1 Ijesu da tie ene etub igbeeva si koko rẹ ọda re ahu nele nerẹ ha khuo ojuu fia, eki ha himin ene khọmọn rebhe. 2 Ọda jele dagbare ne ha tẹmọn eguale osẹnobulua, eki ha regbe dan enekhọmọn. 3 Ọda tama ele bha, '' Hẹi remin mọnlẹn sibha khian okhian. hẹi re igho ọbhẹ ẹkpa, la ukporan la ekpa igho la ebale la ukpọn ọzeve. 4 Uwa nuna ọ, debhe enian nurẹ ha khian uwa. 5 Eje ebha da miẹn bha bhe ki kha ekẹn sibhi eranmẹn re, ọni ki a sọ ọsẹli gbe ọnẹ ẹbholo nin. 6 Eda ha khian nabhẹ ẹbho rebhe, eda ta ẹmọn osẹnobulua , eda mu egbe dan bhi ijere bhe. 7 Ọnẹ ẹghe nan, Ihẹrọdi nojie da họn ebesunun, egbe da lọlọ le, ramude, ẹbho eso iyiọle hi Ijọni ọkpanọ bhi idin re, 8 Ebhebhe da yọ Ẹlaija ọgbo zegbe re, eso sẹyẹ datale khu ukpọkpa bhe ena akhasẹ nẹ ẹdẹlẹ. 9 Ihẹrọdi da yọle, ọle hian Ijọni uhọmọn an, nọ bhọ kigbo họni imẹn hẹn ẹmọn lẹn nan? ọda ha guanọ nọ ọle min olẹn. 10 Ẹghe neni idibo Ijesu kirẹ vae, eda tamanlẹn emin rebhe nele lulu, Ijesu da nele do kpanọ kha khiẹn ẹbho natiọle Ibẹtisaida. 11 Ẹghele ne ekutu ẹbho kirẹ họn, eda birẹ ha bu Ijesu. Ọda gbo obọkhian nele, ọda te ẹmọn eguale okhun man ele, ọda sẹyẹ re egbe dan ene guanọ egbee dan mẹn 12 Ejaye nan, ebili da kilo, eno odibo da bu Ijesu re yọle " Yenẹ ekutu ẹbho nan ne ha khian ene eka bi ẹbho nenẹga enan, ne dọ ho ebale dẹ, ranmude man ribhi ejọbhole iye. 13 Ijesu da yele, " Bha re ebale nele le. Eda yọle, "Irulu Iblẹdi isẹn, bi ikpe ehẹnlẹn eva ọle ele mọnlẹn. Udẹmin ọkpa ari bue dẹ ebale nele. 14 (Esi ikpea uli isẹn) Ijesu da yeno odibo ne gha ele ọbha agbo otu kẹkẹ bhi ije kẹkẹ 15 Eda lu ọna, eda ghaele ọbhi uje kẹkẹ rẹ dotọa. 16 Ijesu da ne eni Iblẹdi isẹn bi ehẹnlẹn eva , ọda gho okhunlun, ọda ne erọnmọn bhọ, idibo nesọle, neghale ne ene kutu ebholo nin. 17 Erebhe da le eda khọn. Ukhiomẹn ikhiọmẹn neki le keree, ọda vuọn okhuale igbe eva. 18 Ọda do sunun bhẹ ẹghe ni Ijesu kirẹ ha tuẹ, eni Idibo dayẹ ribheni ọda nọn ele "Aola ene ekutu ẹbho nan yiọ hi mẹn khun? 19 Eda waniọlẹn " Ijọni nọn miẹn amẹn, eso da yọle he Ẹlaya enekẹle yiọ Akhasẹ nẹdẹ ọle gbo vae. 20 Ọnẹ ghe nan, ọda nọn ele, họ bha ki yọ hi imẹn khin? Ipita da nia niọnlẹn "Ikristi nọso osẹnobulua." 21 Ọda gbu uhi nele nẹi ta ọna man ọsoso. 