¹ Ẹnyarami, mai zụ karẹyi yụ wụ nin, venebiri aza ana nyi ọyiyẹ ini ifẹ, akikọnọ, dim karẹyi yụ wụ nini venebiri aza ana yini ẹchẹgwụ ana vi ezeweyi ini Ikristi. ² Maa ka wụ enyi irẹva nini, azivi isari obooro ọnim si yụ wụ ri nini, fụvọki we zi teni ẹngwụ zio nin, shi ọmẹyani, wei ti teni ẹngwụ nini̇. ³ Fụvọki ụ yi yini ẹchẹngwụ nin. Izẹni ishini ọkikụ ọnri irazi ya inakaakana awụ nini, aivi ini ẹchẹngwụ ọnụ ra nini, dụ waa vatụra anẹshẹ nini aavọ? ⁴ Fụvọki, ẹfi ọni ọza ọnya kaa ki, "Ipọọrụ ọni maa vatụra." di ọsa ka, "Aponọsi ọni maa vatụra," avi ụwa mẹ venebiri anẹshẹ nini aavọ? ⁵ "Ẹnẹvi Aponọsi? Ẹnẹvi Ipọọrụ? Ezida ọnụ zirẹ-ngwụ anini nyi ọdọwụ ọnọvi ki Ananyiyi ọ si ụkọrọ yi ọza ọnyọnya anini kẹ mẹẹ. ⁶ Mee chire isa, di Aponọsi aa kenyi shio, ama Oshomoshi ọnọ mẹ ki ọ fụ. ⁷ Fụvavọ, shi ozene chire isa, shi ọzẹna kenyi shio, ọzi nyi ana bẹrẹ. Ama Oshomoshi ọna mẹ ki ọ fụ. ⁸ Ọmẹyani, ọza ene chire isa ọnri ọzena kenyi shio, vi ọnya, di ọzọza dọ ọpa ẹkẹshi ụkọrọ ọnọ ra mẹ. ⁹ Fụvọki, yee pe Oshomoshi mụkọrọ. Ụbazi ọnri ireshi Oshomoshi ọnụvi nini. ¹⁰ Venebiri ọiza-ọọfe, ọni Oshomoshi si yi mi, ọnọ si mẹ mi ọtụrarẹshi ebebaani, ma si ireshi kẹtẹ, di azẹnẹsa a tụra tụọ. Ama, navọ di ọzọza seyi pe ọ mẹmẹ aa tụraa tụọ. ¹¹ Fụvọki, ọzi nyi ọza ana va zụ si oshẹtẹ ọsa kẹtẹ, ana vi irenyi yi ọni Ijesu Ikristi si kẹtẹ. ¹² Ọmẹyani, aaviki ọ nyi ọza ọna si igonu, isiriva, irẹta ozoza renyi renyi, ọchi, avụda, navẹki ofokụ tụra tụni oshẹtẹ ọnọ, ¹³ a vaa si ụkọrọ aani zụ, fụvọki ẹtofei vaa siọ zụ, fụvọki ira ọna va siọ zu. Ira ana vaa si zama ụkọrọ ozoza me re zoza tụ. ¹⁴ Aaviki ụkọrọ ọza ọ dinẹ, o vee re ọgụ aani dọ. ¹⁵ Ama, aavika ụkọrọ ọza ọ rira vasha, ọ jaavọ vụ, ama a vaa dọ ọni nyẹmbẹ tụ venebiri ọza ọna jaavọ fini ira. ¹⁶ Wa zi yẹ ka itẹmpụrụ Oshomoshi ọnụ vi nini, di Ifẹ Oshomoshi ra ininẹ awụ nini? ¹⁷ Aavika ọ nyi ọzẹna dụ itẹmpụrụ Oshomoshi shaa, Oshomoshi vene ve dụ ọza ọnọ shaa. Fụvọki itẹmpụrụ Oshomo-shi vi ọnini, avọ ọni ẹwụ nini mẹ zẹ vi vi. ¹⁸ Asi ọza ọzọnyọnyi mẹngwụ aani apẹ. Aavika ọ nyi ọzọnyọnyi inakaakana awụ nin one ro ki ọnọ nyi ụvira ini evereze ọnọni, navọ dọ vara "ọnụra," doti ọzụ nyi ụvira. ¹⁹ Fụvọka ụvira ẹshẹ ọnọni vi ụra inọvidi Oshomoshi. Fụvọki a chẹrẹ tẹtẹ ka, "ọ zaa ẹnẹna nyi ụvira ini irikishi anini." ²⁰ Zẹtụọ, "Ananyiyi ọ yẹ ka aaro ọnụvira anini vi osusu." ²¹ Fụvavọ, aso nyi ẹzẹna si oza wooto inọpati aza. Fụvọki isa bo vi ayawụ, ²² shọọ daka vika, Ipọọrụ navẹki Aponọsi, navẹki Ikẹfasi, navẹki ẹshẹ, navẹki ifẹ, navẹki isụ navẹki isẹne yi naani, navẹki isẹna vaa vẹ. Isa bo vi ayawụ, ²³ ayi Ikristi ọnụ vi, di Ikristi vi ayi Oshomoshi.