¹ Esẹ ghuẹzọi , la kha ghuẹzọi sẹ. ² Ama rẹ yọ ghuẹzọi lu ghue, a lọ ghuẹzọi sẹ bi rẹ yo ọli umiami, alọ inyọ mia ovbẹ. ³ Eme zẹ u khọi ukuku li kere lọ rai arlo so miẹ, ama usẹ ẹ ọ lọ rai arlo sẹ. ⁴ Ebu lọ ke ghue miẹ, zi mẹ ri ukuku lọ rai arlo sẹ vbọre, ama isẹ rai arlo sẹ. ⁵ Ovbẹ vbi ikhikpokrit kparlo ri ọlọ ria arlo sẹ re ẹgẹgẹ ni erulọ ke mati mio dẹ nẹse nẹse rẹ ri ọlọ rai arlo so miẹ ro vbọre. ⁶ Esẹ ri eme khai ni aghua, bi esẹ fi eme khume sẹ ẹkẹ arlo si isi, ama ere lọ mati ri aghuẹ sinyẹ rẹ shai inyė. ⁷ Mia, era lọ rẹ nai, gho, eru lọ miẹ, kpokpo unọr, erọ lọ ti nye a. ⁸ Ama ọya gbegbe lọ mia ere lọ mie, ọlọ gho erọ lọ miẹ, bi ọlọ kpokpo unọr eṛlọ ti nye ya. ⁹ Ama i gvbọ ọya unyọmọi sọi kha mia ọ osvbeko ọlọ ru do nai. ¹⁰ Ama ọkha mia ẹkhe, ọlọ ri ẹnyẹ nai ¹¹ Ama akha gaze ovbẹ lọbe eru ẹn eba ri emina lọ khume ni iyekhan sa vba, eri ọghẹna lọ ri eme khume na vba vba kha mia ọ lẹ ena. ¹² Ama emu kho li eya ekhien rẹ ji ovbẹ, ekhien neya. ¹³ Ovbọẹkẹ igada lọ kere, ama igada si bi ukpodẹ lọ shan yi agbọn sẹshiọn, bi eya le bu le shan vbọ. ¹⁴ Ama igada bi ukpodẹ lọ vbi sagbọn, erọ li gada kere bi erọ li kpodẹ miame, bi eya li kere le shan vbọ. ¹⁵ Ẹghuan yọ imiarlo sehẹn, le vare ji vba ėkẹ uku si onwẹn ama ivbovi le wu. ¹⁶ Rẹ shan ukpekọmi si inyẹ e ru lọ en inyẹ, ere ya koki igrapi re ẹkẹ, ikhimi bi ifgi shọi ẹkẹ ithistli?. ¹⁷ Ẹkẹ ọlu kpodẹ, ora lọ khume ero zi ukpekọmi le sẹ khume re. ¹⁸ Ora lọ khume ọkha mati zi ukpekọmi lọ sẹ hume re bi ora lọ lọi sẹ ume re. ¹⁹ Ora gbegbe lọ sẹ zi ukpekọmi lọ khume re, a khain ọ fia bi a ri inyẹ ẹkẹ erẹ. ²⁰ Ama eru lọ e inyẹ rẹshan ukpekọmi si inyẹ ²¹ Ọgvbi eya gbegbe le yọ mẹ ọlọmiọmai, ọlọmiọmai lọ lọ ovbẹkẹ ẹkẹ eje si ukhumeimi, eya le ekhien emi eramẹ lọ rai ukhumeimi kho do kpai. ²² Eya le bu ọlukpẹ ni ere lọ yọ mẹ, "ọlọmiọma ọḷmiọma, ma sẹ miarlo ẹkẹ eni sẹ? ẹkẹ eni sẹ ma khu esu bi ẹkẹ eni sẹ ma ekhien ȯnyunua le bu. ²³ I lọ ke ghue mi inyẹ, "i sẹ ẹn, shan a re, ovbẹ lu vbọ se. ²⁴ Ama, ọyasọso lọ khọn ẹmọ mẹ lọ ekhien, erọlọ ẹn, bi ọmọkhe lọ mọi ẹghuan lo yi ighue sọi yo udokọ. ²⁵ Amẹ vare, bi efio fi yọ ọli ghue ama ọsẹ dẹ, ama jọ yọ udokọ. ²⁶ Ama ọyasọso lọ khọn ẹmọ mẹ lọ sẹ ekhien inyọ ọ ẹ bi ọmọkhe lọ ruru lọ ji ighue sọi yọ ẹkẹ. ²⁷ Amẹ vare, efio fi yọ olighue, oli ghue rẹ de ọ rai gbegbe. ²⁸ Ebi jesu rẹ ghue elẹmo na le, eleya le bu re nyunua bamọi unwiemi sọi. ²⁹ Ọvbiẹ inyo abọya lọ mọi ototo, ovbi ẹn bi isibis.