¹ Akhasẹ ọhogholi buenẹbhore, iriọ emaebe esọhogholi dayẹrẹ bubhare. Eki fẹkẹ rẹ ẹkhokho re ẹmọn nọimẹn, nọnria ọkhọlea re, be nea rẹyẹ he ebealele nọndele. Ekia re uria ọsejẹje bhupukegbele. ² Ebho nebunbun kirẹ khan-uwedẹ nọnsele nọnbhagba, rẹnu-ukobọ nọnsele, uwedẹ ẹmọata ki kien ebarunuje. ³ Bhẹ kẹ Ihiẹnloze nọnsele,eki rọ-ọto omulu vuẹnbha. Uria nọnsele ki mọn rele nọn da vade, bi ufuẹan nọnsele ọiwẹ. ⁴ Osenobula bharẹ hunman enẹhi nelue emiebe. Nọnrẹdiariọ ọda munele nin Tartarus (Itatarus) ne muneleọ bhi ighan ọse-ebiuki dọrẹsi ukpẹdẹ Ibhuohien. ⁵ Sẹyẹ, ọbharẹhunman ọnangbọn- naka miẹn. Orẹdiario, ọda ri Noah gbakhua, nọnha tẹ-ẹmọi-ikhiale, deba enetuin-ihinlẹn nekẹle ẹghe nọn rẹ ro ologho fuẹn agbọn nebha-reọbhosẹnobula. ⁶ Osenobula gboyẹ shia-agbẹbho ọsi Isodom bi Igomorrah diọ bhẹ ẹmọn bi uria bhẹkẹ ofuẹan bi Iyama ọsebe da sunu rẹje enebhalẹ Osenobula. ⁷ Okpakino, reji Iloti nọn lueminọsẹn, eda ha ri uyẹnmin nọn bhagba yẹnyẹọnlẹn bhẹkẹbho nebhalẹọn- Osenubula. ⁸ Beja damiẹn ọnokpea nọn lueminọsẹn nọnha yẹn bhẹ-ẹwele ẹdẹrẹsẹbhẹdẹ, da ha mọẹn ọbalọ bhẹ-ẹkẹ oriọn nọnsọle ramude ebọle daghe bi ebọle họnlẹn. ⁹ Osenobula lẹn ebọlea mi-ibhokhanlẹn fan sibhẹkẹ edọmẹnre yẹbi ebọlea rẹ mun enebhakhia bhọnlẹn reji ukpẹdẹ ibhuohiẹn. ¹⁰ Onai mama kiẹn ẹmọata reji enẹbhoni newọ rẹkhan ọghọmẹn ọsi itẹle osi Ikpakpaegbe bi irẹlogbu-uhia. Emọn Izebhudu bi itobọmẹnzẹ, ofẹinmuele nerẹrunujie-enemọn-oriri. ¹¹ Ehi mọan Iwegbe bi ahu nọn kpọnọle, ọkpakino erọ mu-ihẹnlẹn ọsi ibhioiẹndaebianlele. ¹² Okpakino, enẹbholo nedia bẹ ẹlamẹn neiria-eria, aiwọ mele da uria. Ele bha lẹọn ọne bha mue-ekpẹn nan. Bhẹkẹ uria, adiyẹ riaelea. ¹³ Edi-min-Ihaosu reji emiebe nele lulu. Etamin ọwọwọbọ ọso odamẹn ghe ọfubhegbe nọn. Iton bi iwọn nọn. Eghọnghọn bhẹkẹ omulu nọnsele bije ha rẹ ha neẹ dujie. ¹⁴ Emọẹlolo nọn vuọni gboghele, emiebei khanle. Eki ha sieniriọn ne bha mudia bhi Ijọnkpa nabhẹ ebeimẹn, ọkhọele da vuọnin ọghọmẹn nọn bha gba, Imọn naghumulun ọle ekhin. ¹⁵ a zuwedẹ nọngbale-obọ dọ ha bibi khian bhuwedẹ ọsi Ibalamu nomin beor, nọn hoẹmọn nan rẹ hale osa ọsi ọnọn-bhalunọsẹn. ¹⁶ Okpakino, odabhueegbole ude bhẹkẹemiebe nọnsọle-ikẹtẹkẹtẹ nọnrẹ rọ-ọkpẹnlen-ọbho bhe emẹnmẹn nọnsọle. ¹⁷ Enin-ikpea nan da kin-ikuẹkuẹ ẹdẹ namẹn-iye, bi iku no ojahoho mukhian. Na mu ojebi ọsi ebiuki yakhẹ ele. ¹⁸ Edẹ gbọ ẹhio ọsi ihanholo. Erọyẹmẹn ọsi-ikpakpaegbe Siẹ-ẹbho kẹgbe. Eki ha lẹlẹ ẹbho sikẹ egbe enezakhaukhua nerẹ nẹgbe bheje enẹbho neyẹn bhẹkẹ ifiobọdọn la ye. ¹⁹ Eda ve-omienfan nele, okpakinọ, eletobele igbon bho elekhin reji itele. Ramude ọria ikin igbọn reji ebe mọahu nọle. ²⁰ Ahamiẹn esabọ nẹgbe nin itẹle nọnsọ-ọnagbọna nọn nukobọ nọnse-ebian lẹn man, ọmiẹnnanfan, Ijesu Kristi, ọda gbochieyẹ muegba nerẹ mio-obọ kokhunẹ, ọnehe nọnkike ki khọnẹ ọnin ihẹnhẹn. ²¹ Oarẹmẹnẹ rẹjele sẹde ele bhaka ẹlẹn uwedẹ ọsi ihunọsẹn dọrẹgbera ele kika lẹọnlẹn ọkpakinọ fiegbe denọ bhọ ẹkẹ ọnuhi nọnkhiale namunele. ²² Onitana, ẹmọata nọn rẹjele; "Awa chie diọ bhe-ekpa nọnle kpale, bi une nankhọa chie diọ bhẹkẹ ekhuọrọ."