¹ Ijesu da tamanlẹn enidibọ ne sọle,okpẹa ọ so da a ribhọ nọ fe ọ da bhọn ọ gbẹlo ghe ebọ bholẹn rebhe, e da tamanlẹn ọnọ gbelo ghe bhine sọle ọ gbẹlo ghọle nọ sẹn. ² Ọ no'kpẹa nọ fele da tatiọle nọlẹn be khọn no ni imẹn họn da e tamabhẹn e bu uwẹ rẹ rebhin khianye. Uwẹ yẹ da a gbẹlo ghe ebhin ne sẹn bhẹn. ³ Ọnọ ọria nọ gbẹlo ghe ene bhin da yiọle be bhọ imẹn akkilu ye nian, bena miẹn ebianlẹn mẹn khia dọ miẹn bhẹn ihe nọ sẹn mẹn. Imẹn da sabọ tuhio. bi ẹkhọ yẹ lo bhẹn ni imẹn arẹ a bhia ebhin. ⁴ Imẹn lẹn ebi imẹn a lu yẹ, bena a da miẹn akin khu bhẹn sibhin iwena re imẹn kin miọn ọmọn are bhẹn na bhẹ ẹ kọ uwa. ⁵ Eni ọ da datie ene bhọn ebianlẹn osa rebhe, ọ da nọn ọni ihẹnhẹn eka uwẹ bhọn ebianlẹn bhẹn. ⁶ Ọ da tamanlẹn igalawa abhin egbọisẹn, ọ da yiọle jẹje dọ tua fiọdenọ jio bhin igbe yian egbọ eva. ⁷ Eni ada gbo nọ ọnọ zeva, eko osa uwẹ bhọn ebianlẹn bhẹn, ọ da yiọle egbọ ọka egbọ isẹn, ọ da tamanlẹn fiọle denọ jiọ bhin egbọ ene. ⁸ Ọ ne ebianlẹn ọnọgbelo ghe bhin nọsọle no obọ bhakhia ranmude ọ lue ebhin ewanlẹn, ghe imọn nọ sọ ọnagbọn wane bhu uwedẹ nẹ rẹ ibo ele lue ebhin gbera imọn ọ sẹ ẹfua. ⁹ Imẹn tamanlẹn, urẹ ẹfe nọ bhẹn zin iko khian be jia da miẹn ọ a kin kpanọ, eki re ẹ na bhe ejele da jiẹn ẹdẹdẹ bhẹn dẹ. ¹⁰ Ọ nọ genrẹ ru ukpe mie ebhin khian ọle a yẹ sabọ ru udedeọle khian, ọ ne bha genrẹ ukpomiọnlẹn khian ọa yẹ sabọ ru udedeọle khan. ¹¹ Amiẹn uwẹ bha sabọ rẹ ẹfe nọ i bhẹn khian, ọ a kin sabọ rọ ọnọbhẹn niyẹn. ¹² Amiẹn uwẹ bha sabọ re ebhin nọ so aria khian nọ sẹn ọbhọ a kin re igho niẹn rẹ dọ ọsẹ. ¹³ Egbọnbhan dia ribhọ nọ a sobọ ge ebianlẹn eva, ọ a huẹ ẹbhọn ukpọkpa ọ kin he ekon ọnọ kẹle, ọ a gu ukpọkpa nọ sẹn ọda gọ ọnọ kẹle nọsẹn. Uwẹ da sabọ gọ esonobula bi ẹfe. ¹⁴ Ejaye na eni Ifarisis ne huẹ ẹbhọn igho da he ebọ tayẹ e da ru unu gbọle. ¹⁵ Ọ da tamanlẹn, bha ghe egbe be ne khiale bhin iyalo ẹbho, ọkpanọn osẹnobula lẹn ọkhọ bha. Eba agbọn mu gede ọ ie sono osẹnobula. ¹⁶ Enu uhi bi eno ohẹn kie ebe a wena rẹ sẹ bhẹ eghe Ijọni, rẹ nẹ ẹghe ni rẹ se ejayena, ebhọn ẹgua osẹnobula aki tale, ebho re bhe guanọ ne re idudu na bhọ. ¹⁷ Ọkpanọn, olẹkhẹ nọ ọ na gbọna bi okhu rẹ gbe ra nu ukpẹ ẹbhin nọ sọ ọnu uhi rẹ gbera. ¹⁸ Ọnọ kirẹ akhin nọ khuo okhuọle fia re okhuọ ọbhebhe gboghẹle, ọnọ kirẹ riọ onọ okhuo na khufia gboghẹle. ¹⁹ Ejagena okpẹa ọ so da ribhọ no fele ne a muni ukpuọ nọ bhọn se yọ eghere bhe ọ da yẹ rẹ ẹfe nọ sọle ghọnghọn. ²⁰ Okpẹa ọso na tiọle Ilazarọs nọ a bhin ebhin ni itẹ vọnlẹn egbe da a ribhọ. ²¹ Nọ a guanọ nọ lene ebale nọ nu uka agala nọsọle denọkhua. Ọkpanọn awa ki vale dọ a nani itẹ nọsọle. ²² Ọ da dọ gbera ọnọ bhin ebhin da u enẹ ẹbhin da vale dọ muọnlẹn jiọ bhe eje Eburahamu ye. Ọnọ fele da yẹ u e da rọle tọ. ²³ Be nọ ki le ri bhẹ agbọn eran ọto, ọ da tuẹn ẹlo okhu da Eburahamu bhe ejere bi Ilazarọs bhe ejiọle y. ²⁴ Iriọ ọ da re so tale, aba Eburahamu bhọn itohan ghebhen u a jin Ilazarọs re no ju ukpobọ bha amẹn lon fiọ bhẹn bhu unu imẹn to khia bho ọne erana. ²⁵ Ọkpanọn Eburahamu da tamanlẹn ọmọn uwẹ ye re ẹghe nu uwẹ rẹ a ribha agbọn uwẹ miẹn ebhin esin la agbọn an Ilazaros ọ bha bhọn ebhin soso, ọkpanọn ọle ki min egbe fumẹn uwẹ ri bhọ ọbalọ. ²⁶ Rẹgbera ena rebhe gbe, udede uhio ribhọ na luọ bhọ, bena a da miẹn ene ri bhe ena da sabọ bu bhare, ene re bhe ejin bha ye da sabọ bu imẹn re. ²⁷ Ọnọ okpẹa nọ fele da tamanlẹn, imẹn bhin ẹ aba Eburahamu nu uwẹ jiọle jiọ bhu uwa nọ sẹn bhan. ²⁸ Imẹn bhọn ibhio ikpẹa isẹn, nọ dọ tamale be jiele da va e bhẹ ena dọ lo oya. ²⁹ Ọkpanọn Eburahamu da tamanlẹn, Imosis bi eno ohẹn ribhe ejele ye e ka ele ehọ. ³⁰ Ọno okpẹa nọ fele da waniẹn, eye, aba Eburahamu, ọkpanọn a miẹn ọnọ u kpanọ bu ele eki fiọ ọkhọ denọ. ³¹ Ọkpanọn Eburaham da tamalẹn, a ha miẹn ele bha kihin Imosisi bi eno ohẹn ehọ ede yẹ riobhọ sọ ọno u a rẹ kpanọ bu ele.