¹ Ejayena ene miẹn igho uhunhun bi ene lue ebhin ebe ne kẹle da bui Ijesu re ne dọ ka le ehọ. ² Eni Ifarisis bi enegbe da gunẹn ẹzọ jie egbe nọ sele, tale, ọno okpẹana ọ miẹn elue ebhin ebe bhe egbe, ọbho yẹ daba ele le eba. ³ Ijesu da kpa o ni itan na mai ele yiọle. ⁴ Ọ a bhẹ ẹwẹ ibha nọ a bhọn ohuan egbe isẹn, amiẹn ukpọkpa da u a nọn da zi ene okpa ribhe ogbọ isẹn obọ dọ a gua nọ ọnọn u a ni khian bhe ẹkẹ ẹwẹ rẹ sẹ ẹghe nọ a rẹ miọnlẹn. ⁵ Ẹghe nọ a kirẹ miọnlẹn ọki muọnlẹn finu uru aghọngho. ⁶ Ẹghe nọ a kirẹ su uwa ọle ki tie ikokhian bi ene ele koko niyen. Ọki tama ele ibha de ba bhẹn ghọnghọn ọno ohuan nọ siẹn bhẹn na rẹ u a ọkpanọn imẹn miọnlẹn. ⁷ Imẹn tamalẹn iriọ eghọnghọn a yẹ rẹ a ri bhẹ egua okhu so otuọn ọkpa nọ lue ebhin ebe fidenọ, gbera etui ọkpa ri bhe egbo isẹn ne guanu ufidenọ. ⁸ Okhuo ne a bhọn ikpọ oze igbe, ukpokpa a nọle u a no da ruo urukpa re uwanhẹn gbọni uwa re bhe gbe ẹlo kotọ aguanọ rẹ sẹ bhe eghe nọ a rẹ miọnlẹn. ⁹ Ẹghe nọ a kirẹ miọnlẹn ọle kitie ikokhian bi ene da ba le niyẹn rebhe, tare, ibha de ba bhẹn ghọngho anu ukpo ọze nọ ne bhẹn u a imẹn miọnlẹn. ¹⁰ Benọjariọ, imẹn tamalẹn, eghọnghọn ri bhin iyalo nọ se ene ehi bi osẹnobulua sọ ọlue bhin ebe ọkpa fidenọ. ¹¹ Eni Ijesu da yiọle, okpẹa ọ sodaa bhọ imọn eva. ¹² Ọni khere nọ ribhọ da tama abe le, aba, fu uku nọ sẹn bhẹn mẹn, iriọ ore ghale a nele. ¹³ Bhẹ ẹkẹ ẹghe nọ bha re gbe, eni ghere da mune ebhin nọ sọle jiọ bhe ejerele, eni ọ da ria eba abale rẹnalẹn oebhe bhu u niyẹn bhin nọ bha gba. ¹⁴ Ẹghe nọ kirẹ no ọni ebole bhọn foh ukhubhu nọ kakale da fin bhọ ọnẹ ẹbhoh ọle bha yẹ a bhọn ebhin. ¹⁵ Ọ da mu egbọle ni ọria bhọnẹ ebhọ nọ rie a wena, ọnọ ọria dọ jiọle nọ dọ a re eba nu une. ¹⁶ Ọle ki a re eghọnghọn le eni iku nu une le ranmude ọria soso bha a mu eba nalẹn. ¹⁷ Ọkpanọn, ẹghe nọ ọnọmọn ni khere kirẹ vae bhe ewan nọ sọle, ọda tale, ene miẹn ẹsọn na aba bhe re bhe min ebule le, no ohanbhẹn da gbe gbẹn an bhe edanna. ¹⁸ Imẹn de kpanọn si bhe enare ibua aba mẹn, imẹn ki tamanlẹn, aba, imẹn lue ebhin ebe da egua okhu bi uwẹ. ¹⁹ Imẹn bha yẹ se ebea ki ọmọn nọse rẹ mẹn ki egbọnhadia nọse ne wena niẹn. ²⁰ Iriọ ọnọ ọmọn ni khere da kpanọ bu aba le re, ọki fẹkẹ sikẹ uwa abale da daghọle ọ da bhọn ẹkẹ ẹjẹjẹ ghọle, ọ da ru une bu ọle dedọle fiofiole unu. ²¹ Ọnọmọn da tamalẹn, aba, imẹn lue ebhin ebe da ẹgua okhu bi uwẹ,imẹn bha yẹ se ebe a kiọn ọmọn nọ sẹ. ²² Aba le da tamai egbọnghọn dia nọ sọle, ẹjẹjẹ mu igbu nọ bhẹn nẹre, u a mu yiọle, u a yẹ oe ukpolika ọle bho obọ, u s yẹ ne ibata ọle bhe eran mẹn. ²³ U a mui ohuan nọ hune gbọlr a, ibha jin ma aghọnghọn. ²⁴ Ghe ọmọn nọ siẹn mẹn rẹ u bhin, ejayena ọki niyẹn bhẹn, ọriẹ u a, eja yena aki miọnlẹn. Eni eda muhẹn eghọnghọn. ²⁵ Ejayena ọmọn nọ sọle nọ ọdiọn da ribhẹ ẹwẹ. Be nọ ki a sikẹ uwa, ọ da hẹn bhẹn ilo bi ikhiẹn. ²⁶ Ọda da tie egbọnbhan dia nọ sọle ọkpa ọ da nọlẹn be kho na. ²⁷ Ọ ne egbọnbhan dia da tamalẹn "Obhio e vale bhu uwa abe gbe ohua no hune a, ranmude ọ miọnlẹn bhe egbe bhọ ọkhọ re bhe. ²⁸ Ọmọn nọ ọdiọn ẹkẹ da a khọle ọbha yẹ ka na bhu uwa,eni aba le da buọ le re bhiọle. ²⁹ Ọkpanọn, ọmọn nọ ọdiọn da tama aba le, ghe, ene ikpe ne bunbun na imẹn da miẹn ẹsun niẹn, imẹn bha sẹ ro obọ gbera ebu uwe tama mẹn, sẹyẹ uwẹ bha sẹ mu ukpo miẹn ebhe mẹn bi emue bhẹn yẹ rẹ ghọnghọn. ³⁰ Ọkpanọn, ẹghe nọi ọmọn nọ sẹ nọ ria ebhẹn nọn sẹ a rẹ muna agbile uwẹ da ghi ohua nọ hune a. ³¹ Aba e da tamalẹn, ọmọn, eghere bhe uwẹ re ri bhe ejin imẹn yẹ, e bi imẹn bhọn re bhe osẹnọ. ³² Ọkpanọn, ọki e ebe gbale ni iman rẹ a ghọnghọn ọno obhio e na re u bhin, ejayena aki niyẹn bhẹn, ore u a, aki miọnlẹn nian.