¹ Ọnẹtana ọiki emina muduyan, ọria ọnọnuanọ nọki ọghẹ ẹlẹ ghẹ ẹbholo ọda kin ọria nọguanọ iwẹna nọ mẹ. ² Benọkhin ọ ghẹ ele ghe ẹbho ọda kin ọria oimọn ẹkhlolelo, ọdọ okhuo ọkpa, ọnọwuemi nọ gbale, ọnọn mọewalẹn, nọluemin rẹkhan uwedẹ, bi ọnoghe ele ghẹ ebho ọda kin ọnọsabọ luebhọ emin. ³ Ọida kin ọria nọdẹ ẹyọn noinọn idobolo, Ọkpanọn oda kin omuekpen bhe egbe, nọrọ ọfure khan, oida kin ọria nọho ẹmon igho. ⁴ Ọda kin ọria nọlu uwale khan nọsen, ni ibhokhale mọn irehọbhemọn ekiye muiekpen nalẹn. ⁵ Ọria nọ bhasabo ru uwale khan, be bho ọle arẹ ghẹ ele ghu oturẹ Osenobula yẹ? ⁶ Oida kin ọria nọla nabhi otuẹ, benada miẹn ọbho kha mọn utuẹokhun bhi ikhabhe egbe nọla rọle min ẹhiẹle nabhi uria bo ojuu. ⁷ Oda kha mọn ọla esili nagọn neribhi olele tajiole, benada miẹn ọbhadeọbhẹ ẹkhọle bi ufi osi ojuu. ⁸ Bhi ọnuwedẹ ọkpa aghale ni ikpia (deacons) odia mudia nọsen oyi ọta bhe enan ta bhe enan. Oida Eida kha dakha dmun ẹyọn nọbulu la ẹgẹgẹlẹn. ⁹ Eda kin ọnọn robọ rẹkhan uhi bhi urẹ ọbhọ bhi ọkhole nọn khiale. ¹⁰ Eda kin ena katẹ ẹmọn man, eda kin ọnọn ga ramude oimọn itọn. ¹¹ Bhi ọnuwedẹ ọkpa ikhuo ele dai kin ene mudia nọsẹn, niomọn udi egbelẹ, okpanọn eki khamọn ọhubhude bi ulunọsen bhi emili erebhe. ¹² Aghale nin ikpia edaikin ọdọ okhuo ọkpa edaiokin ene ri ibhokhan bi uwale khan nọsẹn. ¹³ Keji ene ga nọsẹ bi isudu bhi urẹkẹleọ nọribhi Ijesu Kirist. ¹⁴ Benire gben enemin nagie, Imẹn mọn ighodalo idi ke se ejuwẹ ye. ¹⁵ Okpanon kha miẹn bha kẹvae imẹn gben jiẹ benuada lẹn ebua remudia yẹ bhi uwa ọsi Osenubula nọkin otuẹ ọsi Osenubula nọnyenlen, ukpokpo uwa bi urẹkpa ọsẹmọata. ¹⁶ Iman rebhe kirẹbhọ ohanilo ọsi igo Osenubula ọkpọnọle. Arọle man bhi efueghe, ada miọlẹn bhi oriọn, enẹhi damiọlen, oda tale bha agbọn rebhe, ada rebhọle bho ọnagbọn nan erebhe, ẹkẹ oriọn riọle kpanọ kha khin okhun bhi oriri.