22 Ọda tale, " Ọmiokpẹa dẹi loya ne bunbun. Enediọn,eno ohẹnlẹn, bi ene gbẹn ebe, erebhe ki he ọle, eki gbọlea, ukpẹdẹ nọzea, ọle ki sibhi idin re. 23 Ọda taman ele rebhe, "Ọnọ ho nọle bumẹn re ọdẹi ze emin nebun bun obọ, ọki mun iklosi rẹkhan mẹn ukpẹdẹ ukpẹdẹ. 24 Ọria nọn nọle tobọle himin unyẹn min nọsọle ọki muọlẹn fia, ọkpanọn, ọnọ mun unyẹnmin nọsọle fia ranmude Elinlin mẹn, ọki nin. 25 Ọmẹn bela ọkhin jọnọ ọriọni sade họrẹ miẹn ọna agbọn nan rebhe bhe elele, ọki mun ahu nọsọle fai? 26 Ọnẹ imẹn bi ọta mẹn rẹ ẹkhọle lo, ọle la yẹ harẹ ẹkhọle lo ọmiokpẹa bhẹ ẹghe nọa rẹ vae bi oriri nọsọle bi oriri nọsa Aba bi ọse ene ẹhi nekhiale. 27 Itẹmọata man bha, Eso ne mudia bhe enan eida yu ọkhuese hele min eguale okhun 28 Bi ikpẹdẹ elẹnlẹn ni Ijesu tenẹ ẹmọn nan ọda rei Ipita, Ijọni bi Ijemisi mọnlẹn kha okokhun dọ tuẹ 29 Be jọ kirẹ ha tuẹ, ẹlo ọle da fidenọ, ukpọn nọsọle da fua bo okhun 30 Ghee, ikpea eva da ha nọle talọ: Imosis bi Ẹlaija, 31 Nezegbere bho oriri, eda nọle ta emọn ukpanọ nọsọle nọle la lu fo bhi Ijerusalẹm. 32 Ọnẹ ẹghe nan, Ipita bi ene ele koko dotoa da wẹẹ dade, ẹghe ne kire gbanọ ẹloloa, eda daghe oriri nọsọle bi eni ikpẹa eva ne nọle mudian. 33 Eki daba kpanọ bhe eji Ijesu ye, Ipita da tala, "Ebianlẹn, ọimẹnmin nin man ha ribhe enan. Ji man lu uwa ea, ukpọkpa ọsẹẹ, ukpọkpa ọsi Imosis, ukpọkpa ọsẹ Ẹlaija." (Ọbha lẹn bọ ọle ta) 34 Eje kida tọnan, ẹdudu okhun da dọ degugu ele. Ofẹn da mun ele hele kina bhọ ni ẹdudu okhun 35 UKpu rulu datale bho okhunlun, "Ọnan họ ọmọn mẹn, ọna zẹle, kale ehọ. 36 Ọnu ukpuru kitale fo, Ijesu ọkpa eki kere. Eda huẹn an, ebha taman ọsoso ebe ele miẹnlẹn bhẹ ẹgheni. 37 Ẹdẹ kiwe, eghe ne kirẹ ruẹn re bho okhun oke, ẹbho ne bunbun da bi rẹkhanlẹn. 38 Okpẹa bhẹ ẹwẹle da so dagbare yọle "Ọman eminlin, ibhiẹ nun fẹẹ ọmọn mẹn ghe, ọle ọkpa ho omin mẹn 39 Uwẹ miọnlẹn, ẹlimin ebe ro obọ le bhe egbe. Ọki zẹdotọa ọre so, ebeghomeran kiha luọle, ọki ha hu bhu unun kua. Ọike zọ ọle obọ. Ọki zẹni ikhuan khuan ọle bhe egbe. 40 Mẹn guini idibo nesẹ ne khuọle siọle bhe egbe re, ebhasabọ 41 Ijesu da tale "Bha no orele nei mọn urẹ ọbhọ. Ẹghela meane bha dea sẹ? re ọnọ ọmọn en re. 42 Ọno okhọmọe ki bu Ijesu vade, ọnẹ ẹlimin ojuu