¹ Ẹghe ne enemin kirẹ gbra fo, Ebianlẹnman daze etun igbe yan egboloea jele etun eve eva kalo nanlẹn akhin ọnẹn agbaẹbho bi ọni eje diakele nọn olea guanọ nọn le ha khian. ² Ọda taman ele, "Ọni inebale koko ọi bumin, ọkpanọn, ene wẹnan ebha bun. Ranmudọnan nọn Ebianlẹn ọne ebale koko nọn je enewẹnan ha khiẹn ọnugbo inebale koko. ³ Bha ha khiẹn ọsẹbha. Bhaghe, mẹn Ijiebha ha khian bi eno ohuan ne ribhi ẹkẹ oguoghoguogho. ⁴ Bhahẹ ri ẹkpa nin igho ye, la ẹkpa nan rẹ yi ẹbholo, la ibata, bha hẹ tuẹ ọria soso bhu ujedẹ ⁵ Uwa nin bha kirẹsẹ bha nabhọ, ọhẹnhẹn bha tale, 'Ọfure ni ọnu uwa nan dia!' ⁶ Ọmọn ọfure ha ri bhi enin, ọfure nọn sẹ ọkhi nọn dea, aha miẹn ọribhọ, ọnọn ọfure khi buẹre. ⁷ Debhi ọnu uwa ninan, lebale muan amẹn ọn beje rẹ rẹbha, ranmude ọnọn wẹnan mieko esọn nọn miẹhlẹn. Bha hẹ ha nabhi ukuwa ukuwa khian. ⁸ Agba ẹbholo nin bha kirẹ nai, enan miẹn bha bhi egbe, lebale ne munọn ni bha. ⁹ Bha re egbe dan ene khọẹnmọn ne ribhi enin. Tamaele, "Ẹguale nọn si osẹnobulua, ọki buele re." ¹⁰ Agba ẹbholo nin bha kirẹ sẹ ada miẹn ebha miẹn bha bhi egbe, bha nabhi ọnujẹdẹ tale, ¹¹ 'Ebubu nọsẹ ọnagbebholo nan nọn tue mab bhi oranmẹn only la sọsali gbebha! ọkpanọn,bhalẹn ọnan: Eguale nọn si osẹnobulua ọsire. ¹² Mẹn tamanbha ọni ukpẹdẹ nin ọle la mẹn nin sodọm gbera ọnan agbaẹbholo nin. ¹³ Ihẹnlẹn ọsẹbha, Ichorazin! Ihẹnlẹn ọsẹnobulua, Ibẹtsaida! ọni idede iwẹnan nan nuluibha de aluọle bhi Tyre bi sidọm, ikhan efidenọ ẹghe nọn rele, ehi ri ukpọn emọn dotua. ¹⁴ Ọkpanọn, mọn bhẹn ni Tyre bi sidon ẹdi iguẹzọ gbera bha. ¹⁵ Ibha nin Ikapanọm, ibhata man sibha okhunlun nin bha rẹ na bhi ẹgua okhun? Eyie, man mun bha fi bha agberanlẹn. ¹⁶ Ọnọn kabha ehọ ọle kamẹn ehọ, ọnọn he bha ọle yẹ gbọ he mẹn, ọnọn he mẹn ọle họ ọnọn je mẹn." ¹⁷ Eni Igbe yan egbolea da re eghọnghọn kiere, ha tale, "Ebianlọẹman, enoju uu rehọ bhan bhọ bhẹ ẹkẹ elin nọn sẹ." ¹⁸ Ijesu da taman ele, "Mẹni daghe Eliminebe no okhunulun dere bi avan. ¹⁹ Bha daghe, mẹni ri ọda bha nin bha re ri awẹ yan ẹyẹn bi enan akpin bi enan ahu rebhe ọsi ene eyian man emin soso khian la ruan bha. ²⁰ Ọharediarọ bha hẹ ghọnghọn bhọnan gbe, eno oriọn hẹ mọnlẹn ibha, ọkpanọn bha ha ghọnghọb elibha agbọnlẹn bhi ẹgua okhunlun." ²¹ Ọnẹn ẹghele nin ọda manman ghọnghọn bhọ bhẹ ẹkẹ ọriọn nọn khiale ada tale, 'Mẹn gẹn bha, Aba, Ebianlẹnman nọn ribhi ẹgua okhun bi ọnan agbọn nan, ranmude ọi rọre enemin nan rẹko je enumọnwanlan ọda zọ egbere rẹ gi enebhalẹn bi ẹbhokhan. Iriọnọn, Aba, bejọ rẹ dia uwẹ bhẹ ẹlolo nọn sẹ. ²² "Uwẹ mun eminrebhe mẹnbhi abọ Aba, ọnọn