¹ Egbọwanlẹn bhuriamin. Nọnrẹdiariọ, khualeokhun bi aba. Blue-enusẹbhokhan ude bi ibhio nekolọ. ² Enikhuo newanre bi Inẹ, bi enimanbhẹn bi Ibhio nekhiale bhu-uwedẹ rebho. ³ Muekpẹn nenikhuo neibhọn-ọdọ ọsẹkẹata. ⁴ ọkpakinon, Ahamio-okhuo nọibhọn ọdọ, ọda bhọn Imọn bi eẹ, jiamiẹn min ele ka muekpẹn nu-ukwa nonsele. Jele gbẹlo ghu-ukuwa nọnsele fo, ranmude ọna yiẹ Osẹnobula. ⁵ Okpakinọn, ọnọkikiẹn ọibhọn ikhua ẹloghe ọsẹkẹta, ọda mu-ikhuaẹ longhe nọnsọlẹọ bhi-inerọmọn jio-osẹnobula asọn bi-odamọn. ⁶ Ebiokirẹ diayẹ, ọnokhuo nọn yẹnlẹn rẹji ọwọwọbọ nọnri bhẹ- ẹkẹagbọn, ọiyumin arẹmiẹmin iman ighọle bọ ọnọyẹnlẹn. ⁷ Ibhajia gbenuhinan be jiọ khẹkẹ, benadamiẹnman kiọn ọno-okaine. ⁸ Okpakinọn, ọria nọn bha sabọ gbẹlo ghi Ibhokhan-ele bi uwa nọnsọle, ọle khọne ọnọbhalẹn-Osenobula. ⁹ Jiamiẹn agbẹn elin-okhuo-ọbhotọ bo-okhuo nọibhọn-ọdọ bọnọn ki gberae Ikpe egbolea, bi ọbha-bọdọ ọbhebhẹ. ¹⁰ Aki lẹọn leọ bhe miesili, bọria nọngbẹlo ghi ibhokhan la ọisabọ gbẹloghi-eriọbhe, la ọikpi-ibhokhan eramẹn nọnsi ibhokhan-Osẹnobula, la omiefan enan muemiamẹn gbe, la ọmuegbe fima iwenan nọmẹlẹn. ¹¹ Okpakinọn, rẹji ikuẹkui-ibhokhan neiyẹbhọn-ọdọ, hẹ gbe-elieleọbhebe. Ramude, ele ha muegbe finan ebegbele guanọle, gbera Ijesu an ekikie bọdọ. ¹² Bhọ-ọnuwedẹ nan, eda ha bhọn ọkhọle ọsi uzanọa, ramude ẹsọn ọhẹnhẹn nọnsele erobọgberalea. ¹³ Bhọ-ọnẹghe sẹyẹ, edaluẹ ọdimẹnlo, bye-erẹ ha nu-uwa khian kẹkẹ. Oiyi ebhọn-ọdimẹn lo-ọkpa, eiyẹ ha tanọta nebha kiọnlẹn, tebe bharẹ khẹke nerẹta. ¹⁴ Bejọki diariọ, Imẹn bhie-enin ikhuo nebha sẹ dọmaẹn nekie rẹ bọdọ , bene ada biẹ Imon, beneada sabọ gbẹlo ghuwa nọnsele aki miẹn ebha reghe nemin-lyianslẹn rẹ rialea. ¹⁵ Dọrẹsẹ ghe ẹbho kika muegbe fino-ojuu. ¹⁶ Aha miẹmin ọnorẹọbho bhọn okhuo nọi bhọn-ọdọ bhẹwẹle, ajọ miẹ kpaele, bejadamie ihẹ bha khua-otnẹ gbe, bejọ ada sabọ miẹ kpa enikhuo-nọndele yuw ọsijẹje. ¹⁷ e enediọn ne wenan nọnsẹn ha mọekpẹn nagbeyera, mama reje enewenanlẹn bhẹkẹ ẹmọn nọn sosenobula bi Imaemin nonsọlẹ. ¹⁸ Ghe-ẹmọn-Osenobula tale, "Nuhẹ gbọnẹ-ẹlamẹn nin unuọin nọn guọghọ ọka" ramude "Onọmiẹsọn ọikhẹke narẹhalo-osa." ¹⁹ Hẹ kaehọ orẹbha narẹbha enewanlẹn sokpan Etueva la Etuea sọsia ọbhọ. ²⁰ Dia elumin ebe bhu-uwedẹ isiraẹbhorebhe beje enekẹle adaha mufẹn. ²¹ Imẹn gbuhi nọn khiale nin bha, bhi-iyalo nọnso-Osenobula bi Ijesu Kristi bi ẹhi nanzẹlẹ, nea muọnuhi mọnlẹn bhẹkẹ abhazọnria la abha tie-ọsẹmẹn khọnan. ²² Ibhahẹ tua hareobọ ọria bhu uhuọmọn Ibhahẹ gha bhe emiebe nọnsọ ọria ọbhebhe. Ibha kpe gbe bha khia. ²³ Hẹyẹ hamuamẹ ọin. Nọnre dia riọ, uwẹ ha mu-ukpomian ayọin ramude ẹkẹle nọnbaẹ bi ekhọmọn nuwẹ khọmọn ẹgherebhe. ²⁴ Emiebe nọnsẹ-ẹbho-eso,orebhe kida ghọlẹ, ramude ọirẹ khanle na bhi Ibhuohiẹn. Okpakinọn, ebhiebe nọnsẹso dẹ vae saha-zẹbue. ²⁵ Bhọ-ọnu-uwedẹ ọkpa, Iwena nọn mẹn eso ailẹn ele, ọkpakinọn, enelẹle aida sabọ-rehele.