da mun ọno khan gbeọ bho otọ, ọda hun hun bho otọ bọ ọnọ ọwa gbe. Ijesu da vanhiẹn ọna ahu nọimẹn nin, oda himin ọnọ ọmọn re nan Aba le. 43 Ọda maman han ena agbọn ilolo bhi ikpọnọle nọsi osẹnobulua. Eje ki da ria ene min ọhan ilolo rebhe nọ lu, ọda taman eni idibo 44 Bha je enọ ọta na maman na bha be he ohọ. Ela khiẹn ọmiokpẹa jẹ ẹbho dẹ. 45 Ọkpanọn, ebha lẹn ba rọ ọnẹ ẹmọn nan ta. Ai rọle nẹko nele, ọle ele bha da lẹn. Ebarọle ta, ọre kiẹn, ebha gbudu nọn ebe ọrọ le ta. 46 Eda ha gbu ugan bhọ, họla la kiẹn ọnọ kpọnọ nẹ bhẹ ẹwẹ ele. 47 Ọkpanọn, Ijesu lẹn ebe ele ria bhẹ ẹkẹle, Ijesu da si ukpokhan ke egbe. 48 Ọda tama ele "Ọnọ miẹn ọnu ukpokhan na bhe egbe, bhe elọnlin nọsẹ mẹn, ọle miẹlẹn mẹn ọbhe egbe, ọnọ miẹlẹn mẹn ọbhe egbe ọle miẹn ọnọn je mẹn ọbhe egbe. Ranmude ọnọn khere nẹ bhẹ ẹwẹle bha rebhe, ọle họ ọnọ kpọnọle. 49 Ijọni da nianọlẹn, Ebianlẹn, man miẹn okpẹa nọha khu ahu ojuu khu bhe elinlin en, man da vanhiẹn ọlẹn, ranmude ọbha de ba manlẹn. 50 Hẹi yẹ gbe ele odẹ, Ijesu da yele, ranmude ọnọ bha ro obọ nyan manlẹn an, ọi dee ba manlẹn. 51 Ọnẹ dẹ kisi re narẹ muọnlẹn kha khian okhunlun, ọda rẹ ọbhọ hi Ijerusalẹm ọle a ha khian. 52 Ọ da je eni ikọ ka ha khian no dọmọn otọ ọ khẹ ọle. Eda h akhian dọ nabhi idumu nọsi Isamarita ne da mọn emin rebhe ọbho otọ khẹ ọle. 53 Ẹbho neri bhe eni bha miẹn ele ọbhe egbe ranmude họi ka yọ bi Ijerusale ọle khian. 54 Ẹgheni, Ijemisi bi Ijọni ni idibo kirẹ da ghọ ọna, eda tale, "Ebianlẹn, uwẹi ho min nan yẹ eranlẹn no okhunlun vae nọdọ tuẹ ele a? 55 Ọda tiọ orọlọ, ọda vahiẹ ele. 56 Ẹda ha khian idumu ọbhebhe. 57 Eki khian bhu uwedẹ, otun ọkpa dayọle, "Mẹn dei rẹkhan en, eju rẹ ri rẹ ha khain. 58 Ijesu da taman lẹn "Oaghan mọ uhio, Ifiamẹn neribho okhunlun mọn ekili, ọkpanọn, ọmiokpẹa imọn ejiọ a su uhọnmọn ọn. 59 Ọbhọ da taman ọbhebhe, "Rẹkhan mẹn." Ọni da yole, "Ebianlẹn, ka ji mẹn dọ tọ aba mẹn fo." 60 Ijesu da tamanlẹn, "Ji ene yulu da re ene yulu tọ." Bọ ọsẹ, hakhian dọ ha ta ẹmọn ẹguale osẹnobulua nega ijerebhe. 61 Ọria bhebhe dayẹ tale, "Idẹi rẹkhanlẹn Ebianlẹn, ọkpanọn ji mẹn ka dọ yi ibhokhan manlẹn ọkinbue." 62 Ijesu da nia nọlẹn, "Ọnọ ne obọ bhẹ ẹguẹ, ọ da ghi ikeke, ọbhasẹ ọnọ a na bhẹ ẹguale osẹnobulua.