lẹn ọnọn ọmọn khin ribhọ gbera Aba, bi ọnọn lẹn kọ, Aba khin ọi ribhọ gbera ọmọn bi enọn ọmọn zẹle nọn rẹẹ man." ²³ Ọda ne ẹni ọdibo nọn sọlo fẹkẹ talọ bha akhokho, "Erọnmọn anan ne ene daghe ebi bha daghe. ²⁴ Mẹn tamanbha, eno ohẹn bi enin yẹ guanọ ne daghe enemin ni bha daghe, ebha sabọ daghele, bi nerẹhọn ebi bha họnlẹn, ebha sabọ herebhe." ²⁵ Dọghe, ọkpanọn, manman tie ebu uhi nọn ribhi ẹwẹle da ha dọnmọnlẹn, ọda tale, 'Ọmanebe, bi mẹn alu nin mẹn rẹ min ẹguaokhunlun?" ²⁶ Ijesu da tamanlẹn, "Ba gbẹn bhi bu uhi? Bu uwẹ rẹ tiọle yẹ?" ²⁷ Ọda re ẹwaniẹn bhọ tale, "Uwẹ khi ẹmọn osẹnobulua bhẹ ẹkẹ udu nọn sẹẹ, bi ẹkẹ ọkhọle nọn sẹ, bi ewanlẹn nọn sẹẹ, bi nin hoẹmọn ọnọn diake mẹn be egbe nọn sẹ mẹn." ²⁸ Ijesu da taman ọlẹn, "Uwẹ waniẹn nọn sẹn. Dọ lu ọnọn, uwẹ khi ayẹnlẹn." ²⁹ Ọkpanọn, nọn rẹọle ebọle tale oimẹn bhi, ọda taman Ijesu,"Kọ khọ nọn diakemẹn? ³⁰ Ijesu da rewaniẹn ọle bhọ tamanlẹn, "Okea ọkpa da ha ribhọ nọn nin Ijerusalẹm khi Ijẹriko. Ọda de bhi ẹwẹ enozigan, ne miọnlẹn ebọmọnlẹn, gbọ ọle zọbọ ọkẹ ikhere nọn rẹ yuu. ³¹ Ohọn ọkpa da dọ kha ribhọ nọn rẹkhan ọnu ujẹdẹ nin, ẹghe nọn khi rẹdaghọ ọle, ọda nin ibo dẹ nọn kẹle. ³² Iriọyẹnọn, Ilẹvati ọkpa da yẹgbo na bhi ọno odẹ, ẹghe nọn khi rẹ da ghọle, ọda run ibodẹ nọn kẹle. ³³ Isamaritan ọkpa da do kha ribhọ, nọn yẹgbo rẹkhan ọnodẹ, ọda se ejiọ ye. Ẹghe nọn khirẹ daghọle, ọda mọẹn ọkhọ ajeje ghe ọle. ³⁴ Ọda sikẹ ọle gbanọle ọnu ukuanbhi, ọda rabhi abbi bi ayọn gbanọle.Ọda mun ọlẹn yan uki elemẹn nọn sọle, ọda vae bhi ẹkẹ ọno umin uwa, gbalo ghe ọle. ³⁵ Ẹdẹ ki we, ọda ne ikpi denari eva, ne ni ọnọn gbalo ghe ọnọ mi uwa tamanlẹn,'Gbalo ghe ọle, eka nun uwẹ khire gbalo ghe ọle nọn gbera ọni, mẹn hei vae, mẹn khi haẹ osa.' ³⁶ Kọnọn bhẹ ẹwẹ enin etunea nan nọn khi ha ye ọnọn sikẹ ọle nẹ ọne ozigan gbele?". ³⁷ Ọda tale, ''Ọnọn mọn itohan ghẹ ọle.'' Ijesu datamanlẹn, ''Akhian uadọ lu riọ.'' ³⁸ Ẹghe ne khirẹ ha khian bhi ẹbho bhọ ọnu jedẹ, ọda na bhi ọnigule, iriọ okhuo ọkpa nan tiọle Imanta da tuọ ọle obokhian vae bhi uwa nọn sọle. ³⁹ Ọda mọn obhio ọkhuo natiọle Imẹli, nọn dọ tua bhi iyalo nọn si Ebianlẹnman ha ka ehọ ẹmọn nọn sọle. ⁴⁰ Imarta da manman ha guanọ ebale bi ebọ rẹghale yẹ. Ọda bui Ijesu re tamanlẹn,"Ebianlẹnman, uwẹ bha daghe obhio imẹn nọ okhuo wo zẹmoba nin mẹnọkpka ha gha ebale? Ranmudọnan tamalẹn nọn dọ de bamẹn rẹkpa mẹn." ⁴¹ Ijesu da re ewaniẹn bhọ tamanlẹn, "Imanta, imanta, uwẹ wo banegbe bhi emin ne bunbunlun, ⁴² Ukhemin ọkpa manman kaka. Imeli zẹ ọnu ukpemin ọkpa nan nọn, bhẹn nẹ, na bha ha sabọ rẹ miọnlẹn le.