¹ Ji erebhe ne ribhi ọni omugba ne kin ighon len ebianlen non sele si eba gen. Eki luọ ọnan bi oni iluemin bha ha kin eba runu je. ² Eni igbon ne rẹọbhi bhi ẹbianlen bha ha kin eni abha mu ekpen nan ranmu de ibhio ikpia ethin. Nonkirediariọ, Ele kie manman mu ekpen ne le. Oni ebianlen ni iwenan non sele rẹkpa ele hi ene rẹbhọ bi enan huẹmonlen. Luẹ ele le uha tadagbare eni emin nan. ³ Onon ki rẹ khin non luẹ emi otuẹ non iyọle bi nọn bha ka re ji uhi non si ebiọlen man Ijesu Kristi bi no bha rẹ bhi ẹmon non si Osenobula. ⁴ Onan mon oɀẹ bi ọbha len emi soso bi ofure bha ha riọ bhi udu ran mudi ugbugan si ẹmon, ọda si inota bi ihienloze, ihenlen emi ne bha gba. ⁵ Bi igbugen ẹgherebhe re ji eni ẹbholo ne mon ọhọle itẹle. Emuata rie bhọ etami uwedẹ si igho non. Siegbe bhi eni ne sẹ yan. ⁶ Iyan, igosẹ deba ukhonmi, elele maman non. ⁷ Reji iman bha ri emi soso vae bhi Agbonan bi iriọ ye non iman da mu emi so so sibhọ re. ⁸ Ebokhi, bha ji ebale bi ukpon khon iman. ⁹ Iyan, ene guani afe ki beọ bhi edonmen deọ bhi ufi bi okan non bun bi ọbhia bhẹ ẹlolo bi emi non ki rẹ khi non gbi ebholo ruẹ bhi okan bi uria. ¹⁰ Okpa ki ne non, ihuẹmon-igho si emi-ebe rebhe. Ebholo ne guani ọnan fi uwedẹ ye si egbele ọ bhi iluakhiẹ ¹¹ paki non uwe ohen Osenubula, si egbe bhi eni emi nan rebhe. Khu ikhiale, lu bi osẹ, lu sen, huẹmonegbe, iziegbe bi idegbere. ¹² Khon okhan non men osi ure obho. Mu iyenlen ed ẹde mi ede mon len non ze nan da tatie ẹ bi non zele ni uwe da kozi non mẹn isi ra ọsali ne bunbun . ¹³ Imen ne eni uhio nan uwe bhi iyalo Osenubula non zi iyenle ni emi rebhe, isira Ijesu Kristi, non ri ikozi non men isira Ipontius Ipaleti. ¹⁴ Eki ri obọ rekhan uhi be na da mien abha mi okele bi uregbe, ọkuesẹ ebianlen man, Ijesu Kristi vae. ¹⁵ Bhi eghele non khe ke, mi Osenubula man, izegbere non si Kristi, ojie si enijie bi oni ebianle si eni-ebianle. ¹⁶ Olekpa maon ẹdẹdẹnebde bi non yenlele bhi ukpa ni oria so so hi sabo sẹ, ni oria soso bhosabo daghe bi bha ha kie sabọ feghe. Re ji ọle, ekpen bi ahu ededemendẹ. Isẹ. ¹⁷ Taman ene enfele nebhi ẹkẹ Agbonan ne hẹ ahio bi ne hẹ mu udu yan afe, nan bha ien ebọdiaye. Ebọkikhin ele rọẹ bhi Osenubula. Ole rẹ ni iman afe si ẹmuata bhi eghonghon. ¹⁸ Tama ele, ne ha lu non sen, ni ele ri afe non sele lu iwenan non men, se ye kin ọni emin hi dan bi ọri emin si bhi obọ re. ¹⁹ Bhi oni uwedẹ ni, ele ki amon onu non men rẹ ji egbele reji eghele non vade bọ ne da mon iyenlen ededmendẹ. ²⁰ Itimoti, rẹya eni emili nan re nien. Siegbe bhi ọta ne bha gba bi eni emi ne hi men nan tiọle owanlan. ²¹ Oni ẹbho eso tale eni emi nan eso bi non zele ni ele nan fi urẹ ọbho non sale don. Ese ohẹ neẹ dia ise.