọnọ ri bhi okoghu uwa, ole khai ruẹn re dọ kha ni emin nọ si ọle dagbare, iri ọ se yie khin ji ọnọ ibhi ugbo, ole khai fi kie. ³² Yie okhuo iloti re. ³³ ọnọ guanọ nọ himi elele nọ si edagbon nọ si ole, ode ni ọn, okpanọ ọni edagbon. no si ole nili, ode ki e mi ọn. ³⁴ Mẹn tama bha, oni ukpasu ni, etueva e kha ri bhi okukhuo. A ki ri ukpokpa, a ki zi ọnọkẹle abọ. ³⁵ ikhuo eva ki kha ni emin. A ki ri ukpkpa, a ki zi ọnọ kẹle obọ ³⁶ Ikuku. Ene mẹn nẹ bhi ebe nẹ dẹ dẹ e mọi ulọn ene ri bhi egbọeva. ³⁷ Etuan eva de khai ri bhi ugbo A kiri ukpokpa, a ki zi ono kẹle obọ. Eda nọ ọlen, "Ji ela, Ebeyanman,? oda yi ele, "Eji ẹlamẹn yie, ughulu de si kokore bhi eni.