¹ Ọda sunu ukpẹdẹ ọkpa Ijesu da a nerọnmọn bhi Ijeso. Ẹghe nọ kirẹ nalẹn fo, odibo ọkpa nọ sọle tamalẹn, ebianlẹn, mabhan ebarẹ nerọnmọn yẹ be ni Ijọni rẹ ma enidibo nọ sọle e. ² Ijesu da tamalẹn u nerọnmọn yiọle, aba jẹ elinen a khẹn ọghọ bọ nọ khiale jẹ ejie ẹ vale. ³ Fie eba bhan le ẹdẹdẹ. ⁴ Re ebhin e ebe ni mu lu huma khan be ni ma rẹ huma ene lu bhan ebhin ebe. Ẹ su bhan na bhe edọn bhẹn. ⁵ Ijesu da tamalẹn, ọ bhẹ ẹwẹ ibha nọ a bhọn ikokhian, ọki buọ le re ọsa asọn ogidiẹn, ọki tamalẹn, ọmuẹ nei ikpi ibulẹdi ea bhẹn foh. ⁶ Ni khe ele iko khian bhẹn nu uwẹ dẹ vale, imẹn bha mi e ebi imẹn a re nalẹn. ⁷ Eni ọnọn re bhẹ ẹkọ uwa ki waniẹn lẹn tamale, ekpokpo bhẹn, imẹn ki khuo odẹ foh, ibho khan bhẹn no wẹ bhu uki ukhu khuo, imẹn da sabọ kpanọ re ibulẹdi nu uwẹ gua nọ ni en. ⁸ Imẹn tamalẹn, a arẹ miẹn ọrẹ sabọ kpanọ riọ ni ibulẹdi, ranmudọ ọni iteo khian lẹn, ranmudi ẹkhọ bha lu ọ le, ọki kpa nọ re ni en eki ikpi ibulẹdi no le rẹ agua nọ. ⁹ Imẹn yẹ tamalẹn, nọ aki rẹ ni en, guanọ uwẹ ki mẹn sobọ bho odẹ, ọki tu je ni en. ¹⁰ Ọ ria nọ rẹ nọ rebhe ki miẹn, ọ nọ guanọ ọki miẹn, ọ nọ kirẹ sọbọ bho odẹ ọki tujie. ¹¹ Aba ne a ọmọn nọ sle a nọ ehẹn, ọki rẹ ẹnen nalẹn. ¹² Ọ a kiyọle nọ rẹ ẹkẹn ọkhọ nalẹn ọ rẹ akpin nalẹn. ¹³ Benọ kijia iriọ, a miẹn ibha alu ẹbhin ebe lẹn eba rẹ re ebhin esii nọ ọmọn, e keka ki aba bhan nọ ri bhe ẹgua okhu a re ahu ẹ elibhin nọ khiale ne e ne nọlẹn. ¹⁴ Egaye na Ijesu da a khua ahu nọ bhẹn si bho odin bhe egbere, ẹghe nọ o na ahu kirẹ siọle bhe egbere ọ da a talọ, eni ilo da han ebhore bhe. ¹⁵ Ọkpanọn, ẹbho eso da yiọle ahu ibezebọ no ojie elin bhe ebe ọle ọ rẹ khue elin bhe be kua. ¹⁶ Eso da a dọn bhan tamanlẹn nọ re aman nele nọ nẹ ẹgua okhu vale. ¹⁷ Ọkpanọn Ijesu da lẹn ebe ele ria bhọ okhọ ọ da tama ele, agbe ejie nọ kirẹ ghala ọ ki de, uwa nọ ghala ki de. ¹⁸ Amiẹn ẹlin bhe ebe gha egbọle a, be ejie nọ sọle a rẹ mudia yẹ, ibha yiọle imẹn ra ahu ebe khua elin bhe ebe. ¹⁹ Amiẹn ahu i ibezibọ imẹn rẹ khua ahu nọ bhiẹn, ahu ne a ibho khan bha kirẹ khu ele fia, ele aki bho ohiẹn bha. ²⁰ Ọkpanọn amiẹn obọ nọ osẹnobulua imẹn rẹ khuẹ elin bhe ebe kua, agbe ejie nọ so osẹnobulua ki bu bha re. ²¹ Amiẹn ọ okpẹa nọloto nọ bhọn e bhin o khọnlẹ khẹ uwa nọ sẹ, ebu uwe bhọn lẹn kin miu ugu e. ²² Aki miẹn ọ nọ toto nọlẹn da mio obọ ko khu ne, ọ no toto neni ki ne ebhin okhọn nọ sọle nọ le rẹ degbe nian ọki ne ebhin nọ gbẹ lo ghere bhe. ²³ Ọnọ bha de ba bhẹn ki kio agian bhẹn, ọnọ bha ne bhẹn kughe ki zaya. ²⁴ Amiẹn ahu n bhẹn siọ ọria bhe egbere, ọki a khian guame ojiole a dia, aki miẹn ọle bha miẹn, ọki yiọle, imẹn de kie jiọ uwa ni imẹn da kpanọ. ²⁵ Ọki vale ke re o nu uwe agbọnọle a. ²⁶ Eni ọ kidọ tie ahu ihiọn ne kaka nọle, i ẹn nọ sọ ọnọ ọria ẹghe na ki gbera ejiọ ka a ye. ²⁷ Ọ da sunu bhẹ ẹghe nọ kirẹ te e ne ebhọnlẹna foh, okhuo ọso da so dagbare bhẹ ẹwẹ ene ẹbho ọda tamalẹn, erọnmọn ọsọ ẹkẹ nọ bẹẹ bi ọni inyẹnlẹn nu uwẹ da re yẹnlẹn. ²⁸ Ọkpanọn, ọ da tale, ibha bhọ mi erọnmọn nẹ ibha ne hẹbhọn osẹnobulua ne rẹ lu. ²⁹ Ẹghe nẹ ẹbho kirẹ abun, Ijesu da mu hẹn a tale, ọni orẹna ki agbọn orw ọ se ebe nọ guana ama, ama ribhọ na a rẹnẹle gbera ama nọ si Ijọna. ³⁰ Be jin Ijọna rẹ ki ama jin ininivẹfi, iriọ ọmọn nọ so okpẹa a yẹrẹ ki ama rẹ jin orena. ³¹ Ọni Quini sẹba ki mudia ni ẹbho agbore na guẹ ẹzọ ọki mi obọ kokhu nẹ ọle nẹ ejierẹle vale dọ hẹn ẹwanlẹn nọ si Isolomọn, ghọ ọria nọ gbera Isolomọn. ³² Ẹbho ne bhi inimiveti ki ni orena guẹ ẹzọ eki mi obọ ko khu nẹ, ele fo ọkhuọ de nọ ẹghẹ ne rẹ hẹn bhọn Ijọna, ghe ọnọ gbera Ijọna ribhena. ³³ Ọria ribhọ nọ a ru ukpa ru ọki mu rẹkoh, ọki yi riọ omu fiọ bhe elo okhuale, ọkpanọn aki mu fiọ bhe e ja mu ukpa ọ be ejẹ ẹbho re bhe a dee rọle daghe. ³⁴ Ẹlo ukpa nọ se egbe, amiẹn ẹlo ẹ bhẹn bhin egbe eki a bhọn ukpa. Ọkpanọn aki miẹn ẹlo ebhin ebiu uki ki a riẹbhe egbe. ³⁵ Benọkijairọ bhọn ẹwanlẹn nu ukpa nọ se eki ebiu uki. ³⁶ Aki miẹn egbe nọ sẹ rebhe bhọn ukpa, ada miẹn eje ebu uki ye ribhọr, eni