¹ Ijesu o umokọ, fan ra lẹ, ọ vare ẹvbo sọ. ² Ama, enwo jọ ẹkhi lo rai okumeghue. ebọ mi miekhọn si inyẹ, ijesu ghuemi oni omokhẹn ẹkhi. ³ Ama, akawe eso eghuere use ighiẹn, "ọmọi na ọya nwe nwe o. ⁴ Ama, ijesu erọ khẹn udu si khẹn oghuere, "emọ zẹ lu rẹ kọkọ eminalogbe ẹkẹ udu sẹ. ⁵ Ama oke nwe, ure ghuere ọọse,agbeknai: ama khiọ re lu zan shan. ⁶ Ama lu rẹ khọn nyọmọ si era erọmọi eti la rẹ gbekua ni ese,"o ọghue mi ẹkhi, "kwọ re, dai egua sẹ lu zan shan ighue sẹ. ⁷ Ama ọḷọmọi ọdamuzan ọkhi ighue sọ. ⁸ Ebieya le rai ani mi elemina na eke lofẹn eri inwẹme ni ọghẹna lọ ri ototo ni eva. ⁹ Ebi ijesu ke shani re, ọmi ọmọkhe ọkpa la khe she imatu ọdiaeba za mie ọmioga, ọdia ani. ijesu ke rẹ yọ lọ rẹkhan inyọ, ọ rẹ rẹ khan inyọ ¹⁰ Ijesu ke dia lo khe oni ighue, ama ọmiọga le gbu bi ele duesẹ e vare lẹ ọ rẹ khiọ emakhẹn bi idibo sọi. ¹¹ Ama,abi elali ifarisi miẹ, e ghue mi idibo sọi, "eme zẹ oyalowẹ wa ode ghue eya le omioga bi eya le duese emahẹn ¹² Ama ebi jesu ke khọ oleta, ọghuere, "eya le oya ẹkẹ egbe enwo ọlọkhe elekto, ama eya lọlto ero khọ ọ. ¹³ Ze shan nyene emọ ọna zẹ ike nwo ugbe khua ọke nwi izogboi ama i vare ji ọkurlan, ama ele duese li o. ¹⁴ Ama idibo si ijoni vbare ọ miọ e ghue miọ, ''Ama mama bi isieravbore eri ma khe fi azemi, ama odibo sẹ e nyiama fi azemi ¹⁵ Ijesu ghue miẹ yẹ, ''unyọmọ si ulo lokhọse eke ighue oloke za vbiẹ ẹkẹ orukhame ke rai ani kpẹ khẹn? olukpe ni lọ khe vbare nọ orukhame lo ke ro ọkhe shọ re, olo khe fi azemi. ¹⁶ Omoi khe ye nwọ olo re ukulogbo yọ ukuloke tẹ ọlọtọi egbe le ni oloke miẹ. ¹⁷ Ama li eya rẹ khwi eyon lọgbọ yọ eke ukhede lọ ke tẹ, ama ukhe dai yọ nwọ ọlo gbe ya, ama ọlẹ yon ọlọ ke ria, ama ọ ni ukhede lọ ria. Ama elọ ke rọ yọ ukhede lọgbọ, ọkhe ke ria. ¹⁸ Ebi Ijesu khe ghui ọ li eta ji yẹ, ama, ọmọkhe ọkpa lọ mọi ototo nẹse nẹse ọ vbare ọ rẹ deghua na. Ọ rẹ ghue re,''Ovbi mẹ li ọkposo wu, vbare lu niọfan, lọ rẹ khiọ elewu re.'' ¹⁹ Ijesu khiọ re ọ rẹ rẹkhian ọọn yẹ gbi idibo sọ. ²⁰ Ama, ọkposo lọ miẹsion si ẹrlo ikpe igbeva, ọ vbare ọ rẹ ri ogbọ swi ukhun si si ijesu. ²¹ ama ọghue re yọ udu sọ yọ ọkha ma ti ri ogbọ swi ukhun sọ yọ ọ lọ mọ inifan. ²² Ama Ijesu fi egbe delegbe ọ rẹ ghue re, udu sẹ bi amieghọn sẹ ri inifan na.'' ama ọ li ọkposo mọinifan rẹ zai ọ li ukpẹ shọ re. ²³ A bi Ijesu vbare ighue si ọ ni igbaliku, ama e mi eya le khue akhara bi eya le gbu e kpi okheke. ²⁴ Ama ọ ghue re, ''Nwa za khian, ọ lọ mọkhi ọ gbe wu ọ sẹ mẹkhẹn. ''Ama e za diọ. ²⁵ E bi e ni ọgbuan si eya dia re, ọ o ẹkhẹ ọ ni ighue ọ rẹ nwi ọ ni ọmọkhi ogbọ ọ rẹ khiọ re. ²⁶ Ọ li ẹmọ khian khian ẹwo gbegbe. ²⁷ E bi Ijesu khe khian ọ ni ẹwo, Imọkhe ebva le rluarho rẹkhian ọọn. E za khue, "ovbi idavi, mọ ituegbe na ma!'. ²⁸ E bi Ijesu khe rẹ vbare ọ ni ighue, e ni imọkhe le rluarho vbare ọ ga ze. Ijesu ghue miẹ yẹ, "E li nwa mọ amieghọn i lọ ma ti nwọ na?. E ghue miẹ ọọn, u lọ ma ti nwọ ọlọmọema. ²⁹ Ijesu ro gbọ so yẹ arho ọ rẹ ghue re, ''Ama lọ miọ egbọ rai udu sẹ. ³⁰ Ama arho si yẹ ọ tu je ya. Ama Ijesu ghue miẹ yẹ nwa sẹ ghue ọya soso ema miẹ na. ³¹ Ama e li imọkhe evba rẹ khiọ re eke rẹ ghue miẹ eya gbegbe ọ li ẹmọ. ³² E bi e li imọkhe evba khe rẹ khiọ re. Ama, ọmọkhe lọ ma ti ghui eta lọ mọi ukọbe vbare gbu Ijesu. ³³ Ama e bi ọ ?ni ukọbe khiọ egbe si ọ ni ọmọkhe re ọ rẹ ghui eta. Ama ọgbuan si eya mọ aniu~unua e khe rẹ ghue re, ''Ama a gbo mi emina ni na ẹkhẹ izirema! . ³⁴ Ama isiervbọre e khe rẹ ghue re. ''Rẹkhian eti lọbe ọ rẹ nifan ukọbe.'' ³⁵ Ijesu khe rẹ khian ẹwo gbegbe bi afẹn. Ama ọ za vbua~vbua ẹkhẹ ọsẹ, ọ za ghui ẹmọata si ije si ọghẹna miẹ eya, ọ za ni eya fan emiami gbegbe. ³⁶ Ama e gbọ mi ọgbuan si eya, ọ mọ ituegbe ni yẹ, ba mọ e za mọ okpokpo logua. E za rẹ gbi eya le mọ ọya lọ ri yẹ khian. ³⁷ Ọ ghue miẹ idibo sọ, 'Eghẹghẹ a rẹ le emina ọ gbu, ama eya le gbia khere.'' ³⁸ Ama nwa gbadua ji ọghẹna ma, lọ rẹ ji eya le gbu o ogbia sọ.