¹ Enihoẹmọlẹn, ọnaọkirẹ gba bhebe ọjeva nikisẹ gbẹn jibha bhẹkẹ enaveva ayere nọn nirẹ guabha ọkhọle kpanọ ọsesili. ² Bejibha ada ye enemọnire ne nohẹn akhasẹ nekhaile tabho tọ eghe nọ gbera bi ọnuhi ọse bianlẹn manlẹn omiẹnmafan nọn nobọ enojohẹnlẹn rẹman. ³ Khalẹn ona, ghe ene runun riaọ ria deva ikpẹdẹ ọkike. Ediha runun gbagbon ekiyẹ haluebe yẹ ele. ⁴ Edẹ tale, "ọnive owuvade nọn sọle kibhọ? Nabhẹghe ne naba manlẹn rẹ wẹ ejemi ye ọye nabho muhẹn narẹ mọnagbọna." ⁵ Ekimama yelea ghe eghenọmama relẹ bhẹkẹ emọ Osenubula enoknun bi onotọ dava dọmudia bhukamẹn bi ekẹ amẹn, ⁶ namien ọlearẹ ria ọnagbọn an bhọnẹgheni, bhologho amen. ⁷ Bhẹkẹ ọnemọnlẹn arẹyẹ rokhun bi otọ gbakhua khẹ eranlẹn ekiẹn eba muọbhotọ khẹ ukpedi bhuohien bi uria ọsẹbho nei men. ⁸ Khẹjọsiẹbhẹwanre, ghe ukpẹdẹ ọkpa bhobe bianlẹn ọidiabi ikpuli irion ikpuli yẹdia bukpẹdẹ ọkpa. ⁹ Ebianlẹn isibhive nọn sọlere benebho esolu, nọrẹ diairion. Okimọiziegbe khẹ manlẹn oiguanọ nọsosoria, ọkpakinọ nọnrebhe fiegbedenọ buọlere. ¹⁰ Ebiorẹdiayẹ, ukpẹdẹ ọsebianlẹn ọave boyi: Enokhun kikpanọ bhekẹ owogho nọkhua. Eranlẹn dẹtuẹ eberibhọ rebhea. Onoto bieberibhọ rebhe dẹtoa. ¹¹ Bọnamiẹn ọnughedẹna adarẹria ọnemina rebhea, oria bewẹki-dakien? Hayẹn uyenmi khaile bi uyẹnmi Osenobula. ¹² Ejẹje amuegbe khẹ ọnukpẹdẹ ni nososenobula. Onẹdẹ ni, eranlen adarẹ tuẹ okhunluan, eberibhọ rebhe kilala kua bhọ gbigbi eranlẹn nọkhua. ¹³ Okpakinọ rejive nọsọle maimudian khẹ okhun ọsọgbọn nikhiale adayẹn lẹn. ¹⁴ Benọkidia inyian enihoẹmọnlẹn, bọnuwẹ khẹ eneminan, luọmẹn nẹ nọsẹ narẹ miẹn wẹimoitọn bi idobọ bhiyalo nọsole bhofure. ¹⁵ Iriọyenọn, riale ghe iziegbo-ya nọsọle ọle rẹni jimanlẹn, bọnobhio malẹn nima hoemọn lẹn Ipaulu gbẹn jibha bhẹwanẹn narẹ nanlẹn. ¹⁶ Ipaulu italonyan enanreghe bhẹ kẹebe nọgbẹnlẹn nanmien emilin ibubhekẹ ọle naikelẹn ebẹtayẹ. Enebhalẹn ejaye bi enẹbho nebhamudian nọnsẹn idegbenyan ọnan bọne luda ojebe nekẹle rẹjuria nọsele. ¹⁷ Bọnọdiayan, enihoẹmọlẹn, bọnuwẹlẹn ọneminan bhẹghẹ, ha khẹegbe nọsẹ, nenbho nebhalẹn uhineniẹ oria hefiẹ uhọnmọn bhefandon, numudian nọsen hẹ yuẹ. ¹⁸ Okpakinọ wanre bhẹseọhe bi ilẹn emi nọnsebianlẹnman bi omien-manfan Ijesu Kristi. Oriri kiọsọ le bhọnẹ ghena rẹsẹdẹdemẹdẹ isẹ (Amen).