egbe nọ se ki jabu orukpa nọ bha bhin ijẹre bhe. ³⁷ Ẹghe nọ kirẹ tenọ ọta na foh Ifarisisi okpa da tmanlẹn nọ dọ de bale le ebale bhin isọle Ijesu da rẹ khanlẹn do tọ a. ³⁸ Ọ ifarisis egbe da wọle ranmude Ijesu bha kpo obọ a foh ọkẹ ale ebale. ³⁹ Ọkpanọn, ebianlẹn da tamanlẹn, ejayena, ibha ni ifarisis ibha a kpin ikeku ukpu bi ikeka ọkpan ibha kpin odalo ọle, ọkpanọn ẹkẹ bha ẹlobhọ bi ebhio ọbe vọnlẹn. ⁴⁰ Ibha ne bhọn ẹwan, oyiọ ọnọ mẹn ẹkẹ ọ le yẹ me egbegbọle. ⁴¹ Kpẹ ẹkẹ ọle ebhin ne bhẹ ẹkẹ ọle rẹbhe ki a bhọn sẹ. ⁴² Ọkpanọn ihẹn ọsẹbha Ifarisisi ranmude ibha miẹn okpẹa bhin igbe bhin ebhin rebhe ni bha konọn bhe ugbo, ọkpanọn ibha rẹlo gbin ebhanta bi ahuẹ ẹbhọn egbe nọ so osẹnobulua. Ọkhẹkẹ na rẹ te ẹbhọn ata bi ahuẹ ẹbhọn egbe nọ sọ osẹnobulua, uwẹ da ye hie nu uwẹ rẹ lue ebhin nekẹle. ⁴³ Ihẹn ọ sẹbha Ifarisisi, ibha hue ẹbhọn ọdalo na dia bhu uwa nọ so osẹnobulua bi otuẹ na tue bhẹ ẹki. ⁴⁴ Ihẹn ọsẹbha, ọ yẹ bha ni bharẹ gue idin, na miẹn ẹbho rẹ agera bhọ eda lẹn. ⁴⁵ Otuọn ọkpa nọ mama lẹn uhin da yiọle oma -ebhin ebu uwe tale yẹ kiẹn ezọzọ rẹ jin ibhan. ⁴⁶ Ijesu da tamalẹn, ihẹn ọsẹ bha ibha ne ma uhin, ibha mu ihẹ no khua nẹ ẹbho ne da sabọ mu, ọkpanọn ọnihẹ ibha bhọ ro obọ so. ⁴⁷ Ihẹn ọsẹbha, ranmude ibha bu uwa bhi idin nọ si eno ọhẹn, enẹ biẹ bhude bhọ gbone eno ohan. ⁴⁸ Ibha kin ọsẹi ibha yẹ robọ bho ghe ene bie bhade gene gbone ele a bha da bu uwa bhọ ni idin nọsele. ⁴⁹ Ranmudọna sẹyẹ, avan nọ so osẹnobulua rtale, imẹn de jin ohẹn bi Apostos gẹle, ele kin kpokpe ele ekin gbone eso abhọ. ⁵⁰ Ọna agbore na kin da a bhọn obọbhin bha aran nọse eno ohẹn ne gbono a rẹ no omuhẹn nọ sọ anagbona. ⁵¹ Re nabhin aran nọ si Abẹ do si aran ọsi Izakaraya, ne gbe a bhu uwa nọ so osẹnobulua. ⁵² Ihẹn ọsẹ bha nelẹn uhi, ranmude ibha khue, ewan, ibha bhọ bha na bhọ, e ne ho ne na bhọ ibha dele idobolo. ⁵³ Ẹghe ni Ijesu kirẹ sibhe enire, eni gbebe bi eni Ifarisis da nọle gbugan rẹfẹ ebhi nebunbun. ⁵⁴ Eda feke guane ebe riọle bhu unu.