¹ Ebi jesu rẹ shọi ebotọ lọ yokhumi vare otọ, eya le bu rẹkhian inyọ. ² Ọya lọ mọi ilẹprọsi, ọ rẹ bu ọ re ọ rẹ dere ni yọ ọrẹ ghuere ọlọmọma, akha gaze ukho, u lọ mati rẹ mẹ khai. ³ Jesu rẹ rọ bọ svboi, oghuere i kho rẹkhain ẹjẹje emiami sȯi shọi egbe sọi re. ⁴ Jesu ghuemiọ, esẹ ghuemiọ ya sọso, rẹshai ọ miẹ gbe miẹ oborlen sẹ bi lu rẹ re mina si arekpẹmi li imosisi ghuere ni arekpẹmi ni inyẹ. ⁵ Ebọ rẹ vade ikapaanoi, isẹturion bu ọ rẹ, ọdvbabọ nai. ⁶ Ọlọmọi ma, ajukhumi mẹ ọ raiighue, ẹkẹ miami li khua. ⁷ Ijesu rẹ ghuemiọ, i lọ vare mẹ regbesọi dan. ⁸ Ọli sẹturiọn ke rẹ nyanyọi, "ọlọmiọma i sẹ ọya lu mati o ẹkẹ ighue sọi, ghueta ama ghueta, ukha ghueta eri ajuhumi mẹ lo dan. ⁹ Eri mẹmẹ gbo vbi ọya la zẹ ukhue sekhe, bi imiọ igbaliku sẹmẹ, ighuemiẹ ọkpa za sha, ọ ekhien bi rẹ jo vbe vare ama ọ vare, rẹ ji ajukhumi mẹ, ekhien ọ ọna ọ ekhien. ¹⁰ Ebi jesu rẹ khọn na ọnyunua ọrẹ ghuemiẹ ele rẹkhain inyọ ata i igue miẹ imiẹkhọn la bi ọna ẹkẹ evbo si izeri. ¹¹ Ama i ghuemiẹ, eya le bu lọ vare iasti, wẹst, nọrth, southi ere lọ ja gvbe, abrahamu, iziki, bi ijekọb ẹkẹ eje si ukhumeimi. ¹² Ama elunyọmọi so leje alọ da inyẹ ovbẹkẹ ukpobi li khua, a za mie, eviẹ bi aghuakọn. ¹³ Ijesu kerẹ ghuemie ọli sẹturiọn za sahn abu rẹ miekhọn lọ nwi nyọ rẹ jo vbẹ, ọlẹgẹgẹ ajukhumi sọi dan. ¹⁴ Abi jesu rẹ di igue si ipta ọ, ọvbẹkẹ ọ ọmiẹ inyi ọkhi iba zai tvbọi. ¹⁵ Ijesu rẹ ro bọ svbọi, ọli iba kerẹ shọi egbe sọi re, ȯlọkposo kerẹ dmuza orẹ zagha inyẹ ¹⁶ Ebi ojami rẹ vare ele eya da eya le mọi esu vare, ijesu kerẹ khue lesu shọi egbe si inyẹ re, ọre ni eya le mọi emiami. ¹⁷ Ẹkẹ ọlukpodẹ na, emi azaya lọ ki imiarlo rẹ gha, ọ ghuere, "inyọ legbe inyọ da emiami sa mai. ¹⁸ Nyẹnẹ, ebi jesu rẹ mi eleya le bu, ọrẹ ri ukhi yi obọ nọi seda si igalili. ¹⁹ Iscribi ȯkpa ke rẹ bu ọ re ọrẹ ghuere, ọlọvbiẹ i lọ rẹkhian ẹ yi ebu ye gbegbe. ²⁰ Jesu rẹ ghuere, eri ifọxis mọi uoọ, ukpafiami mọi ẹko ama unyọmọ so mọkhe, ọmọkhe ebọ lọ ri ukhumi sọi yọ. ²¹ Ọkpa si ọdibọ sọi kerẹ ghue mọi, ọlọmọi ma kparlo zẹ mẹ obọ mẹ ọ re eramẹ tọ. ²² Ama ijesu ghuemiọ, rẹkhian mẹ zi, elewu lẹ tọi elewu. ²³ Ebi jesu ke rai ovbẹkẹ okọ sẹ da, idibo sọi̇ rẹkhian inyọ ovbẹkẹ ọlọkọ sẹ da. ²⁴ Ama ofio ke rẹ vare ọlẹda, arẹmiẹ,ọkpegeke rẹ vo olokọ, ama ijesu oke mẹkheṇ ²⁵ Idibo sọi kerẹ bu ọ re, e shọi o mėkhẹn, erẹ ghuere, "su memai, ọlọmiọma eri ma kho ma wu. ²⁶ Jẹsu rẹ gvbminyẹyẹ, ẹmẹ zẹu lọ fẹ, ọvbẹ lu miọ miẹkhọn li kẹrẹ, ọkẹ rẹ dọmuzọ ọrẹ kvbọ lẹ fiọ bi ẹda, ani gbẹgbẹ kẹrẹ fuẹ nẹsẹ. ²⁷ Ele mọkhe nyunua erẹ ghuere, ọmọkhe la ba ma khọn li efio bi ẹda ere rẹkhoe nai. ²⁸ Ebi jesu ke rẹ vare ofiọ nọi sọ lẹ vbo rẹ ji ẹvbo si gadarẹnẹs, emọkhe eva le mọi esu yọ egbe ebu ọ re, e zai ẹkẹ idi jiare bi ere biokhan nẹse nẹse, ọya sọso sẹ mati shan ukpodẹ ni. ²⁹ Erẹ khue jiare, e ghuere, e mi ma mọ e rẹghue ovbẹ unyọmọ sọghẹna, uke vare an lu rẹ rẹ ma miẹshiọn kparlo khe ọlẹgẹgẹ? ³⁰ Nyẹnẹ isi le bu e kpi ẹn re, elisi e emale. ³¹ Elesu rẹ dvbabọ ni jesu e ghuere, "u kha ro ma shọi egbe na re, je ma ẹkẹ elisi le bu. ³² Jesu kerẹ ghue mi inyẹ, "za shan", elesu jiare erẹ ovbẹkẹ elisi, elisi gbegbe ke ra la ovbẹkẹ eda erẹ wu lo. ³³ Eleyale khuẹ elisi erẹ la ovbẹkẹ ọlẹvbo e kerẹ ghue mie eyaemina gbegbe, gbo vbi eya le kparlo mọi esu le ke dan. ³⁴ Evbo gbegbe ke rẹ jiare ọ bu jesu re. ebe rẹ mọi erẹ dvba bọ nai lọ shi ẹvbo si inyẹ re.