¹ Eneghena ọnorion kigbofanọan talwe ghe egheọkike Ebho ne bu kisi bhurekẹleo, re denelo ọ bho riọ ihiẹle bi imaemin Osenubula. ² Eke ohogholi imuemiguelo, okhọle kigbi. ³ Ekiatamagbon neawa izokhuo bie do ekiyẹ tama ele neanẹ bhebale Osenubula malẹn nenẹrebho bi enelẹmata hareghonghon mico bhegbe. ⁴ Ghọlẹ, Emirebhe nosenobula malẹn ọmẹn. Emilin ribhọ nimamiẹn bhekẹ ekhuẹmẹn nahe. ⁵ Ramude emọ Osenubula bi erọmon ki kpokha. ⁶ Ahamiẹuwe muọnemina bu enibho manikpia wẹkikiọmadia nọsi Jesu Kristi nọmen. Ramude emọureọbho bi imaemili nọgbale ọlewẹ rekhalẹn. ⁷ Okpanọ hokha senagbọna nenikhuo nakamẹn nọrediario luegbẹ ughedosenobula. ⁸ Obhele khere ribhiluemi osegbe ọkpanọ iluẹmi ososenobula ọle rẹ kpa bhemirebhe. Omuive mọlẹn bho nuyẹmina bi uyẹmi nọvadẹ. ⁹ Onuhọnmujena emina muduya non kioseje narobọrekha. Eke ọna madazakhuakhua rẹ mama miesọkaka. ¹⁰ Mamoire keleoi da Osenubula nọ yẹlen, nọ ki umiẹ fan osagbon rebhe, okpanọ ikẹ jenerẹ bhe. ¹¹ Tale wẹama ọnemina. ¹² Ejọria rẹlo gbusẹn nọsẹa, nọrẹ diario, kijemiesi ọsene rẹobhọ bho ta, iluemiye, ihoemoegbe, umudianosẹ, bi ikhale. ¹³ Okuese mẹvae, robọ rẹkha itieebe, itemọ Osenobula bi imaemi. ¹⁴ khẹ relo gburẹna noribhuwea, narẹnien bhe keakhase, bi iriobọ yauhọmọn nọsẹnediowele. ¹⁵ Gbelo ghe enemina hayẹlen bhekeole be jadamiẹ uwanre nọse ki kiẹyama jiagbọn re bhe. ¹⁶ Mama gbelo ghegbe nọ sẹ biọni maemilin. Rekha enemina, uwẹ akialuọna, ukimiegbe fan bienea rehọbhebuwetale.